Jeremia 48:11 - DIEM PROTESTANTA

¹¹ «Tsy mba niaina tamin’ahiahy i Môaba hatry ny fony izy mbola kely, ary tsy mbola nentina ho babo mihitsy. Nandry feizay am-pilaminana izy toy ny divay niotrika hitsihan’ny faikany ary tsy mbola naidina nafindra siny ka mitana tsiro sady tsy miova hanitra.

Baiboly Protestanta Malagasy 2011

¹¹ Nandry fehizay i Moaba hatry ny fony izy mbola kely ka niotrika tao amin’ny faikany, fa tsy mba naidina nafindrafindra siny ary tsy mbola lasan-ko babo izy; koa izany no naharetan’ny tsirony ao aminy sy tsy niovan’ny fofony.

Dikateny Iombonana Eto Madagasikara

¹¹ «Tsy mba niaina tamin’ahiahy i Môaba hatry ny fony izy mbola kely, ary tsy mbola nentina ho babo mihitsy. Nandry feizay am-pilaminana izy toy ny divay niotrika hitsihan’ny faikany ary tsy mbola naidina nafindra siny ka mitana tsiro sady tsy miova hanitra.

Baiboly Katolika

¹¹ Hatry ny fony mbola zaza i Moaba dia nandry feizay, niotrika teo amin’ny faikany, tsy nafindrafindra vilany, tsy lasana ho any amin’ny fahababoana, ka dia naharitra ny tsirony, ary tsy niova ny fofony.

Baiboly Protestanta Malagasy

¹¹ Moaba nandry fahizay hatry ny fony izy mbola kely Ka niotrika tao amin’ny faikany, Fa tsy naidina nafindrafindra siny, Ary tsy mbola lasan-ko babo izy; Koa izany no aharetan’ny tsirony ao aminy Sy tsy iovan’ny fofony.

Malagasy Bible

¹¹ Moaba nandry fahizay hatry ny fony izy mbola kely ka niotrika tao amin'ny faikany, fa tsy naidina nafindrafindra siny, ary tsy mbola lasan-ko babo izy; koa izany no aharetan'ny tsirony ao aminy sy tsy iovan'ny fofony.

La Bible en Malgache

¹¹ Nandry fehizay i Moaba hatry ny fony izy mbola kely ka niotrika tao amin’ny faikany, fa tsy mba naidina nafindrafindra siny ary tsy mbola lasan-ko babo izy; koa izany no naharetan’ny tsirony ao aminy sy tsy niovan’ny fofony.

Jeremia 48:11 Rohy Ifampitohizana

Salamo 123:4

Ela loatra no tototry ny tebak’ireo tretrika izahay, sy tototry ny eson’ireo mpiavonavona!

Salamo 55:19

Hohatoniny akaiky aho ka hafahany; eny, hotsoahiny soa aman-tsara aho amin’ny ady am-parimbona atao ahy.

Ohabolana 1:32

Fa ny di-doha no mahafaty ny kely saina ary ny fahatokian-tena no mahavery ny adala.

Isaia 16:6

Efa renay ny avonavon’i Môaba izay mpiavonavona mihoa-pampana; efa renay ny fireharehany sy ny fizahozahoany ary ny vava tafahoatra sy ny rediredim-poana ataony.

Isaia 24:3

Ho simba sy ho rava tanteraka ny tany. Fa izao teny izao no nambaran’ny TOMPO:

Isaia 25:6

Eto amin’ity tendrombohitra Tsiôna ity, ny TOMPOn’izao rehetra izao dia hanao fanasana ho an’ny firenena rehetra, fanasana amin’ny hena matavy ombàn-divay niotrika ela, dia hena matavy be sy feno tsoka ary divay niotrika ela sady voadio tsara.

Jeremia 22:21

Efa nampitandrina anao Aho fony ianao nandry fahalemana nefa novalianao hoe: «Tsy te hihaino aho.» Fanaonao hatramin’ny fahazazana izany ka tsy nety nihaino ny feoko mihitsy ianao.

Jeremia 48:12

Noho izany, hoy ny teny hentitry ny TOMPO, tonga ny andro izay handefasako olona mba hamindra siny azy. Hatotongany ho foana ny sinibe fitoeran-divay sady hotorotoroiny.

Jeremia 48:29

Efa renay ny avonavon’i Môaba, izay fatra-piaingitraingitra loatra. Efa renay ny fireharehany mihoa-pampana sy ny avonavony amam-piaingitrainginy ary ny fizahozahoan’ny toe-tsainy.

Jeremia 51:34

«Nandripaka sy nitsentsitra ahy i Nebokadnetsara mpanjakan’i Babilôna; dia napetrany toy ny vilia nolelafina aho. Tahaka ny fitelin’ny mamba no nitelemany ahy, ka ny tsokako no namenoany ny kibony; izay aho vao naloany.

Nahoma 2:10

Aoka hobaboina ny volafotsy sy ny volamena fa tsy mety ritra ny hareny, dia ireo zava-tsarobidy miavosa!

Nahoma 2:2

Miakatra hamely anao, ry Ninive, ireo mpandrava; koa ambeno ny manda, andraso ny lalana. Mivonòna hiady ary angony ny tafikao rehetra.

Zefania 1:12

Amin’izay fotoana izay dia handray fanala Aho ary hosavaiko ny tanànan’i Jerosalema; ka hofaiziko ny olona izay mandry fahalemana toy ny faikan-divay efa mifetaka, dia izay manao anakampo hoe: «Sady tsy hanao soa ny TOMPO no tsy hanao ratsy!»

Zakaria 1:15

kanefa kosa mirehi-pahatezerana mafy amin’ireo firenen-kafa matoky tena loatra; satria fony Aho mbola tezitra kely tamin’i Israely, no nampitombo fahoriana azy kosa ireo.