Jeremia 10:8 - DIEM PROTESTANTA

⁸ Fa adala sy very saina izy rehetra: zava-poana ny fampianarany fa tapa-kazo ihany izany.

Baiboly Protestanta Malagasy 2011

⁸ Fa kentrina sy adala avokoa izy rehetra. E! Zava-poana ny fampianarany fa tapa-kazo ihany izany.

Dikateny Iombonana Eto Madagasikara

⁸ Fa adala sy very saina izy rehetra: zava-poana ny fampianarany fa tapa-kazo ihany izany.

Baiboly Katolika

⁸ Adala sy ketrina avokoa izy rehetra; fampianaran-java-poana; dia hazo!

Baiboly Protestanta Malagasy

⁸ Fa ketrina sy adala avokoa izy rehetra; He! fananaram-poana! fa tapakazo ihany.

Malagasy Bible

⁸ Fa ketrina sy adala avokoa izy rehetra; He! fananaram-poana! fa tapa-kazo ihany.

La Bible en Malgache

⁸ Fa kentrina sy adala avokoa izy rehetra. E! Zava-poana ny fampianarany fa tapa-kazo ihany izany.

Jeremia 10:8 Rohy Ifampitohizana

Salamo 115:8

Ho tahaka azy anie izay manao azy sy izay rehetra mitoky aminy!

Salamo 135:18

Ho tahaka azy anie izay nanao azy sy izay rehetra mitoky aminy!

Isaia 41:29

Tsinontsinona ny andriamani-tsiizy rehetra, zava-poana ny zavatra ataony, tsio-drivotra miserana ny sampiny sady zavatra tsy misy fotony!

Isaia 44:18

Tsy mahalala na inona na inona sady tsy misaina ireny olona ireny, voatampina ny masony ka tsy mahita sady donto rahateo koa ny fony.

Isaia 44:19

Tsy misy mieritreritra ao am-pony na mba mahalala handini-tena hoe: «Ny antsasak’ity vatan-kazo ity dia nodorako tamin’ny afo; ka ny vainafony no nanendasako mofo sy nanatsatsihako hena hohaniko. Ny antsasaky ny vatan-kazo kosa dia hanaovako sampy mamoafady, ka tapa-kazo no indro hiankohofako.»

Jeremia 10:14

Ketrina avokoa ny olona rehetra ka tsy mahatakatra ny hevitr’izany. Ireo mpandasitra sarivongan-tsampy dia menatra avokoa tamin’ny nataony; satria fitaka ireo sarivongana ireo fa tsy manam-pofonaina akory.

Jeremia 2:27

Fa ny tapa-kazo itenenanareo hoe: «Ianao no raiko»; ary ny sarivongam-bato ilazanareo hoe: «Ianao no niteraka ahy». Tokony hijery manatrika Ahy ianareo, kanefa ny lamosina no atodikareo amiko. Saingy nony tra-pahoriana ianareo, dia hiantso vonjy amiko hoe: «Midira an-tsehatra ianao hamonjy anay»;

Jeremia 3:9

Nijangajanga tamin’ireo andriamanitra vato aman-kazo izy ary nandoto ny tany tamin’ny nataony.

Jeremia 4:22

«Adala tokoa ny vahoakako fa tsy mahalala Ahy», hoy ny Tompo. Ankizy tsy misaina ireo, tsy mahatakatra na inona na inona, tsy kinga afa-tsy amin’ny fanaovan-dratsy fa raha izay hanao ny tsara tsy hainy.

Jeremia 5:4

Dia hoy aho anakampo hoe: «Momba ireo olona mahantra ihany izany; tsy misaina loatra izy ireny ka tsy mahalala ny sori-dalan’ny TOMPO na izay fitsipik’ilay Andriamaniny.

Hosea 4:12

Mila saina amin’ny tapa-kazony ny oloko; ary ny tehiny no manoro hevitra azy. Fa rivotry ny fivarotan-tena no mitsoka eo aminy ka mampania azy. Koa dia lasa nivaro-tena niala tamin’Andriamaniny izy.

Jona 2:8

Raha iny efa ho faty iny aho, dia nahatsiaro Anao, TOMPO ô, ary ny vavaka nataoko taminao dia tonga tao an-tempolinao masina.

Habakoka 2:18

Atao inona moa ny sarin-tsampy? Sary sikotry ny mpahay taozavatra ihany ireny na metaly narendrika hampianatra lainga! Nahoana ny olona no matoky izay zavatra noforoniny ihany, tamin’ny nanaovany sampy moana?

Zakaria 10:2

Fa zava-poana no tenenin’ny sampy. Ary lainga no hany hitan’ny mpisikidy; tsy misy dikany ny nofy tantarainy, feno fitaka ny fampiononana entiny. Izany no nahavoatery ny vahoaka handeha, ka ory tahaka ny andianondry tsy misy mpiandry.