Jeremia 9:9 - DIEM PROTESTANTA

⁹ Noho ny amin’ny tendrombohitra no hitomaniako sy hitarainako, ary noho ny amin’ny kijana any an-taniefitra no hanaovako hira fisaonana, satria voadoro avokoa izy rehetra ka tsy andalovan’olona intsony. Tsy re any intsony ny fitrenan’ny andian’omby; ary samy lasa nandositra avokoa ny voro-manidina sy ny bibidia.

Baiboly Protestanta Malagasy 2011

⁹ Noho ny amin’ny tendrombohitra no hitomaniako sy hidradradradrako, ary noho ny amin’ny kijana any an-tany efitra no hanaovako hira falahelovana, satria may izy ka tsy misy olona mandeha eo intsony, ary tsy re intsony ny feon’ny andian’ondry, ary na ny voromanidina na ny biby dia samy efa nandositra ka lasa avokoa.

Dikateny Iombonana Eto Madagasikara

⁹ Noho ny amin’ny tendrombohitra no hitomaniako sy hitarainako, ary noho ny amin’ny kijana any an-taniefitra no hanaovako hira fisaonana, satria voadoro avokoa izy rehetra ka tsy andalovan’olona intsony. Tsy re any intsony ny fitrenan’ny andian’omby; ary samy lasa nandositra avokoa ny voro-manidina sy ny bibidia.

Baiboly Katolika

⁹ Ny tendrombohitra dia hanaovako fitarainana sy fitomaniana, ny tanim-bilona any an’efitra hanaovako hira fisaonana! Fa may ireny, ka ny olona tsy mandalo ao intsony; ny feom-biby fiompy tsy re ao intsony; ny voromanidina amam-biby fiompy nandositra tsy misy intsony.

Baiboly Protestanta Malagasy

⁹ Noho ny amin’ny tendrombohitra no hitomaniako sy hidradradrako, Ary noho ny amin’ny kijana any an-efitra no hanaovako hira fahalahelovana, Satria may izy, ka tsy misy mandeha mamaky eo aminy, Ary tsy misy fimàmàn’omby re intsony, Ary na ny voro-manidina na ny bibi-dia samy efa nandositra ka lasa avokoa.

Malagasy Bible

⁹ Noho ny amin'ny tendrombohitra no hitomaniako sy hidradradrako, ary noho ny amin'ny kijana any an-efitra no hanaovako hira fa halahelovana, satria may izy, ka tsy misy mandeha mamaky eo aminy, ary tsy misy fimàmàn'omby re intsony, ary na ny voro-manidina na ny bibi-dia samy efa nandositra ka lasa avokoa.

La Bible en Malgache

⁹ Noho ny amin’ny tendrombohitra no hitomaniako sy hidradradradrako, ary noho ny amin’ny kijana any an-tany efitra no hanaovako hira falahelovana, satria may izy ka tsy misy olona mandeha eo intsony, ary tsy re intsony ny feon’ny andian’ondry, ary na ny voromanidina na ny biby dia samy efa nandositra ka lasa avokoa.

Jeremia 9:9 Rohy Ifampitohizana

Isaia 1:24

Noho izany ny TOMPO Andriamanitr’izao rehetra izao, Ilay Maherin’i Israely, dia manao teny hentitra hoe: «Loza! hiala vonkina amin’ny mpanohitra Ahy Aho, ary hamaly faty amin’ireo fahavaloko!

Isaia 10:3

Amin’ny andro famalian’ny TOMPO, raha ho tonga avy any lavitra ny rambondanitra handrava, inona no azonareo atao, aiza no handosiranareo hitadiavam-bonjy ary aiza no hametrahanareo ny harenareo?

Isaia 57:6

Koa ny vatokilonjy eny amin’ny lohasahan-driaka no indreo zavatra ifikiranao, ry Israely; eny, ireny tokoa no zavatra ifikiranao! Fa ireny no andrarahanao fanatitra divay sy anoloranao fanatitra hohanina; ka dia hahatsindry fo ve Izaho Tompo amin’izany toe-javatra izany?

Jeremia 12:11

dia taniefitra lao mahonena ahy. Lao sy rava ny tany manontolo, kanefa tsy misy olona mitsetra azy.

Jeremia 12:4

Mandra-pahoviana no hisaona ny tany ary ho maina ny ahitra eny an-tsaha rehetra eny? Ringana avokoa ny biby sy ny voromanidina noho ny faharatsian’ny mponina eo amin’ny tany, satria hoy izy hoe: «Tsy mahita izay ataontsika Andriamanitra.»

Jeremia 4:25

Nojereko ka tsy nisy olona intsony fa lasa mbamin’ny voronkely rehetra aza.

Jeremia 5:29

Koa tsy hirotsaka an-tsehatra hamely ireny olona ireny ve Aho, ka hamaly faty ny firenena toy izany, hoy ny teny hentitry ny TOMPO?

Jeremia 5:9

Koa tsy hirotsaka an-tsehatra hamely ireny olona ireny ve Aho, ka hamaly faty ny firenena toy izany, hoy ny teny hentitry ny TOMPO?

Hosea 4:3

Noho izany, fadiranovana ny tany; reraka ny mponina rehetra ao mbamin’ny biby eny an-tsaha sy ny voromanidina; ary na ny trondron-dranomasina aza dia ringana koa.»

Joela 1:19

TOMPO ô, mitaraina aminao aho fa levon’ny afo ny kijana any an-taniefitra; ary misy lelafo mandoro ny hazo rehetra any an-tsaha.

Amosa 5:1

Ry taranak’i Israely, henoinareo izao teniko izao, dia hira fisaonana ventesiko momba anareo:

Amosa 5:2

Tahaka ny tovovavy maty i Israely, ka potraka tsy mahatsangana intsony; miampatra eo amin’ny taniny izy, fa tsy misy manarina.