Jeremia 4:23 - DIEM PROTESTANTA

²³ Nojereko ny tany, ka indro foana sady tsy nisy endrika, ary ny lanitra tsy nisy fahazavana.

Baiboly Protestanta Malagasy 2011

²³ Nojereko ny tany ka indro, tsy nisy endrika izy sady foana, ary ny lanitra koa, indro, tsy teo intsony ny fahazavany.

Dikateny Iombonana Eto Madagasikara

²³ Nojereko ny tany, ka indro foana sady tsy nisy endrika, ary ny lanitra tsy nisy fahazavana.

Baiboly Katolika

²³ Mijery ny tany aho, ka inty izy tsy misy endrika sady foana; nijery ny lanitra aho, ka tsy nanam-pahazavana intsony izy.

Baiboly Protestanta Malagasy

²³ Nojereko ny tany, ka, indro, tsy nisy endrika izy sady foana, Ary ny lanitra koa, ka, indro, tsy nanam-pahazavana izy;

Malagasy Bible

²³ Nojereko ny tany, ka, indro, tsy nisy endrika izy sady foana, ary ny lanitra koa, ka, indro, tsy nanam-pahazavana izy;

La Bible en Malgache

²³ Nojereko ny tany ka indro, tsy nisy endrika izy sady foana, ary ny lanitra koa, indro, tsy teo intsony ny fahazavany.

Jeremia 4:23 Rohy Ifampitohizana

Genesisy 1:2

dia tsy nisy endriny sady foana ny tany fa ny haizina no nandrakotra ny lalina, ary ny Fanahin’Andriamanitra no nanomba tambonin’ny rano.

Isaia 13:10

Ny kintana eny an-danitra, na ny telonohorefy aza, dia tsy hampamirapiratra ny fahazavàny intsony; vao miposaka ny masoandro dia ho maizina, ary ny volana tsy handefa ny tarany intsony.

Isaia 5:30

Kanefa indray andro any, dia hisy varatra hiraondraona toy ny firohondrohon’ny ranomasina mba hamely io firenena io. Hijery izany tany izany ny olona ka tsy hahita afa-tsy haizim-pahoriana; fa hohamaizinin’ny zavona matevina ny fahazavan’ny andro.

Jeremia 2:12

Koa aoka ho gaga ianareo any an-danitra ka samia raiki-tahotra sy mangorohoro; teny hentitra avy amiko TOMPO izany.

Jeremia 9:10

Dia hoy ny Tompo hoe: «Hataoko korontam-bato i Jerosalema, ka ho fonenan’ny amboadia; ary ireo tanànan’i Joda hataoko lao tsy misy mponina.»

Fitomaniana 3:2

Notarihiny aho, ka nampandehaniny tamin’ny maizina fa tsy tamin’ny mazava.

Joela 2:10

Eo anoloany dia mihorohoro ny tany, mipararetra ny lanitra, mihamaizina ny masoandro sy ny volana ary tsy mamiratra intsony ny kintana.

Amosa 8:9

Ny Tompo ANDRIANANAHARY dia manao teny hentitra hoe: «Izao no hiseho amin’izany andro izany: halentiko mitatao vovonana ny masoandro ary hohamaiziniko antoandro ny tany;

Zakaria 14:6

Amin’izany andro izany dia tsy hilaina intsony ny fahazavan’ny masoandro; tsy hisy intsony koa na ny hatsiaka na ny fanala.

Matio 24:29

Raha vao afaka ny fijaliana amin’ireo andro ireo, dia hihamaizina ny masoandro, tsy handefa taratra intsony ny volana, hiraraka avy eny amin’ny habakabaka ny kintana ary ho voahozongozona ny herin’ny habakabaka.

Matio 24:35

Ho levona ny tany amana habakabaka, fa ny teniko tsy mba ho levona.

Apokalipsy 20:11

Dia hitako ity sezafiandrianana fotsy lehibe sy Ilay mipetraka eo amboniny. Ny tany amana habakabaka dia nandositra teo anatrehany, ka tsy hita intsony izay toerana nisy azy.