Jeremia 17:13 - DIEM PROTESTANTA

¹³ Ry TOMPO fanantenàn’i Israely ô, ho menatra izay rehetra mandao Anao. Voasoratra anarana eo am-bovoka izay nihataka taminao, noho izy efa nandao Anao, ry TOMPO loharano velona ô.

Baiboly Protestanta Malagasy 2011

¹³ Ry TOMPO, fanantenan’ny Israely ô! Ho menatra izay rehetra mahafoy Anao ary hosoratana amin’ny vovoka izay miala Aminao satria efa nahafoy NY TOMPO, loharano velona izy.

Dikateny Iombonana Eto Madagasikara

¹³ Ry TOMPO fanantenàn’i Israely ô, ho menatra izay rehetra mandao Anao. Voasoratra anarana eo am-bovoka izay nihataka taminao, noho izy efa nandao Anao, ry TOMPO loharano velona ô.

Baiboly Katolika

¹³ fanantenan’i Israely, Iaveh ô, ho menatra izay rehetra mahafoy anao! Hosoratana amin’ny tany izay miala amiko, satria nandao ny lohan’ny rano velona, Iaveh, izy ireo.

Baiboly Protestanta Malagasy

¹³ Ry Jehovah, Fanantenan’ny Isiraely ô! Ho menatra izay rehetra mahafoy Anao, Ary hosoratana amin’ny vovoka izay miala aminao, Satria izy efa nahafoy an’i Jehovah, loharano velona.

Malagasy Bible

¹³ Ry Jehovah, Fanantenan'ny Isiraely ô! Ho menatra izay rehetra mahafoy Anao, ary hosoratana amin'ny vovoka izay miala aminao, satria izy efa nahafoy an'i Jehovah, loharano velona.

La Bible en Malgache

¹³ Ry TOMPO, fanantenan’ny Israely ô! Ho menatra izay rehetra mahafoy Anao ary hosoratana amin’ny vovoka izay miala Aminao satria efa nahafoy NY TOMPO, loharano velona izy.

Jeremia 17:13 Rohy Ifampitohizana

Salamo 22:4

Kanefa mipetraka an-tsezafiandrianana Ianao, ry ilay Andriamanitra masina Izay fidèran’i Israely vahoakanao.

Salamo 69:29

Koseho ny anarany ao amin’ilay horonamboky mirakitra ny lisitr’ireo hanana ny fiainana; aoka izy tsy ho voasoratra ho anisan’ny olo-marina!

Salamo 71:5

Fa Ianao no fanantenàko, ry Tompo ANDRIANANAHARY ô; Ianao no itokiako hatry ny fahakeliko.

Salamo 73:27

Indro very izay mihataka aminao ary aringanao izay rehetra mandao Anao.

Salamo 97:7

Aoka ho menatra izay rehetra manompo sampy sy mirehareha amin’ny zavatra tsinontsinona! Aoka hiankohoka eo anoloan’ny Tompo ianareo andriamanitra rehetra!

Ohabolana 10:7

Hotahîna ny fahatsiarovana ny olo-marina; fa ho hadino hatramin’ny anarany kosa ny olon-dratsy.

Ohabolana 14:14

Ny mpaniasia ho tsiravin’ny vokatry ny toetrany; fa ny tsara fanahy kosa ho ambony noho izy.

Isaia 1:28

Fa ny mpikomy sy ny mpanota kosa dia hiara-potika, ary izay mahafoy ny TOMPO dia ho levona.

Isaia 66:5

Mihainoa ny tenin’ny TOMPO ianareo izay mandray ny teniny amin-kovitra: «Misy mankahala anareo ny mpiray firenena aminareo ka manilika anareo noho ny fanajanareo Ahy, sady loa-bolana maneso anareo hoe: ‹Aoka ny TOMPO hampiseho ny voninahiny, dia hahita anareo mandresy izahay!› Kanjo ireny kosa no ho menatra.»

Jeremia 14:8

Ry fanantenàn’i Israely ô, ry mpamonjy azy amin’ny androm-pahoriana, nahoana no dia toy ny vahiny eo amin’ny tany Ianao sy toy ny mpandeha milasy indray alina monja?

Jeremia 17:17

Aoka tsy ho fampitahorana ahy Ianao fa Ianao no fialofako amin’ny androm-pahoriana!

Jeremia 17:18

Aoka ireo mpanenjika ahy no ho menatra fa tsy ny tenako velively; aoka ireo no ho trotraka, fa tsy izaho. Ataovy tonga aminy ny andro mandoza, ary potipoteho tanteraka izy.

Jeremia 17:5

Izao no lazain’ny TOMPO: –Voaozona izay mitoky amin’olombelona sy miantehitra amin’ny nofo ho heriny ka mampiala ny fony amiko.

Jeremia 19:4

Fa ny olon’i Joda efa nandao Ahy ary nahatonga ity toerana ity ho very hasina, fa teo no nanolorany sorona ho an’ireo andriamani-kafa izay tsy nikarakara azy na ny razany na ny mpanjakan’i Joda; sady nataony feno ran’ankizy tsy manan-tsiny ity toerana ity.

