Jeremia 6:16 - DIEM PROTESTANTA

¹⁶ Izao no lazain’ny TOMPO: Mijanòna eny an-dalana ianareo ka mandiniha; ary anontanio ny sakeli-dalana fahiny. Tadiavo ny lalana ho amin’ny fahasambarana; araho izany, dia hahita fitsaharana ho an’ny fanahinareo ianareo! Kanefa hoy izy hoe: «Tsy hanaraka izahay!»

Baiboly Protestanta Malagasy 2011

¹⁶ Izao no lazain’NY TOMPO: Mijanòna eo an-dalana ianareo ka zahao ary anontanio izay lalana masaka hatry ny ela: Aiza izay lalana mankany amin’ny tsara? Iny no izory, dia hahita fitsaharana ho an’ny fanahinareo ianareo; nefa hoy izy ireo: Tsy hizotra amin’iny izahay.

Dikateny Iombonana Eto Madagasikara

¹⁶ Izao no lazain’ny TOMPO: Mijanòna eny an-dalana ianareo ka mandiniha; ary anontanio ny sakeli-dalana fahiny. Tadiavo ny lalana ho amin’ny fahasambarana; araho izany, dia hahita fitsaharana ho an’ny fanahinareo ianareo! Kanefa hoy izy hoe: «Tsy hanaraka izahay!»

Baiboly Katolika

¹⁶ Izao no lazain’i Iaveh: «Mitoera eny amin’ny lalana ianareo, ka mijere; anontanio izay lalana faleha taloha, izay lalan’ny famonjena ka iny aleha, dia hahita fitsaharana ho an’ny fanahinareo ianareo.» Kanjo izao no navalin’izy ireo: «Tsy handeha amin’izany izahay.»

Baiboly Protestanta Malagasy

¹⁶ Izao no lazain’i Jehovah: Mijanòna eo an-dàlana hianareo, ka izahao, Ary anontanio izay làlana masaka hatry ny ela. Dia izay làlana mankany amin’ny tsara, Ka iny no izory, Dia hahita fitsaharana ho an’ny fanahinareo hianareo; Nefa hoy izy: Tsy hizotra izahay.

Malagasy Bible

¹⁶ Izao no lazain'i Jehovah: Mijanona eo an-dalana ianareo, ka izahao, ary anontanio izay lalana masaka hatry ny ela. Dia izay lalana mankany amin'ny tsara, ka iny no izory, dia hahita fitsaharana ho an'ny fanahinareo ianareo; Nefa hoy izy: Tsy hizotra izahay.

La Bible en Malgache

¹⁶ Izao no lazain’NY TOMPO: Mijanòna eo an-dalana ianareo ka zahao ary anontanio izay lalana masaka hatry ny ela: Aiza izay lalana mankany amin’ny tsara? Iny no izory, dia hahita fitsaharana ho an’ny fanahinareo ianareo; nefa hoy izy ireo: Tsy hizotra amin’iny izahay.

Jeremia 6:16 Rohy Ifampitohizana

1Mpanjaka 8:36

dia mba mihainoa avy any an-danitra Ianao, TOMPO ô, ka hamela ny fahotan’ireo mpanomponao, izany hoe ny Israelita vahoakanao; dia hampianarinao azy anie ny fitondrantena tsara izay tokony hizorany ary handatsahanao ranonorana ity taninao izay efa nomenao ho fananan’ny vahoakanao ity.

2Tantara 19:11

Ary indro i Amarià mpisorombe no ho lehibenareo amin’ny raharaham-pivavahana rehetra; ary i Zebadià, zanakalahin’i Jismahela sady mpifehy ny taranak’i Joda, no ho lehibenareo amin’ny raharaham-panjakana rehetra. Ny levita no ho mpitantsoratra hanampy anareo. Mahereza, ka mahefà, ary ny TOMPO anie hiaraka amin’izay manao ny tsara!

Salamo 116:7

«Milamîna indray, ry fanahiko, fa ny TOMPO efa nanisy soa anao».

Isaia 2:5

Ry taranak’i Jakôba, avia, aoka isika handeha amin’ny fahazavàn’ny TOMPO!

Isaia 28:12

Marina fa efa nilazan’ny Tompo tokoa ireo hoe: «Eto no hahitanareo fialan-tsasatra, avelao hiala sasatra izay vizana, fa toerana milamina eto!» Kanjo tsy nety nihaino ireo.

Isaia 30:21

Fa na handeha hiankavanana na hiankavia ianao, dia ho renao avy aoriana izao teny izao: «Ity no lalana ka araho».

Isaia 46:9

Tsarovy ny zavatra taloha teo am-piandohanareo: Eny, Izaho no Andriamanitra ka tsy misy hafa. Izaho no Andriamanitra; ka zava-poana avokoa na inona na inona ampitahaina amiko.

Isaia 57:2

Nefa ho tonga ny fandriampahalemana, ka hatory milamina eo am-pandriany avy izay mizotra amin’ny hitsiny.

Isaia 8:20

Izao kosa no havalinareo izany: «Ao amin’ny fampianarana sy ny hafatry ny TOMPO ihany no tsy maintsy hiverenana.» Fa izay tsy miteny araka izany baiko izany dia tsy hiposahan’ny taratry ny maraina.

