Jeremia 6:24 - DIEM PROTESTANTA

²⁴ Renay izany vaovao izany ka niraviravy tanana izahay, sady tratry ny fanaintainana toy ny vehivavy raha miteraka.

Baiboly Protestanta Malagasy 2011

²⁴ Renay ny lazany ka miraviravy tanana izahay; fahoriana no mahazo anay, eny, fanaintainana tahaka ny vehivavy eo am-piterahana.

Dikateny Iombonana Eto Madagasikara

²⁴ Renay izany vaovao izany ka niraviravy tanana izahay, sady tratry ny fanaintainana toy ny vehivavy raha miteraka.

Baiboly Katolika

²⁴ Vao nandre azy tamy izahay, dia niraviravy tanana, velon-tebiteby, azom-panaintainana, hoatra ny vehivavy miteraka.

Baiboly Protestanta Malagasy

²⁴ Efa renay ny lazany, Ka miraviravy tànana izahay; Fahoriana no mahazo anay, Eny, fanaintainana tahaka ny vehivavy raha miteraka.

Malagasy Bible

²⁴ Efa renay ny lazany, ka miraviravy tanana izahay; Fahoriana no mahazo anay, eny, fanaintainana tahaka ny vehivavy raha miteraka.

La Bible en Malgache

²⁴ Renay ny lazany ka miraviravy tanana izahay; fahoriana no mahazo anay, eny, fanaintainana tahaka ny vehivavy eo am-piterahana.

Jeremia 6:24 Rohy Ifampitohizana

Salamo 48:6

kanjo nahatazana, dia nidonàka, nangorohoro ka riatra nandositra.

Isaia 21:3

Izany no nahafeno fanaintainana ny tehezako manontolo. Nahatsiaro naharary aho toy ny fahararin’ny vehivavy mihetsi-jaza; taitra mafy aho nony nandre izany, raiki-tahotra aho nony nahita.

Isaia 28:19

Na maraina na antoandro na alina no andalovan’ny loza, isaky ny mandalo izany, dia hahatratra anareo, ka horohoro moa izao raha vao re ny akon’izany!

Jeremia 13:21

Ary inona no havalinao raha izay nozarinao ho namanao no nivadika hamely sy hanapaka anao? Ho tratry ny fanaintainana toy ny vehivavy miteraka ianao.

Jeremia 22:23

Nilamina erỳ ianao niteronterona teny Libano, nanana akany tao anatin’ny sedera; kanjo akory izato sentonao fa nahazo anao tampoka ny fanaintainana tahaka ny fahararin’ny vehivavy miteraka!

Jeremia 30:6

Anontanio ka jereo raha misy lehilahy mihetsi-jaza. Ahoana àry Aho no mahita ny lehilahy rehetra mitan-kibo toy ny vehivavy mihetsi-jaza, ka hatsatra sy mivaloharika avokoa?

Jeremia 4:31

Nandre feo toy ny an’ny vehivavy miteraka aho, dia kiakiakan’ny vehivavy miteraka ny voalohan-janany. Feon’ireo mponin’i Tsiôna izany, dia ireo mponina misefosefo sady maninji-tanana miangavy hoe: «Lozanay fa reraka ny ainay noho ny ataon’ireo mpamono olona!»

Jeremia 48:41

Azon’ny fahavalo ireo tanàna, azony ny toera-mimanda. Ary amin’izany andro izany na dia ireo miaramila maherifon’i Môaba aza, dia manaintaina toy ny vehivavy mihetsi-jaza.

Jeremia 49:24

Efa ketraka ny olon’i Damasy ka nihodina mba handositra; satria tora-kovitra ireo sady mangitakitaka sy mitaintaina toy ny vehivavy raha miteraka.

Jeremia 50:43

Ren’ny mpanjakan’i Babilôna izany vaovao izany, ka miraviravy tanana izy sady tratry ny fanaintainana toy ny vehivavy raha miteraka.

Ezekiela 7:17

Hiraviravy tanana daholo izy ary halemy lohalika avokoa.

Daniela 5:9

Nitebiteby mafy i Belsatsara mpanjaka sady vao mainka nivaloarika ny tarehiny, ary very hevitra koa ireo olo-manan-kajany.

Habakoka 3:16

Reko avokoa izany ka dia mangotika aho. Mipararetry ny tahotra koa ny molotro. Mihaosa ny tenako ka mangozohozo famindra. Eny, am-pahanginana no tsy maintsy iandrasako ny androm-pahoriana hamelezan’Andriamanitra ity vahoaka izay mamoritra anay ity.

1Tesaloniana 5:3

Amin’ny anaovan’ny olona hoe: «Miadana sy mandry feizay ny zavatra rehetra!», amin’iny no hamely azy tampoka ny fandringanana ka tsy ho azony andosirana mihitsy, mova tsy ny fanaintainan’ny vehivavy bevohòka mihetsi-jaza.