Jeremia 11:10 - DIEM PROTESTANTA

¹⁰ Niverina amin’ny fahadisoan’ireo razany taloha izay tsy mety nihaino ny teniko izy, ka lasa nanaraka andriamani-kafa mba hanompo azy. Nivadika tamin’ny fanekempihavanana izay nataoko tamin’ny razany ny olon’i Israely sy ny olon’i Joda.

Baiboly Protestanta Malagasy 2011

¹⁰ Fa izy dia niverina nankany amin’ny heloky ny razany izay tsy nety nihaino ny teniko, ary lasa nanaraka andriamanitra hafa izy ka nanompo azy. Nivadika ny fanekeko, izay nataoko tamin’ny razany, ny taranak’Israely sy ny taranak’i Joda.

Dikateny Iombonana Eto Madagasikara

¹⁰ Niverina amin’ny fahadisoan’ireo razany taloha izay tsy mety nihaino ny teniko izy, ka lasa nanaraka andriamani-kafa mba hanompo azy. Nivadika tamin’ny fanekempihavanana izay nataoko tamin’ny razany ny olon’i Israely sy ny olon’i Joda.

Baiboly Katolika

¹⁰ Fa izy ireo niverina ho amin’ny heloky ny razany, izay nandà tsy hihaino ny teniko; ka lasa nanaraka ireo andriamani-kafa, mba hanompo ireny. Samy nivadika ny fanekena nataoko tamin’ny razany, ny taranak’i Israely sy ny taranak’i Jodà.»

Baiboly Protestanta Malagasy

¹⁰ Fa izy niverina nankamin’ny heloky ny razany, Izay tsy nety nihaino ny teniko, Ary lasa nanaraka andriamani-kafa izy ka nanompo azy; Ny taranak’Isiraely sy ny taranak’i Joda efa nivadika ny fanekeko, Izay nataoko tamin’ny razany.

Malagasy Bible

¹⁰ Fa izy niverina nankamin'ny heloky ny razany, izay tsy nety nihaino ny teniko, ary lasa nanaraka andriamani-kafa izy ka nanompo azy; Ny taranak'Isiraely sy ny taranak'i Joda efa nivadika ny fanekeko, izay nataoko tamin'ny razany.

La Bible en Malgache

¹⁰ Fa izy dia niverina nankany amin’ny heloky ny razany izay tsy nety nihaino ny teniko, ary lasa nanaraka andriamanitra hafa izy ka nanompo azy. Nivadika ny fanekeko, izay nataoko tamin’ny razany, ny taranak’Israely sy ny taranak’i Joda.

Jeremia 11:10 Rohy Ifampitohizana

Salamo 78:57

nihemotra sy nivadika toy ireo razany izy, eny, nisampotina toy ny tsipîka manody.

Isaia 24:5

Ny tany dia voaloton’ny mponina ao aminy fa nandika ny lalànan’ny Tompo ireny, tsy nanaraka ny fitsipika fa nivadika tamin’ny fanekempihavanana izay maharitra mandrakizay.

Jeremia 13:10

Fa vahoaka ratsy tsy mety mihaino izay lazaiko izy, mikiry amin’ny ditram-pony, mifikitra amin’ireo andriamani-kafa ka manompo azy sy miankohoka eo anatrehany. Koa ho tahaka io fehikibo tsy azo ampiasaina intsony io anie ity vahoaka ity!

Jeremia 17:23

Nefa tsy nihaino izy na nampandry sofina fa nanamafy hatoka; eny, tsy nihaino izy fa nandà ny fampitandremako.

Jeremia 22:9

Dia hovaliana hoe: «Satria nandao ny fanekempihavanan’ny TOMPO Andriamaniny izy, ka niankohoka tamin’ny andriamani-kafa sady nivavaka tamin’ireny.»

Jeremia 31:32

Kanefa tsy hitovy amin’ilay fanekempihavanana nataoko tamin’ireo razany fony Aho nandray an-tanana hamoaka azy avy tany Ejipta izany. Fa nivadihan’ireo iny, kanefa Izaho no tompony; teny hentitra avy amiko TOMPO izany.

Jeremia 44:16

–Na dia amin’ny anaran’ny TOMPO aza no ilazanao aminay izany teny izany, dia tsy hihaino anao izahay.

Jeremia 44:5

Kanefa tsy nihaino na nanongilan-tsofina akory ianareo hiala tamin’ny ratsy fanaonareo ka tsy hanolotra sorona amin’ireo andriamani-kafa.

Jeremia 7:28

Koa ambarao aminy hoe: «Ianareo no firenena tsy mba mihaino ny feon’ny TOMPO Andriamaniny sady tsy mety mandray anatra. Efa very teo aminareo ny toetra mahatoky ary efa niala teo am-bavanareo izany.»

Jeremia 9:6

Koa hoy ny TOMPOn’izao rehetra izao: «Hodioviko amin’ny afo izy ary hozahako toetra. Satria ahoana ny fomba hafa hataoko amin’ny faharatsian’ny vahoakako?

Ezekiela 16:59

«Izao manko no lazain’ny Tompo ANDRIANANAHARY: Tsy noraharahainao ny fianianana nataonao fa nivadika tamin’ny fanekempihavanako ianao; koa araka izany no hataoko aminao.

