Jeremia 9:18 - DIEM PROTESTANTA

¹⁸ Misy feo mitaraina re any Tsiôna: «Indrisy, rava isika sady afa-baràka tokoa satria voatery hamoy ity tany ity noho ny nandrodanana ny tranontsika!»

Baiboly Protestanta Malagasy 2011

¹⁸ Fa misy feo midradradradra re avy any Ziona hoe: Indrisy! Rava isika; afa-baraka indrindra isika satria tsy maintsy mamoy ny tany fa efa narodana ny trano nitoerantsika.

Dikateny Iombonana Eto Madagasikara

¹⁸ Misy feo mitaraina re any Tsiôna: «Indrisy, rava isika sady afa-baràka tokoa satria voatery hamoy ity tany ity noho ny nandrodanana ny tranontsika!»

Baiboly Katolika

¹⁸ Fa misy feo fidradradradràna re avy ao Siôna manao hoe: ‹Indrisy ity isika dia rava, safo-kenatra, tsy maintsy mandao ny tany, satria efa nazera ny tranontsika!›

Baiboly Protestanta Malagasy

¹⁸ Fa misy feo midradradradra re any Ziona hoe: Indrisy! rava isika; Afa-baraka indrindra isika, Satria tsy maintsy mamoy ny tany, Fa efa narodana ny trano nitoerantsika.

Malagasy Bible

¹⁸ Fa misy feo midradradradra re any Ziona hoe: Indrisy! rava isika; Afa-baraka indrindra isika, satria tsy maintsy mamoy ny tany, fa efa narodana ny trano nitoerantsika.

La Bible en Malgache

¹⁸ Fa misy feo midradradradra re avy any Ziona* hoe: Indrisy! Rava isika; afa-baraka indrindra isika satria tsy maintsy mamoy ny tany fa efa narodana ny trano nitoerantsika.

Jeremia 9:18 Rohy Ifampitohizana

Salamo 119:136

Izaho dia mamarin-dranomaso, satria tsy voatandrina ny lalànanao.

Isaia 22:4

Izany no itenenako aminareo hoe: «Aza mijery ahy intsony fa aleo aho hitomany mafy. Aza misahirana mampionona ahy akory noho ny fandringanana nanjo ny fireneko.

Jeremia 13:17

Raha tsy mihaino izany hafatra izany ianareo, dia hitomany ao amin’ny toera-mangina aho noho ny avonavonareo mihoa-pampana; eny, ny masoko dia hamarin-dranomaso, hamarin-dranomaso hijononoka be, satria lasan-ko babo ny andianondrin’ny TOMPO.

Jeremia 14:17

Izao kosa no teny holazainao aminy: Ny masoko anie hijononoka ranomaso andro aman’alina tsy an-kiato, satria goavana ny fahavoazan’ny vahoakako ary mafy dia mafy tokoa ny ratra nahazo azy.

Jeremia 3:24

Fa hatry ny fahazazànay dia efa lanin’io fivavahana mahamenatra nanompoana an’i Bahala io ny zavatra rehetra nisasaran’ny razanay, dia ny omby aman’ondriny sy ny osiny, ny zanany lahy sy ny zanany vavy.

Jeremia 3:25

Aoka hatory ombàn-kenatra izahay ka hanaiky ny fahafaham-baràka, satria efa nanao heloka teo anatrehanao TOMPO Andriamanitray. Fa na izahay na ny razanay dia tsy nihaino izay nolazain’ny TOMPO Andriamanitray hatry ny fahazazànay ka mandrak’androany.

Jeremia 4:20

Fahavoazana mifanontona no ambara; rava ny tany manontolo. Rava tampoka teo ny tranolay nitobianay ary fongana indray mipi-maso ny fialofanay.

Jeremia 6:26

Ry vahoakako, misikìna lamba fisaonana ka mihosena amin’ny vovoka; ataovy ny fombafomba rehetra fanao amin’ny fisaonana zanaka lahitokana, ka mitomania fatratra ianareo fa ho avy tampoka ny fahavalo mpandringana.

Jeremia 7:29

Hoy ny TOMPO hoe: «Ry vahoakan’i Joda, hetezo ka ario ny volonao lava izay marika fa voatokana ho Ahy ianao. Manaova hira fisaonana eny amin’ny havoana mangadihady; fa hariako sady ho laviko ianao, satria taranaka mahatezitra Ahy.»

Jeremia 9:1

Raha izao aho no manan-toerana any an-taniefitra tahaka ny fialofan’ireo mpivezivezy, dia hilaozako ny fireneko ka handeha lavitra azy aho. Satria samy mpijangajanga avokoa sy mpamadika mpiray tetika izy rehetra.

Jeremia 9:10

Dia hoy ny Tompo hoe: «Hataoko korontam-bato i Jerosalema, ka ho fonenan’ny amboadia; ary ireo tanànan’i Joda hataoko lao tsy misy mponina.»

Jeremia 9:20

«Mianika ny varavarankelintsika ny fahafatesana, ary miditra ao an-dapantsika; eny an-dalambe no andringanany ny ankizy ary eny an-kianja no andripahany ny zatovo.»

Fitomaniana 1:2

Mitomany foana izy amin’ny alina, mirotsa-dranomaso eny an-takolany; izay rehetra tia azy dia tsy misy mampionona azy. Nanary azy avokoa ny sakaizany, ary tonga fahavalony ankehitriny.

Fitomaniana 2:11

Jembin-dranomaso ny masoko ary mandevilevy ny fiontanako; azon’ny famoizam-po aho noho ny fahavoazan’ilay firenena mamiko, fa matin-ketaheta ny zaza madinika sy minono eny amin’ny kianjan’ny tanàna eny.

Fitomaniana 2:13

Tsy haiko intsony izay holazaiko anao, ry Jerosalema mamiko; fa tsy misy azo anoharana izay manjo anao! Inona no hampitahaiko aminao mba hampiononako anao, ry Tsiôna mahonena? Midadasika toy ny ranomasina ny ratranao; ka tsy misy mahasitrana anao amin’izany.

Fitomaniana 2:18

Ny fon’ireo mponin’i Jerosalema dia mitaraina amin’ny Tompo. Andro aman’alina, ry mandan’i Tsiôna, avelao ny ranomasonao hikoriana toy ny riaka. Aza miato mihitsy ianao; ary aza atsahatrao ny tomany.

Fitomaniana 3:48

Rano mandriaka no avoakan’ny masoko noho ny faharatrana nanjo ny fireneko.

Amosa 5:16

Koa izao no lazain’ny TOMPO, ilay Andriamanitr’izao rehetra izao sady Tompoko: «Eny an-kalamanjana rehetra dia hisy tomanim-pisaonana; ary eny amin’ny arabe rehetra dia hisy hanao hoe: ‹Indrisy! Indrisy!› Ny mpamboly koa hantsoina hiaraka ory; ary ireo mpiantsa fahoriana hanao hiram-pisaonana.

Lioka 19:41

Ary nanakaiky an’i Jerosalema hatrany i Jesoa ka nony nahatazana ny tanàna, dia nitomany azy