Jeremia 9:19 - Baiboly Katolika

¹⁹ Ianareo vehivavy, mihainoa ny tenin’i Iaveh, ary aoka horaisin’ny sofinareo ny tenin’ny vavany! Ampianaro hira fitomaniana anankiray ny zanaka vavinareo, ary samia mampianatra hira fisaonana anankiray ny namany avy.

Baiboly Protestanta Malagasy 2011

¹⁹ Nefa mihainoa ny tenin’NY TOMPO, ianareo vehivavy, ary aoka hohenoin’ny sofinareo ny tenin’ny vavany ka ampianaro fidradradradrana ny zanakavavinareo, ary samia mampianatra hira fahalahelovana ny namany avy.

DIEM PROTESTANTA

¹⁹ Ianareo vehivavy, mihainoa ny tenin’ny TOMPO, sokafy tsara ny sofinareo amin’izay lazainy: ampianaro hira fisaonana ny zanakavavinareo, samia ianareo mampianatra ny namany avy izao tononkira fitomaniana izao:

Dikateny Iombonana Eto Madagasikara

¹⁹ Ianareo vehivavy, mihainoa ny tenin’ny TOMPO, sokafy tsara ny sofinareo amin’izay lazainy: ampianaro hira fisaonana ny zanakavavinareo, samia ianareo mampianatra ny namany avy izao tononkira fitomaniana izao:

Baiboly Protestanta Malagasy

¹⁹ Nefa mihainoa ny tenin’i Jehovah, hianareo vehivavy, Ary aoka hohenoin’ny sofinareo ny tenin’ny vavany, Ka ampianaro fidradradradrana ny zanakavavinareo, Ary samia mampianatra hira fahalahelovana ny namany avy.

Malagasy Bible

¹⁹ Nefa mihainoa ny tenin'i Jehovah, ianareo vehivavy, ary aoka hohenoin'ny sofinareo ny tenin'ny vavany, ka ampianaro fidradradradrana ny zanakavavinareo, ary samia mampianatra hira fahalahelovana ny namany avy.

La Bible en Malgache

¹⁹ Nefa mihainoa ny tenin’NY TOMPO, ianareo vehivavy, ary aoka hohenoin’ny sofinareo ny tenin’ny vavany ka ampianaro fidradradradrana ny zanakavavinareo, ary samia mampianatra hira fahalahelovana ny namany avy.

Jeremia 9:19 Rohy Ifampitohizana

Isaia 32:9

Ry vehivavy tsy manahy, mitsangàna, mihainoa ny feoko! Ry zazavavy tsy manahy, mampandria sofina amin’ny teniko.

Jeremia 15:1

Fa izao no navalin’i Iaveh ahy: «Na i Môizy sy i Samoela aza no hitsangana eto anatrehako, dia tsy hitodika ity firenena ity ny Fanahiko; roahy hiala eo anatrehan’ny Tavako izy, ka aoka handeha!

Jeremia 2:14

Andevo va i Israely? Ompikely va izy? Ka ahoana àry no itondrana azy toy ny babo?

Jeremia 4:13

Indro izy miakatra toy ny rahona; tahaka ny tadio ny kalesiny; miriotra faingana mihoatra noho ny voromahery ny soavaliny. Loza ho antsika fa ringana isika ity!

Jeremia 4:20

Fandravana mitongoa fandravana no ambara; fa rava ny tany rehetra. Rava tampoka ny laiko, raha indray mihelina monja ny trano laiko.

Jeremia 7:15

ka hoesoriko eo anatrehako ianareo, toy ny nanesorako ny rahalahinareo rehetra, dia ny taranak’i Efraima rehetra.»

Jeremia 7:19

Moa Izaho va no tsiratsirainy, - teny marin’i Iaveh, - fa tsy ny tenany ihany, ka tsy maintsy hangaihay tava izy amin’izany?»

Jeremia 7:29

Harato ny volonao, dia ario; ka miventesa hira fisaonana eny amin’ny havoana, satria nakifik’i Iaveh sy nolaviny, ny taranaka mahatezitra azy.

Fitomaniana 4:15

«Mitanilà! Maloto e!» hoy ny antsoantson’ny olona, «Mitanilà ianareo! Mitanilà ianareo! Aza mikasika azy.» Nirenireny atsỳ sy arỳ, ka hoy ny olona any amin’ny firenena: Aoka tsy hitoetra atỳ ireny!

Fitomaniana 5:2

Ny lovanay, lasan’ny hafa firenena, ny tranonay, lasan’ny olon-tsy fantatra.

Ezekiela 27:2

Manaova hira fitomaniana an’i Tira ianao, ry zanak’olona,

Levitikosy 18:25

Voaloto ny tany, ka hovaliako ny helony, ary haloan’ny tany ny mponina eo aminy.

Levitikosy 18:28

Ary ianareo tsy mba haloan’ny tany amin’ny fandotoana azy, toy ny nandoavany an’ireo firenena izay tao talohanareo;

Levitikosy 20:22

Tandremo avokoa ny lalàna amam-pitsipiko, ka araho izany, mba tsy haloan’ny tany hitondrako anareo honenanareo ianareo.

Mika 2:10

«Mitsangàna ianareo, ka mandehana: fa tsy toerana fitsaharana eto,» noho ny loto hampijaly anareo, sy noho ny fampijaliana mampangirifiry.

Mika 2:4

Amin’izany andro izany, dia hanononan’ny olona ohabolana ianareo sy hihirany hira fitomaniana, hataony hoe: «Tanteraka tokoa izao, dia fongana mihitsy isika; amidiny ho anjaran’ny vahoakako! Ahoana no angalany izany amiko? Zarainy ho an’ny mpiodina ny sahantsika?»

Deoteronomia 28:29

hitsapatsapa amin’ny mitataovovonana, toy ny jamba amin’ny haizim-pito ianao; tsy hahomby amin’ny lalana halehanao, hampahorina isan’andro ianao, ary hobaboina, nefa tsy hisy hamonjy anao.