Jeremia 48:14 - DIEM PROTESTANTA

¹⁴ Ry olon’i Môaba, ahoana no itenenanareo hoe: «Lehilahy matanjaka izahay sady miaramila mahery an’ady»?

Baiboly Protestanta Malagasy 2011

¹⁴ Ahoana no ilazanareo hoe: Lehilahy matanjaka sady mahery an’ady izahay?

Dikateny Iombonana Eto Madagasikara

¹⁴ Ry olon’i Môaba, ahoana no itenenanareo hoe: «Lehilahy matanjaka izahay sady miaramila mahery an’ady»?

Baiboly Katolika

¹⁴ Ahoana no ahazoanareo milaza hoe: «Mpiady izahay, lehilahy mahery an’ady izahay?»

Baiboly Protestanta Malagasy

¹⁴ Ahoana no anaovanareo hoe: Lehilahy matanjaka sady mahery an-ady izahay?

Malagasy Bible

¹⁴ Ahoana no anaovanareo hoe: Lehilahy matanjaka sady mahery an'ady izahay?

Jeremia 48:14 Rohy Ifampitohizana

Salamo 11:1

Tao amin’ny tahirin-kiran’ny filohan’antoko-mpihira. Salamo nataon’i Davida. –Ny TOMPO no fialofako. Ahoana àry no ilazanareo amiko hoe: «Mandosira any an-tendrombohitra toy ny fanaon’ny voronkely ianao?»

Salamo 33:16

Raha handresy amin’ny ady ny mpanjaka, dia tsy noho ny hamaroan’ny miaramilany; ary raha afa-doza ny mpiady, dia tsy noho ny haben’ny heriny.

Mpitoriteny 9:11

Mbola nahita zavatra betsaka tetỳ ambonin’ny tany koa aho. Tsy ny faingam-pandeha hatrany no mandresy eo amin’ny fihazakazahana; ary tsy ny mahery fo hatrany no mandresy eo amin’ny ady. Tsy ny hendry no mora mahazo ny hanina hohaniny; ary tsy ny manan-tsaina no mora mahazo harena. Tsy ny olo-mahay no tsy maintsy homem-boninahitra, fa samy mpahazo ny rehetra na ny fanambinana na ny sampona.

Isaia 10:13

Satria hoy izy anakampony hoe: «Ny herin-tsandriko sy ny fahendreko no nahavitako ny zavatra rehetra, fa izaho no marani-tsaina indrindra. Nofoanako ny faritanin’ny firenena maro ary norobaiko ny tahirin-karenany. Ary toy ny lehilahy mahery fo aho raha nanongana ny mpanjakany.

Isaia 10:16

Noho izany, ny Tompo ANDRIAMANITR’izao rehetra izao dia tsy hampamokatra intsony ny tany lonaka ao Asiria. Ary toy ny fihanaky ny afo rehefa misy hain-trano no hiparitahan’ny afo mihanaka eo ambanin’ny famirapiratan’io firenena io.

Isaia 16:6

Efa renay ny avonavon’i Môaba izay mpiavonavona mihoa-pampana; efa renay ny fireharehany sy ny fizahozahoany ary ny vava tafahoatra sy ny rediredim-poana ataony.

Jeremia 49:16

Mampangovitra ny olona ianao sady mihevi-tena ho ambony kanefa mamita-tena. Ary ianao izay mipetraka eny an-tsefatsefaky ny harambato ka mamikitra eny antampon-kavoana, na dia mametraka ny akaninao ho avo toy ny an’ny voromahery aza ianao, dia havarimbariko avy eny.» Izany no teny hentitry ny TOMPO.

Jeremia 8:8

Ianareo mihambo hoe: «Hendry izahay, sady ato aminay ny lalànan’ny TOMPO.» Ahoana no ahazoanareo mihambo toy izany, raha ireo mpanora-dalàna aza manao fanoratana diso ka mahatonga azy hivoana?

Jeremia 9:23

Fa raha misy te hirehareha, dia aoka izy hirehareha ho afaka mahafantatra Ahy sy mahalala fa Izaho TOMPO, dia mampihatra ny hatsaram-po ary ny rariny sy ny hitsiny eto an-tany. Eny, ny olona toy ireny no sitrako; teny hentitra avy amiko TOMPO izany.»

Ezekiela 30:6

Izao no lazain’ny TOMPO: Hatreo Migdôla any avaratra ka hatrany Asoana any atsimo dia ho faty an’ady ireo mpiaro an’i Ejipta, ary ho fefika ny tafiny miavonavona; teny hentitra avy amiko Tompo ANDRIANANAHARY izany.

Zefania 2:10

Izany no famaizana setrin’ny avonavony satria izy roa tonta dia samy nandatsa ny vahoakan’ilay TOMPOn’izao rehetra izao ary nanitatra ny taniny teo amin’ny azy.