Ezekiela 44:7

Amin’ny fotoana izay nanoloranareo ny anjara sakafoko, izany hoe ny sabora sy ny ra avy tamin’ny soronareo, dia nampidiranareo vahiny tsy miraiki-po amiko sady tsy voafora tao amin’ny Toeramasina onenako. Nanimbazimba ny tempoliko ireo; ary nivadihanareo kosa ny fanekempihavanako tamin’ny zavatra maharikoriko nataonareo.

Ezekiela 5:6

Tsy nankatò ny fitsipiko aman-dalàko anefa ny mponin’i Jerosalema fa nanao ratsy mihoatra noho ireo hafa firenena nifanila taminy ary mihoatra noho ireo tany nanodidina azy. Eny, nolaviny ny fitsipiko ary tsy narahiny ny lalànako.

Hosea 6:4

Ny TOMPO kosa mamaly anareo hoe: «Inona no hataoko aminao, ry Efraîma? Inona no hataoko aminao, ry Joda? Fa ny fitiavanareo Ahy dia toy ny zavona maraina na tahaka ny ranon’ando izay levona vetivety!

Hosea 6:7

Tao Adama kosa ianareo no nandika ny fanekempihavanana tao ianareo no namadika Ahy.

Hosea 7:16

Raha misy ny fiverenany, dia tsy ho amiko ilay Avo izany; fa mandiso fanantenana tahaka ny tsipîka ketraka izy. Ho lavon-tsabatra ny mpifehy azy noho ny fitsaontsaom-bavany; izany no handatsana azy any Ejipta!

Levitikosy 26:15

raha hamavoinareo ny lalànako na halanareo ny fitsipiko, ka tsy tanterahinareo ny didiko rehetra fa ivadihanareo ny fanekempihavanako taminareo,

Zefania 1:6

Holevoniko izay mihataka miala amiko TOMPO ka tsy mitady AHY sady tsy mila hevitra amiko.»

Zakaria 1:4

Aza manahaka ny razanareo. Fa efa nantsoin’ny mpaminany fahiny tamin’ny anarako ireo mba hiala amin’ny toetra sy ny asa ratsiny, kanefa tsy nety nihaino sy nankato Ahy. Izaho TOMPOn’izao rehetra izao no manao izany teny hentitra izany.

Zakaria 7:11

Kanefa tsy nety nihaino izany ny olona; fa nanainga soroka ho fandavana izy sady nanentsin-tadiny mba tsy handre.

Zakaria 7:13

ka nanao hoe: «Satria tsy nety nihaino izy rehefa mba nanao antso avo taminy Aho, dia tsy mba nihaino azy kosa Aho rehefa mba niantso vonjy tamiko izy.

Deoteronomia 31:16

Dia hoy ny TOMPO tamin’i Mosesy: –Indro hodimandry any amin’ny razanao ianao; ary ity vahoaka ity kosa hiainga hanompo sampy ka hanaraka andriamani-kafa tompoina any amin’ny tany izay efa hidirany honenana. Hilaozany Aho ary hivadihany ny fanekempihavanana izay nataoko taminy.

Deoteronomia 9:7

Tsarovy ny nampahatezeranareo ny TOMPO Andriamanitrareo; aza hadinoinareo mihitsy izany! Hatreo amin’ny andro nialanareo tany Ejipta ka hatramin’izao nahatongavanareo teto amin’ity toerana ity izao, dia tsy nitsahatra niodina tamin’ny TOMPO ianareo.

Hebreo 8:9

Nefa tsy mba Fanekempihavanana mitovy amin’izay nataoko tamin’ny razany, tamin’ny andro nitantanako azy hivoaka ny tany Ejipta; tsy nahatritra tamin’izany Fanekempihavanana nataoko izany ireo, koa dia tsy niraharaha azy Aho, hoy ny Tompo.

Mpitsara 2:11

Ary nanao izay ratsy eo imason’ny TOMPO ny Israelita fa nanompo ireo Bahala andriamani-tsiizy.

Mpitsara 2:17

Kanefa ny Israelita tsy nankatò ihany koa ireo mpitsara azy, fa nandeha nanao fanompoan-tsampy tamin’ireo andriamani-tsiizy ka niankohoka teo anatrehany. Nalaky niala ny lalana izay nizoran’ireo razany tamin’ny fankatoavana ny didin’ny TOMPO izy, fa tsy mba nanahaka azy.

Mpitsara 2:19

Kanjo raha vao maty ilay mpitsara, dia miverina indray amin’ny ratsy fanaony mihoatra noho ireo razany ny Israelita, ka manompo andriamani-tsiizy sy miankohoka eo anatrehany. Tsy nialany akory ny ratsy fanaony sy ny toetra maditra mahazatra azy.

1Samoela 15:11

–Tena nanenenako ny nanaovako an’i Saoly ho mpanjaka, satria nivadika tamiko izy ka tsy nanaraka ny teniko. Tezitra sady nalahelo i Samoela, ka nitaraina mafy tamin’ny TOMPO ny alina tontolo.