Jeremia 42:4 - DIEM PROTESTANTA

⁴ Dia hoy i Jeremià mpaminany taminy: –Efa reko izany, koa handeha hivavaka amin’ny TOMPO Andriamanitsika aho araka izay efa nangatahanareo tamiko; avy eo dia hatoroko anareo ny valin-tenin’ny TOMPO fa tsy hisy hafeniko anareo.

Baiboly Protestanta Malagasy 2011

⁴ Dia hoy i Jeremia mpaminany taminy: Efa reko izany; koa indro, hivavaka amin’NY TOMPO Andriamanitrareo ary aho araka ny teninareo; ary ny teny rehetra izay havalin’NY TOMPO anareo dia hambarako anareo, fa tsy hisy hafeniko.

Dikateny Iombonana Eto Madagasikara

⁴ Dia hoy i Jeremià mpaminany taminy: –Efa reko izany, koa handeha hivavaka amin’ny TOMPO Andriamanitsika aho araka izay efa nangatahanareo tamiko; avy eo dia hatoroko anareo ny valin-tenin’ny TOMPO fa tsy hisy hafeniko anareo.

Baiboly Katolika

⁴ Ary hoy i Jeremia mpaminany, namaly azy ireo: «Dia reko izany; ka indro aho, hivavaka amin’i Iaveh Andriamanitrareo araka ny teninareo; ary hambarako aminareo avokoa, fa tsy misy hanafenako izay havalin’i Iaveh anareo.»

Baiboly Protestanta Malagasy

⁴ Dia hoy Jeremia mpaminany taminy: Efa reko izany; koa, indro, hivavaka amin’i Jehovah Andriamanitrareo ary aho araka ny teninareo; ary ny teny rehetra izay havalin’i Jehovah anareo dia hambarako anareo, fa tsy hisy hafeniko.

Malagasy Bible

⁴ Dia hoy Jeremia mpaminany taminy: Efa reko izany; koa, indro, hivavaka amin'i Jehovah Andriamanitrareo ary aho araka ny teninareo; ary ny teny rehetra Izay havalin'i Jehovah anareo dia hambarako anareo, fa tsy hisy hafeniko.

La Bible en Malgache

⁴ Dia hoy i Jeremia mpaminany taminy: Efa reko izany; koa indro, hivavaka amin’NY TOMPO Andriamanitrareo ary aho araka ny teninareo; ary ny teny rehetra izay havalin’NY TOMPO anareo dia hambarako anareo, fa tsy hisy hafeniko.

Jeremia 42:4 Rohy Ifampitohizana

Salamo 40:10

Ny vahoakanao tafangona maro no hilazako vaovao mahafaly ny amin’ny fanafahanao. Indro tsy hangina mihitsy aho, ary fantatrao izany, ry TOMPO ô!

Jeremia 23:28

Raha misy mpaminany manonofy, dia aoka izy hilaza ny nofiny! Fa raha mitondra hafatra avy amiko izy, dia aoka hanambara marina ny teniko! Aoka tsy hafangaro ny mololo sy ny vary hoy ny teny hentitra avy amiko TOMPO.

Jeremia 23:35

Izay tokony hifanontanianareo dia ny hoe: «Inona no navalin’ny TOMPO?» na «Inona no voalazan’ny TOMPO?»

Jeremia 26:2

«Izao no voalazan’ny TOMPO: mijoroa eo an-kianjan’ny tranoko ianao ary mitenena amin’ny olona rehetra mponin’ireo tanànan’i Joda ka tonga hivavaka ao. Avereno aminy avokoa ny teny nasaiko hambaranao aminy, ka aza anesorana na kely aza.

Ezekiela 2:7

Fa avereno aminy ihany izay hambarako anao na hihaino izy na tsy hihaino noho ny di-dohany.

Asan’ny Apostoly 20:20

Fantatrareo fa tsy mba nafeniko izay mahasoa anareo, fa notorîko sy nampianariko na vory vahoaka na isan-tokantrano.

Asan’ny Apostoly 20:27

Tsy nafeniko fa notorîko taminareo avokoa ny fikasan’Andriamanitra.

Romana 10:1

Ry havana, ny irîn’ny foko sy angatahiko amin’Andriamanitra ho an’ny Jiosy dia ny hahazoany famonjena.

1Samoela 12:23

Fa ny amiko kosa, dia sanatriaviko ny hanota amin’ny TOMPO ka hijanona tsy hivavaka ho anareo. Ary hatoroko anareo hatrany ny lalana tsara sy mahitsy.