Jeremia 9:18 - Baiboly Katolika

¹⁸ Fa misy feo fidradradradràna re avy ao Siôna manao hoe: ‹Indrisy ity isika dia rava, safo-kenatra, tsy maintsy mandao ny tany, satria efa nazera ny tranontsika!›

Baiboly Protestanta Malagasy 2011

¹⁸ Fa misy feo midradradradra re avy any Ziona hoe: Indrisy! Rava isika; afa-baraka indrindra isika satria tsy maintsy mamoy ny tany fa efa narodana ny trano nitoerantsika.

DIEM PROTESTANTA

¹⁸ Misy feo mitaraina re any Tsiôna: «Indrisy, rava isika sady afa-baràka tokoa satria voatery hamoy ity tany ity noho ny nandrodanana ny tranontsika!»

Dikateny Iombonana Eto Madagasikara

¹⁸ Misy feo mitaraina re any Tsiôna: «Indrisy, rava isika sady afa-baràka tokoa satria voatery hamoy ity tany ity noho ny nandrodanana ny tranontsika!»

Baiboly Protestanta Malagasy

¹⁸ Fa misy feo midradradradra re any Ziona hoe: Indrisy! rava isika; Afa-baraka indrindra isika, Satria tsy maintsy mamoy ny tany, Fa efa narodana ny trano nitoerantsika.

Malagasy Bible

¹⁸ Fa misy feo midradradradra re any Ziona hoe: Indrisy! rava isika; Afa-baraka indrindra isika, satria tsy maintsy mamoy ny tany, fa efa narodana ny trano nitoerantsika.

La Bible en Malgache

¹⁸ Fa misy feo midradradradra re avy any Ziona* hoe: Indrisy! Rava isika; afa-baraka indrindra isika satria tsy maintsy mamoy ny tany fa efa narodana ny trano nitoerantsika.

Jeremia 9:18 Rohy Ifampitohizana

Salamo 119:136

Mandrotsa-dranomaso mandriaka ny masoko, noho ny tsy fitandreman’ny olona ny lalànao.

Isaia 22:4

Koa niteny aho nanao hoe: «Mihodìna tsy hijery ahy, aoka hitomany mafy aho! Aza maimay hampionona ahy, noho ny fandringanana ny zanaka vavin’ny vahoakako.»

Jeremia 13:17

Raha tsy mihaino izany ianareo, dia hitomany mangingina ny fanahiko noho ny fiavonavonanareo; hamarin-dranomaso mangidy ny masoko, hanao ranomaso havozona aho, satria ho lasan-ko babo ny ondrin’i Jakôba.

Jeremia 14:17

Ary lazao azy ireo izao teny izao: Ny masoko handrotsa-dranomaso andro aman’alina tsy tapaka, fa ny virjiny zanaka vavin’ny vahoakako, dia efa hiharan-doza lehibe, sy fery mampanaintaina fatratra.

Jeremia 3:24

Efa levon’ny fahavetavetan’ny sampy ny fahatanorantsika, ny vokatry ny fisasaran’ny razantsika, ny ondry aman’ombiny, ny zanany lahy aman-janany vavy.

Jeremia 3:25

Aoka isika handry eo amin’ny fahafaham-barakantsika, sy horakofan’ny henatra isika; fa samy efa nanota tamin’i Iaveh Andriamanitsika, na isika na ny razantsika, hatramin’ny fahatanorantsika ka mandrak’androany; sady tsy nihaino ny feon’i Iaveh Andriamanitsika.

Jeremia 4:20

Fandravana mitongoa fandravana no ambara; fa rava ny tany rehetra. Rava tampoka ny laiko, raha indray mihelina monja ny trano laiko.

Jeremia 6:26

Ry zanaka vavin’ny vahoakako, misikìna lamba malailay; mihosena amin’ny lavenona; manaova fisaonana, toy ny fisaonana zanaka lahy tokana; midradradradrà mafy fa tonga tampoka amintsika ny mpandringana.

Jeremia 7:29

Harato ny volonao, dia ario; ka miventesa hira fisaonana eny amin’ny havoana, satria nakifik’i Iaveh sy nolaviny, ny taranaka mahatezitra azy.

Jeremia 9:1

Iza no mba hampahita ahy, fialofan’ny mpandeha any an’efitra, handaozako ny fireneko, hihatahako amin’izy ireo, satria izy ireo mpijangajanga avokoa, fiangonan’olona mpivadika.

Jeremia 9:10

Ary i Jerosalema hataoko korontam-bato, sy fieren’amboadia; ny tanànan’i Jodà koa hataoko lao, tsy misy mponina.

Jeremia 9:20

Fa tafanika tamin’ny varavarankelintsika ny fahafatesana, tafiditra ny lapantsika izy, handringana ny zaza eny an-dalambe, sy ny zatovo eny an-kianjam-bahoaka:

Fitomaniana 1:2

Mitomany amin’alahelo izy, mandritra ny alina, vonton-dranomaso ny takolany, tsy misy mampionona azy ireo mpitia azy rehetra; nivadika taminy ireo namany rehetra, ka tonga fahavalony.

Fitomaniana 2:11

Levona azon’ny ranomaso ny masoko, mangotika ny atiko; mitsonika amin’ny tany ny atiko, noho ny ratran’ny zanaka vavin’ny vahoakako, raha ilay toran’ny harerahana iny ny ankizy aman-jaza minono, any amin’ny kianjan’ny tanàna.

Fitomaniana 2:13

Inona no azoko lazaina aminao? Iza no mety ho hita mitovy aminao, ry zanaka vavin’i Jerosalema? Iza no hohariko aminao, mba hampiononako anao, ry virjiny, zanaka vavin’i Siôna? Fa lehibe hoatra ny ranomasina ny ratranao; iza no hanasitrana anao?

Fitomaniana 2:18

Mitaraina amin’ny Tompo ny fon’izy ireo! Ry mandan’ny zanaka vavin’i Siôna ô! Avelao handriaka hoatra ny riaka ny ranomasonao, andro aman’alina; aoka tsy hanam-pitsaharana ny anakandriamasonao! Aza mety mijanona akory.

Fitomaniana 3:48

Ranomaso mandriaka no mijononòka amin’ny masoko, noho ny fandravana ny zanaka vavin’ny vahoakako.

Amosa 5:16

Koa izao no lazain’i Iaveh, ny Andriamanitry ny tafika, ny Tompo: Hisy hidradradradra eny amin’ny kianja rehetra eny: hisy hanao hoe: Indrisy! Indrisy! eny an-dalambe rehetra eny; hisy hiantso ny mpiasa hisaona, sy higogogogo, miaraka amin’izay mahay midridridridry.

Lioka 19:41

Ary nony mby akaiky Izy ka nahita an’i Jerosalema dia nitomany azy nanao hoe: