Jona 3:5 - DIEM PROTESTANTA

⁵ Nino an’Andriamanitra ny mponin’i Ninive, ka nanapa-kevitra ny hifady hanina ary nitafy gony hatramin’ny lehibe ka hatramin’ny kely.

Baiboly Protestanta Malagasy 2011

⁵ Dia nino an’Andriamanitra ny mponina tao Ninive ka niantso fifadian-kanina sady nitafy lamba fisaonana, hatramin’ny lehibe ka hatramin’ny kely.

Dikateny Iombonana Eto Madagasikara

⁵ Nino an’Andriamanitra ny mponin’i Ninive, ka nanapa-kevitra ny hifady hanina ary nitafy gony hatramin’ny lehibe ka hatramin’ny kely.

Baiboly Katolika

⁵ Nino an’Andriamanitra ny olona tao Niniva, ka niantso fifadian-kanina sy nitafy lasàka avokoa, hatramin’ny lehibe indrindra ka hatramin’ny kely indrindra.

Baiboly Protestanta Malagasy

⁵ Dia nino an’Andriamanitra ny mponina tao Ninive ka niantso fifadian-kanina sady nitafy lamba fisaonana hatramin’ny lehibe ka hatramin’ny kely.

Malagasy Bible

⁵ Dia nino an'Andriamanitra ny mponina tao Ninive ka niantso fifadian-kanina sady nitafy lamba fisaonana hatramin'ny lehibe ka hatramin'ny kely.

Jona 3:5 Rohy Ifampitohizana

2Mpanjaka 19:1

Raha vao nandre izany tatitra izany i Hezekià mpanjaka, dia nandriatra ny fitafiany ka nitafy gony ary lasa niditra tao an-tranon’ny TOMPO.

2Tantara 20:3

Dia natahotra i Jôsafata ka nanapa-kevitra hanontany ny TOMPO sady niantso andro fifadian-kanina manerana an’i Joda manontolo.

Ezra 8:21

Teo amoron’io lakan-dranon’i Ahavà io, dia nanainga anay rehetra hanao fifadian-kanina aho mba hietrenay tena eo anatrehan’Andriamanitray sy hangatahanay Azy hahatsara dia anay sy ny vady aman-janakay ombàn’ny fanananay rehetra.

Estera 4:1

Nony fantatr’i Môrdôkay ny zava-drehetra nitranga, dia nandriatra ny fitafiany izy ka nitafy gony sady nihosin-davenona ary nankeo afovoan’ny tanàna ka nitaraina sy nidradradradra mafy.

Eksodosy 33:6

Noho izany, raha vao niala tao an-tendrombohitra Hôreba ireo Israelita, dia nanaisotra ny haingony.

Jeremia 31:34

Tsy mila hanatona ny namany na mpiray tampo aminy intsony izy mba hampianatra ireny hahalala Ahy TOMPO; fa hatramin’ny kely indrindra ka hatramin’ny lehibe indrindra dia samy hahalala Ahy avokoa izy rehetra, hoy ny teny hentitra avy amiko TOMPO. Fa havelako ny fahadisoany ary tsy hotsarovako intsony ny helony.»

Jeremia 36:9

Tamin’ny volana fahasivy, taona fahadimy nanjakàn’i Jôiakima, zanakalahin’i Josià sady mpanjakan’i Joda, no nisehoan’izany, raha nantsoina hanao fifadian-kanina teo anatrehan’ny TOMPO ny mponina rehetra tao Jerosalema sy ny olona rehetra avy amin’ireo tanànan’i Joda.

Jeremia 42:1

Tamin’izay ireo rehetra mpifehy ny andia-miaramila, indrindra i Jôhanàna zanakalahin’i Karea sy i Hazarià zanakalahin’i Hôsaià, ary koa ny vahoaka rehetra teo na kely na lehibe,

Jeremia 42:8

Koa nampiantso an’i Jôhanàna zanakalahin’i Karea sy ireo olon-kafa mpifehy ny andia-miaramila izay niaraka taminy mbamin’ny vahoaka rehetra na kely na lehibe i Jeremià,

Daniela 9:3

Ary nitodika tamin’ny Tompo Andriamanitra aho mba hanao vavaka fitarainana sy fifonana ombàn’ny fifadian-kanina sy ny fitafiana lamba fisaonana ary ny fihosoran-davenona.

Joela 1:14

Manokàna andro fifadian-kanina, miantsoa fivoriana masina; angony ny loholona sy ny mponina rehetra eto amin’ny tany ho ao an-tranon’ny TOMPO Andriamanitrareo, ka miantsoa vonjy amin’ny TOMPO.

Jona 3:7

Dia nasainy nambara nanerana ny tanàna izao didim-panjakana izao: «Araka ny didin’ny mpanjaka sy ny minisitra, dia rarana ny olona sy ny biby tsy hihinana na inona na inona na hisotro rano akory.

Matio 12:41

Amin’ny andro fitsarana, dia hitsangana manoloana ny olona ankehitriny ireo mponina tao Ninive, ka hanameloka azy; fa niala tamin’ny toetra ratsy ireo mponina tao Ninive nony nandre ny toritenin’i Jônà! Indro anefa misy mihoatra noho i Jônà eto.

Lioka 11:32

Amin’ny andro fitsarana, dia hitsangana manoloana ny olona ankehitriny ireo mponina tao Ninive ka hanameloka azy; fa niala tamin’ny toe-dratsy ireo mponina tao Ninive nony nandre ny toritenin’i Jônà! Indro anefa misy mihoatra noho i Jônà eto!

Asan’ny Apostoly 27:25

Koa noho izany, mahereza tsara, ry sakaiza, fa itokiako Andriamanitra; tsy ho raraka an-tany izay voalazany tamiko.

Asan’ny Apostoly 8:10

Babony daholo ny olona, hatramin’ny kely ka hatramin’ny lehibe, ka vaky vava hoe: –Ity lehilahy ity no herin’Andriamanitra, dia ilay antsoina hoe «hery lehibe».

Hebreo 11:1

Ny hoe mino dia mahazo antoka tsara ny zavatra antenaina ary matoky ny zavatra tsy hita.

Hebreo 11:7

Finoana no nanoavan’i Noà tamim-panajana, fony izy notoroan’Andriamanitra hevitra ny amin’ny zava-hitranga tsy mbola hita; dia nandrafitra sambofiara i Noà hamonjena ny tenany sy ny ankohonany. Izany no nanamelohan’i Noà an’izao tontolo izao, fa nahatonga azy kosa handray ny fahamarinana avy amin’Andriamanitra noho ny finoany.

Apokalipsy 11:3

Ary homeko hery ny vavolombelona roa mpanambara Ahy, ka hitondra ny hafatro mandritra ny 1 260 andro sady hitafy gony.