Jeremia 48:27 - DIEM PROTESTANTA

²⁷ Tsarovy, ry Môaba, fa efa nataonao fihomehezana i Israely. Toy ny mpangalatra azo no niheveranao azy, ka mihifikifi-doha maneso ianao isaky ny miresaka azy.

Baiboly Protestanta Malagasy 2011

²⁷ Fa tsy efa nataonao ho fihomehezana va ny Israely? Moa hita fa naman’ny mpangalatra va izy no dia mihifikifika ianao isaky ny milaza azy?

Dikateny Iombonana Eto Madagasikara

²⁷ Tsarovy, ry Môaba, fa efa nataonao fihomehezana i Israely. Toy ny mpangalatra azo no niheveranao azy, ka mihifikifi-doha maneso ianao isaky ny miresaka azy.

Baiboly Katolika

²⁷ Fa moa i Israely tsy fihomehezana taminao va? Moa nisy nahatratra azy ho naman’ny mpangalatra va? no dia nihifikifi-doha ianao, isaky ny miteny ny aminy?

Baiboly Protestanta Malagasy

²⁷ Fa tsy efa nataonao ho fihomehezana va ny Isiraely? Moa hita fa naman’ny mpangalatra va izy, No dia mihifikifika hianao isaky ny milaza azy?

Malagasy Bible

²⁷ Fa tsy efa nataonao ho fihomehezana va ny Isiraely? Moa hita fa naman'ny mpangalatra va izy, no dia mihifikifika ianao isaky ny milaza azy?

La Bible en Malgache

²⁷ Fa tsy efa nataonao ho fihomehezana va ny Israely? Moa hita fa naman’ny mpangalatra va izy no dia mihifikifika ianao isaky ny milaza azy?

Jeremia 48:27 Rohy Ifampitohizana

Joba 16:4

Afaka hiteny tahaka anareo koa aho, raha ianareo no mba teo amin’ny toerako. Hanaovako kabary tsara lahatra ianareo ary hanifikifi-doha ho fangorahana anareo aho.

Salamo 44:13

Ny vahoakanao ataonao varo-boba ka tsy ahazoanao tombony velively.

Salamo 64:8

Indreo kosa izy tifirin’Andriamanitra ka voan’ny zana-tsipîka tampotampoka.

Salamo 79:4

Tonga fandatsan’ny vahoaka hafa izay mpifanila aminay izahay, zary fihomehezana sy faneso ho an’ireo firenena manodidina anay.

Jeremia 18:16

Io vahoakako io no nahatonga ny taniny hampahonena sy hampivarahontsana mandrakizay. Ka ny olona rehetra mandalo azy dia mivanàka sady mihifikifi-doha.

Jeremia 2:26

Indray andro any anefa ianareo, ry mponin’i Israely na ianareo sarambabem-bahoaka, na ianareo mpanjaka sy mpitondra, na ianareo mpisorona sy mpaminany, dia samy ho menatra toy ny mpangalatra tra-tehaka.

Fitomaniana 1:12

Avia ianareo rehetra mpandalo eto, diniho sy jereo raha mba misy fijaliana tahaka ny fijaliana mihatra amiko, dia ilay nampahorian’ny TOMPO ahy tamin’ny andro firehetan’ny fahatezerany.

Fitomaniana 1:7

Amin’izany androm-pahoriana irenireneny izany no ahatsiarovan’i Jerosalema ireo zava-tsarobidy rehetra izay nananany hatry ny ela. Ireo vahoakany eo an-tanam-pahavalo kosa dia tsy misy mamonjy; ka rehefa mahita an’i Jerosalema ny fahavalony, dia mihomehy ny amin’ny faharavàny.

Ezekiela 25:8

Izao no lazain’ny Tompo ANDRIANANAHARY: «Nilaza ny Môabita fa efa tonga tahaka ny firenena hafa rehetra izao i Joda.

Ezekiela 35:15

Faly ianao nahita ny zaratanin’ny vahoaka Israely tonga taniefitra, koa toy izay nanjo azy no hataoko aminao: ho taniefitra ianao, ry tendrombohitr’i Sehîra, izany hoe ry Edôma manontolo. Amin’izay dia hoekena fa Izaho no TOMPO.»

Ezekiela 36:2

fa izao no lazain’ny Tompo ANDRIANANAHARY: ‹Nihomehy anareo ny fahavalonareo nanao hoe: Akory izay! Lasa fanananay izao ireo havoana fahagolan’i Israely.›

Ezekiela 36:4

Noho izany, ry tendrombohitr’i Israely, henoy ny teniko fa izao no lazain’ny Tompo ANDRIANANAHARY amin’ny tendrombohitra sy ny havoana, amin’ny renirano sy ny lohasaha, ary amin’ny toerana tonga korontam-bato sy ny tanànaaolo izay voaroba sy latsain’ny vahoaka manodidina.

Zefania 2:10

Izany no famaizana setrin’ny avonavony satria izy roa tonta dia samy nandatsa ny vahoakan’ilay TOMPOn’izao rehetra izao ary nanitatra ny taniny teo amin’ny azy.

Zefania 2:8

Ny TOMPOn’izao rehetra izao sady Andriamanitr’i Israely: dia manao teny hentitra hoe: «Reko ny olon’i Môaba sy Hamôna nandatsa sy nanaratsy ny vahoakako. Eny, nandatsa azy izy roa tonta, ary nanitatra ny taniny teo amin’ny azy.

Matio 26:55

Tamin’izay fotoana izay i Jesoa dia niteny tamin’ny andian’olona nirahina hoe: –Toy ny hisambotra jiolahy izato fiavinareo mirongo sabatra sy kibay hisambotra Ahy! Isan’andro Aho dia nipetraka nampianatra teo an-kianjan’ny tempoly, kanefa tsy nosamborinareo.

Matio 27:38

Tamin’izay dia nisy jiolahy roa nohomboana tamin’ny hazofijaliana niaraka tamin’i Jesoa, ka ny anankiray teo ankavanany ary ny anankiray teo ankaviany.

Matio 7:2

fa araka izay fomba hitsaranareo olona ihany no hitsaran’Andriamanitra anareo koa, ary araka izay fomba hamaranareo ho an’ny olona ihany no hamaran’Andriamanitra ho anareo koa.