Jeremia 2:13

Faharatsiana roa sosona no nataon’ny vahoakako: fa sady nahafoy Ahy loharano velona izy no nihady lava-drano ho azy, kanjo lava-drano mitriatra ireny ka tsy nahatan-drano.

Jeremia 2:17

Ny nahatonga izany taminao ve tsy noho ny nandaozanao ny TOMPO Andriamanitrao tamin’ny andro nitantanany anao teny an-dalana?

Jeremia 50:7

Izay fahavalo rehetra nahita azy dia nandripaka azy avokoa sady nanao hoe: «Tsy misy mahadiso antsika izao, satria ireo no meloka eo anatrehan’ny TOMPO izay fonenam-pamonjena sy fanantenan-drazany.»

Ezekiela 13:9

«Ny heriko no hamely ny mpaminany izay milaza fahitana manodoka sy fanambaràna mamitaka. Tsy hanana anjara toerana ao amin’ny filankevitry ny vahoakako izy sady tsy ho voasoratra ao amin’ny lisitry ny vahoaka israelita ka tsy hiverina any amin’ny taniny. Amin’izay dia hoekeny fa Izaho no Tompo ANDRIANANAHARY.

Ezekiela 16:63

Amin’izay dia hahatsiaro ny lasa ianao ka ho menatra tsy hahateny, fa Izaho kosa hamela anao amin’izay ratsy rehetra nataonao. Teny hentitra avy amiko Tompo ANDRIANANAHARY izany.»

Ezekiela 36:32

Nefa aoka ho fantatrareo fa tsy noho ny aminareo no hanaovako an’izany, ry Israelita; teny hentitra avy amiko Tompo ANDRIANANAHARY izany. Koa aoka hahamenatra sy hampangaihay anareo ny fitondrantenanareo, ry Israelita!

Daniela 12:2

Ary olona marobe izay matory ao amin’ny vovoka ao am-pasana no hifoha: ny sasany ho amin’ny fiainana mandrakizay ary ny sasany ho amin’ny henatra sy ny zava-mahatsiravina mandrakizay.

Zakaria 13:1

«Amin’izany andro izany, dia hisy loharano mifantsitsitra hanasa ny loto amam-pahotan’ny taranak’i Davida sy ny mponin’i Jerosalema.»

Zakaria 9:12

Miverena ao an-tanàna mimanda, ry mpigadra manam-panantenana! Anio no anambaràko aminareo hoe: Fanambinana avo roa heny no hanonerako ny fahorianareo.

Lioka 10:20

Kanefa aza dia ianareo eken’ny fanahy ratsy no ifaliana; fa mifalia noho ianareo efa voasoratra anarana any an-danitra.

Jaona 4:10

Ka izao no navalin’i Jesoa an-dravehivavy: –Raha mba fantatrao ny fanomezan’Andriamanitra ka fantatrao Ilay miteny aminao hoe: «mba omeo rano Aho hosotroiko», dia ianao no ho nangataka taminy ka homeny ranovelona.

Jaona 4:14

Fa na iza na iza hisotro amin’ny rano izay homeko azy dia tsy hangetaheta na oviana na oviana; satria ny rano izay homeko azy dia hanjary loharano ao anatiny ka hiboiboika ho aina maharitra mandrakizay.

Asan’ny Apostoly 28:20

Izany àry no nangatahako hahita anareo sy hiresaka aminareo, satria mifatotra amin’ity gadra ity aho noho ny amin’Ilay antenain’ny vahoaka Israely.

1Timoty 1:1

Avy amiko Paoly ity taratasy ity, dia izaho apôstôlin’i Kristy Jesoa noho ny baikon’Andriamanitra Mpamonjy antsika sy i Kristy Jesoa fanantenantsika.

Apokalipsy 20:15

ka raha nisy olona tsy hita voasoratra tao anatin’ilay horonamboky mirakitra ny lisitr’ireo hanana ny fiaina-maharitra mandrakizay, dia natsipy tany amin’ny farihy afo izy.

Apokalipsy 21:6

Dia hoy indray Izy tamiko: –Tanteraka ny zavatra rehetra! Izaho no Alfa sy Ômega, fiandohana sy fiafarana. Izay mangetaheta dia hampisotroiko maimaimpoana amin’ny loharano miboiboika ranovelona.

Apokalipsy 22:1

Dia nasehon’ny anjely tamiko ity onin-dranovelona manganohano toy ny vato kristaly, nivoaka avy teo amin’ilay sezafiandrianana ipetrahan’Andriamanitra sady ipetrahan’ny Zanakondry.

Apokalipsy 22:17

Ary hoy ny Fanahy Masina sy ny ampakarina hoe: «Avia!» Izay mahare, aoka hanao hoe: «Avia!» Izay mangetaheta, aoka ho avy; izay maniry ranovelona, aoka hanovo maimaimpoana amin’izany!

Apokalipsy 7:17

Fa ny Zanakondry Izay mipetraka eo afovoan’ny sezafiandrianana no ho Mpiandry azy ka hitondra azy ho amin’ny loharano velona; ary hofafàn’Andriamanitra ny ranomaso rehetra amin’ny masony.