Jeremia 39:6 - DIEM PROTESTANTA

⁶ Tao koa no nampamonoany ho faty ireo zanak’i Tsedekià roa lahy teo imason-drainy sy ireo andrianan’i Joda rehetra.

Baiboly Protestanta Malagasy 2011

⁶ Ary ny zanakalahin’i Zedekia dia novonoin’ny mpanjakan’i Babilona tao Ribla teo imason’ny rainy; ny manankaja rehetra tamin’ny Joda koa dia novonoin’ny mpanjakan’i Babilona.

Dikateny Iombonana Eto Madagasikara

⁶ Tao koa no nampamonoany ho faty ireo zanak’i Tsedekià roa lahy teo imason-drainy sy ireo andrianan’i Joda rehetra.

Baiboly Katolika

⁶ Ireo zanaka lahin’i Sedesiasa novonoin’ny mpanjakan’i Babilôna teo imasony, tao Reblà; ny lehibe rehetra tamin’i Jodà, novonoin’ny mpanjakan’i Babilôna koa.

Baiboly Protestanta Malagasy

⁶ Ary ny zanakalahin’i Zedekia dia novonoin’ny mpanjakan’i Babylona tao Ribla teo imason-drainy; ary ny manan-kaja rehetra tamin’ny Joda koa dia novonoin’ny mpanjakan’i Babylona.

Malagasy Bible

⁶ Ary ny zanakalahin'i Zedekia dia novonoin'ny mpanjakan'i Babylona tao Ribla teo imason-drainy; ary ny manan-kaja rehetra tamin'ny Joda koa dia novonoin'ny mpanjakan'i Babylona.

La Bible en Malgache

⁶ Ary ny zanakalahin’i Zedekia dia novonoin’ny mpanjakan’i Babilona tao Ribla teo imason’ny rainy; ny manankaja rehetra tamin’ny Joda koa dia novonoin’ny mpanjakan’i Babilona.

Jeremia 39:6 Rohy Ifampitohizana

Genesisy 21:16

dia lasa izy nipetraka tandrifiny tery lavidavitra tokony ho tratry ny zana-tsipîka, fa hoy izy anakampo hoe: «Aza hitako anie izay hahafatesan’ny zaza.» Fony nipetraka tandrifin’ny zaza izy, dia nanandra-peo nitomany.

Genesisy 44:34

Fa tsy afaka hiverina any amin’i dada aho, raha tsy miaraka amin’io zatovo io satria tsy ho zakako ny hahita an’i dada hiharan-doza.

2Mpanjaka 22:20

Indro hangoniko any amin’ny razanao ianao ary ho voapetraka am-pasanao hombàm-piadanana, ka tsy hahita maso ny loza rehetra hamelezako an’i Jerosalema.› » Dia nitondra izany valinteny izany ho an’ny mpanjaka i Hilkià sy ireo namany.

2Mpanjaka 25:7

Novonoina ho faty teo imason-drainy ireo zanakalahin’i Tsedekià. Avy teo dia nasain’i Nebokadnetsara nopotsirina ny mason’i Tsedekià; ary nasainy nafatotra gadra halimo izy ka nentina nankany Babilôna.

2Tantara 34:28

Indro hangoniko any amin’ny razanao ianao ary ho voapetraka am-pasanao hombàm-piadanana, ka tsy mba hahita maso ny loza rehetra hamelezako ity tanàna ity sy ny mponiny.» Dia nitondra izany valinteny izany ho an’ny mpanjaka i Hilkià sy ireo namany.

Estera 8:6

Ka hataoko ahoana no fijery ny loza hanjo ireo mpiray firenena amiko sy ny fandringanana ireo iray firazanana amiko?

Isaia 13:16

Hotorotoroina eo imasony ny zanany madinika ary horobaina ny tranony sady hosavihina ny vadiny.

Isaia 34:12

Tsy hisy andriana intsony hifidy mpanjaka sady ho foana avokoa ny filohany rehetra.

Jeremia 20:4

Satria izao no lazain’ny TOMPO: «Indro hatolotro ho amin’ny fihorohoroana ianao sy ny namanao rehetra. Ho fatin’ny sabatry ny fahavalony manko ireo namanao; ary ny masonao no hahita izany. Hatolotro eo an-tanan’ny mpanjakan’i Babilôna ny vahoakan’i Joda rehetra ka hoentiny ho babo any Babilôna na hovonoiny ho faty amin’ny sabatra.

Jeremia 21:7

Aorian’izany, hoy ny teny hentitra avy amiko TOMPO, dia hatolotro eo an-tanan’ny mpanjakan’i Babilôna i Tsedekià mpanjakan’i Joda sy ny manamboninahiny ary ny mponina tato an-tanàna izay sisa velona tamin’ny areti-mandringana sy ny ady ary ny mosary. Eo an-tanan’ny fahavalony izay mitady hamono azy ho faty no hanolorako azy. Ka hasain’i Nebokadnetsara haripaka tsy misy antra na fangorahana na indrafo ireny.»

Jeremia 34:3

Ary tsy ho afa-miala aminy ianao, fa ho azo sambo-belona ka hatolotra azy. Tsy maintsy hifanatri-maso aminy ianao ka hamaly azy mivantana alohan’ny hankanesanao any Babilôna.

Jeremia 38:23

Eny, ny vadinao rehetra mbamin’ireo zanakao lahy dia hoentina any amin’ny Babilônianina, ary ianao koa tsy ho afaka amin’ny tanany; hataon’ny mpanjakan’i Babilôna sambo-belona ianao ary noho ny aminao no handoroana ity tanàna ity amin’ny afo.

Jeremia 52:10

Novonoina ho faty teo imason-drainy ireo zanakalahin’i Tsedekià; ary tao Riblà koa no namonoana ho faty ireo mpiasam-panjakana jodeanina.

Ezekiela 23:24

Ho tonga avy any avaratra izy, miaraka amin’ny kalesy sy fitaovana isan-karazany ary koa tafika goavana hamelezana anao. Hanemitra anao izy, mitondra ampinga lehibe sy kely ary fiarovan-doha; hoentiko eo anatrehany ny raharahanao ary hotsarainy araka ny fitsipiny ianao.

Ezekiela 24:5

Ondry voafantina no akao ny hena. Ary tohofy kitay ao ambanin’ny vilany; dia ampangotrahy tsara ireo rehetra ireo, satria handrahoina ihany koa ny taolana.›

Zefania 1:8

Izao no teny hentitra ataon’ny TOMPO: «Amin’izany andro hanaovako sorona izany dia hofaiziko ny mpitondra sy ny zanaky ny mpanjaka ary izay rehetra manaraka fomba fitafy vahiny.

Deoteronomia 28:34

Dia hanjary adala ianareo eo am-pijerena ny zavatra izay ho hitan’ny masonareo.