Jona 3:6 - DIEM PROTESTANTA

⁶ Rehefa ren’ny mpanjakan’i Ninive ny vaovao, dia nidina avy teo amin’ny sezafiandrianany izy ka nanala ny akanjo maha mpanjaka azy, ary nitafy gony koa sady nipetraka teo amin’ny lavenona.

Baiboly Protestanta Malagasy 2011

⁶ Nony efa ren’ny mpanjakan’i Ninive izany dia nitsangana niala tamin’ny sezafiandrianany izy ka nanaisotra ny akanjom-boninahiny, dia nisarona lamba fisaonana izy sady nipetraka tamin’ny lavenona.

Dikateny Iombonana Eto Madagasikara

⁶ Rehefa ren’ny mpanjakan’i Ninive ny vaovao, dia nidina avy teo amin’ny sezafiandrianany izy ka nanala ny akanjo maha mpanjaka azy, ary nitafy gony koa sady nipetraka teo amin’ny lavenona.

Baiboly Katolika

⁶ Dia nampandrenesina izany ny mpanjaka, ka niala teo amin’ny seza fiandrianany, nanesotra ny kapaotiny, mirakotra lasàka, ary nipetraka teo amin’ny lavenona.

Baiboly Protestanta Malagasy

⁶ Ary nony efa ren’ny mpanjakan’i Ninive izany, dia nitsangana niala tamin’ny seza fiandrianany izy, ka nanaisotra ny akanjom-boninahiny, dia nisarona lamba fisaonana sady nipetraka tamin’ny lavenona.

Malagasy Bible

⁶ Ary nony efa ren'ny mpanjakan'i Ninive izany, dia nitsangana niala tamin'ny seza fiandrianany izy, ka nanaisotra ny akanjom-boninahiny, dia nisarona lamba fisaonana sady nipetraka tamin'ny lavenona.

Jona 3:6 Rohy Ifampitohizana

1Mpanjaka 21:27

Rehefa ren’i Ahaba izany, dia norovitiny ny fitafiany, ka gony no nanaovany manolo-koditra; dia nifady hanina izy sady nandry tamin’ilay gony ary namindra miadana dia miadana.

Joba 2:8

Dia nitombina teo an-davenona i Jôba ary naka vakim-bilany tany hihaorany.

Joba 42:6

Izany no anatsoahako izay voambarako, sy iekeko hadisoana ary ietreko tena eto amin’ny vovoka sy ny lavenona.

Isaia 15:3

Eny an-dalambe dia lamba fisaonana no itafian’ny besinimaro, eny an-tampon-trano sy eny an-kianja eny no idradradradran’izy rehetra sady irotsahan’ny ranomasony.

Jeremia 13:18

Lazao amin’ny mpanjaka sy ny reniny hoe: «Mipetraha amin’ny tany ianareo, satria efa nianjera avy eny an-dohanareo ny satroboninahitrareo tsara tarehy.

Jeremia 36:13

Notantarain’i Mikaià azy ny teny rehetra reny avy fony i Baròka namaky mafy teo anatrehan’ny olona rehetra ny hafatra voasoratra tao amin’ny horonan-taratasy.

Jeremia 36:24

Takatry ny mpanjaka sy ireo manamboninahiny tokoa ny hafatra voasoratra tao amin’ny horonan-taratasy, nefa tsy nampiseho tahotra na mariky ny alahelo akory izy.

Jeremia 6:26

Ry vahoakako, misikìna lamba fisaonana ka mihosena amin’ny vovoka; ataovy ny fombafomba rehetra fanao amin’ny fisaonana zanaka lahitokana, ka mitomania fatratra ianareo fa ho avy tampoka ny fahavalo mpandringana.

Fitomaniana 2:10

Mitorovoka amin’ny tany sady mangina ny loholon’i Tsiôna; norarahany vovoka ny lohany sady mitafy gony izy. Mitanondrika amin’ny tany ireo tovovavin’i Jerosalema.

Fitomaniana 3:29

Aoka hanohoka vava am-bovoka izy, ndrao mba hisy fanantenana.

Ezekiela 26:16

Hidina hiala amin’ny sezafiandrianany ny andriana rehetra mifehy ireo vahoaka any amoron-tsiraka any, ka hanaisotra ny fitafiany sy ireo akanjony mirenty. Ho raiki-tahotra sy hipetraka amin’ny tany izy ka tsy hitsaha-mangovitra, satria ory loatra noho ny manjo anao.

Daniela 9:3

Ary nitodika tamin’ny Tompo Andriamanitra aho mba hanao vavaka fitarainana sy fifonana ombàn’ny fifadian-kanina sy ny fitafiana lamba fisaonana ary ny fihosoran-davenona.

Mika 1:10

Aza ambara any Gata izany fa tazony ny ranomasonareo! Ry mponina ao Bety-Hafrà, mihosinkosena amin’ny vovoka ianareo.

Matio 11:21

–Mampalahelo ianao, ry Kôrazìna! Mampalahelo ianao, ry Betsaidà! Raha i Tiro sy i Sidôna no nahavitana ireo asa mahagaga natao teo aminareo, dia efa ela ireo no nitafy lamba fisaonana ary nihosin-davenona hanambaràny fa nialany ny toetra ratsiny.

Lioka 10:13

Mampalahelo ianao, ry Kôrazìna! Mampalahelo ianao, ry Betsaidà! Raha i Tiro sy i Sidôna mantsy no nahavitana ireo asa mahagaga natao teo aminareo, dia efa ela ireo mponina ao aminy no nitafy lamba fisaonana ary nihosin-davenona hanambaràny fa nialany ny toetra ratsiny.