Jeremia 12:16

Nampianatra ny vahoakako hianiana amin’ny Bahala ireo ratsy fanahy ireo; kanefa raha mianatra tsara ny fanaon’ny vahoakako izy ka hianiana amin’ny anarako hoe: ‹Velona ny TOMPO, ka mianiana aho fa...›, dia hanam-ponenana indray eo anivon’ny vahoakako.

Jeremia 18:12

Kanjo nifikitra tamin’ny ditram-pony sy ny firehan-dratsiny izy ka namaly hoe: «Mamoiza! Izay efa tapakay ihany no hataonay.»

Jeremia 18:15

Fa ny vahoakako kosa nanadino Ahy, ka nandoro zava-manitra mifangaro tamin’ireo sampy tsinontsinona izay nandavo azy teny an-dalany mba hialany amin’ny lalana mahazatra ary nampandeha azy tamin’ny lalan-kely izay mbola tsy voasoritra akory.

Jeremia 2:25

«Atsaharo ny hazakazakao, ry Israely, fandrao haradratra ny tongotrao tsy mikapa ary koa ho maina ny tendanao.» Nefa hoy ny navalinao hoe: «Tsy mampiraika ahy izany, fa tiako ny andriamani-kafa ka tsy maintsy miaraka aminy aho.»

Jeremia 22:21

Efa nampitandrina anao Aho fony ianao nandry fahalemana nefa novalianao hoe: «Tsy te hihaino aho.» Fanaonao hatramin’ny fahazazana izany ka tsy nety nihaino ny feoko mihitsy ianao.

Jeremia 31:21

Manangàna mari-dalana ho anao ka asio orim-bato eny amoron-dalana; hevero ny lalana efa nodiavinao, dia ny lalana efa narahinao, ka miverena, ry Israely malala, miverena amin’ireo tanànanao.

Jeremia 42:3

Mangataha amin’ny TOMPO Andriamanitrao mba hatorony anay ny lalana tokony hizoranay sy ny zavatra tokony hataonay.

Jeremia 44:16

–Na dia amin’ny anaran’ny TOMPO aza no ilazanao aminay izany teny izany, dia tsy hihaino anao izahay.

Jeremia 50:5

Hanontany ny lalana mankany Tsiôna ireo, ka himasoany hizorana izany. Ho avy izy ka fanekempihavanana mandrakizay izay tsy hohadinoiny na oviana na oviana no hifamatorany mafy amiko TOMPO.

Jeremia 7:23

Fa izao kosa no nandidiako azy: Henoy izay lazaiko, dia ho Andriamanitrareo Aho ary ianareo ho vahoakako. Araho ny lalàna izay nandidiako anareo, dia hahita soa ianareo.

Jeremia 7:24

Kanjo tsy nihaino sady tsy niraharaha Ahy izy fa nanaraka ny heviny araka ny ditran’ny fony. Tsy nitodika tamiko izy fa niamboho Ahy.

Jeremia 7:3

Izao no lazain’ny TOMPOn’izao rehetra izao sady Andriamanitr’i Israely: Ataovy tsara ny fitondrantenanareo sy ny asanareo, dia hamponeniko amin’ity tany ity ianareo.

Lioka 16:29

Fa novalian’i Abrahama hoe: «Manana an’i Mosesy sy ny mpaminany izy, koa aoka ireo no hohenoiny.»

Jaona 12:35

Dia hoy i Jesoa taminy: –Kely foana sisa hitoeran’ny fahazavana eo aminareo. Mandehana dieny mbola anananareo ny fahazavana, mba tsy ho tratry ny haizina ianareo; fa izay mandeha amin’ny haizina dia tsy mahalala izay alehany.

Jaona 13:17

Raha azonareo izany, dia sambatra ianareo raha manao izany.

Jaona 5:39

Mandinika ny Soratra Masina ianareo, satria ao no heverinareo hahavelona aina mandrakizay; ireo Soratra Masina ireo indrindra no mijoro ho vavolombelona manambara Ahy,

Asan’ny Apostoly 17:11

Tsara toe-po amam-panahy kokoa ireto Jiosy ireto noho ny tany Tesalônika sady nazoto tokoa nandray ny tenin’Andriamanitra. Nodinihin-dry zareo isan’andro ny Soratra Masina hanamarinany izay lazain’i Paoly.

Romana 4:12

sady tonga rainay voafora ihany koa: dia izahay sady voafora no manara-dia an’i Abrahama razanay izay efa nino fony tsy mbola voafora.

Deoteronomia 32:7

Tsarovy ny andro fahiny, saino ny taona fahagola. Anontanio ny rainareo sy loholonareo fa hanambara sy hitantara aminareo.

Kolosiana 2:6

Noho ianareo efa nandray an’i Kristy Jesoa ho Tompo, dia manaova fitondrantena toy ny olona tafaray aminy.

Hebreo 11:2

Izany finoana izany manko no vavolombelon’ny mahatsara laza ny ntaolo.

Hebreo 6:12

Tsy tianay ho ketraka ianareo fa mba hanahaka ireo mino sy maharitra ka manana anjara amin’ny soa nampanantenain’Andriamanitra.

Mpitsara 2:17

Kanefa ny Israelita tsy nankatò ihany koa ireo mpitsara azy, fa nandeha nanao fanompoan-tsampy tamin’ireo andriamani-tsiizy ka niankohoka teo anatrehany. Nalaky niala ny lalana izay nizoran’ireo razany tamin’ny fankatoavana ny didin’ny TOMPO izy, fa tsy mba nanahaka azy.