Isaia 9:9 - DIEM PROTESTANTA

⁹ «Rindrina biriky no nirodana fa rindrim-bato kosa no hatsanganay. Tsivalan-kazo aviavy no nadaboka fa tsivalan-kazo sedera kosa no hasolonay azy.»

Baiboly Protestanta Malagasy 2011

⁹ Biriky no efa nirodana fa vato voapaika kosa no harafitsika; aviavy no voakapa fa sedera kosa no hasolontsika azy.

Dikateny Iombonana Eto Madagasikara

⁹ «Rindrina biriky no nirodana fa rindrim-bato kosa no hatsanganay. Tsivalan-kazo aviavy no nadaboka fa tsivalan-kazo sedera kosa no hasolonay azy.»

Baiboly Katolika

⁹ «Nianjera ny biriky, fa vato voapaika kosa no harafitsika, voakapa ny aviavy, fa sedera kosa no hasolontsika azy.»

Baiboly Protestanta Malagasy

⁹ Biriky no efa nirodana, Fa vato voapaika kosa no harafitsika; Aviavy no voakapa, Fa sedera kosa no hasolontsika azy.

Malagasy Bible

⁹ Biriky no efa nirodana, fa vato voapaika kosa no harafitsika; Aviavy no voakapa, fa sedera kosa no hasolontsika azy.

La Bible en Malgache

⁹ Biriky no efa nirodana fa vato voapaika kosa no harafitsika; aviavy no voakapa fa sedera kosa no hasolontsika azy.

Isaia 9:9 Rohy Ifampitohizana

1Mpanjaka 22:25

Dia novalian’i Mikaià hoe: –Indro fa ho hitanao izany amin’ny andro izay hitsofotsofohanao efitrano mba hiery.

Ohabolana 16:18

Ny fiavonavonana mialoha ny faharavana, ary ny fireharehana mialoha ny fahalavoana.

Isaia 26:11

TOMPO ô, manandra-tanana handrahona Ianao kanefa tsy ahoan’ireo olon-dratsy akory. Aoka ho menatra izy raha mahita ny zotomponao hiaro ny vahoakanao; eny, aoka handevona azy ny afo izay natokanao ho an’ny fahavalonao!

Isaia 28:1

Lozan’i Samaria, tanàna izay satroboninahitra sady reharehan’ny mpidoroka ao Efraîma! Erỳ an-tendron’ny lohasaha lonaka izy, ka ny haingony marevaka dia voninkazo mihamalazo eny an-dohan’ireo lehilahy mamon-divay.

Isaia 28:3

Dia ho voahitsakitsaka am-paladia ilay tanàna miendrika satroboninahitra, sady reharehan’ny mpidoroka ao Efraîma.

Isaia 46:12

Mihainoa Ahy ianareo, ry olona mafy fo izay mihevi-tena ho lavitra ny fanafahana:

Isaia 48:4

Saingy fantatro fa maditra ianareo; miridiridy toy ny hoza-by ny hatokareo ary mafy toy ny varahina ny handrinareo.

Isaia 7:2

Dia nampandrenesina i Ahaza, taranak’i Davida, sy ny tao an-dapany fa efa mitoby any Efraîma ny Sirianina. Koa taitra ny fon’ny mpanjaka sy ny an’ny vahoakany, tahaka ny hazo any an’ala rehefa tsofin’ny rivotra.

Isaia 9:8

Samy mahalala izany avokoa ny mpiray firenena rehetra, dia ny fanjakan’i Efraîma manontolo sy ny mponina ao Samaria. Fa tamin’avonavona sy fireharehana no nitenenan’izy ireny hoe:

Jeremia 32:24

Indro mandroso hatrany izao ny Babilônianina amin’ny fanaovana fahirano ny tanàna ka hahafaka azy; eny, hatolotra ho eo an-tanan’ny Babilônianina izy, ka hasiany amin’ny sabatra sy ny mosary ary ny areti-mandringana. Hitanao tsara izao fa tanteraka izay nambaranao.

Ezekiela 30:19

Hampihariko ny didim-pitsarako hamelezana an’i Ejipta, ka hoekena amin’izay fa Izaho no TOMPO.»

Ezekiela 33:33

Rehefa ho tonga kosa ny zavatra ambaranao, fa madiva ho avy izany, dia hoeken’ireo fa efa nisy mpaminany tokoa teo aminy.»

Ezekiela 7:27

Hisaona ny mpanjaka, tototra hakiviana ny andriana ary hangovi-tanana ny vahoaka. Hovaliako araka ny fitondrantenany izy ary hotsaraiko araka ny sahaza azy. Amin’izay dia hoeken’ireo fa Izaho no TOMPO.»

Ezekiela 7:9

Tsy ho antra fijery anareo Aho ary tsy hamindrafo aminareo, fa hovaliako aminareo ny fitondrantenanareo sy ny asa maharikoriko izay mbola tohizinareo eo anivonareo. Amin’izay dia hoekenareo fa Izaho TOMPO no mikapoka anareo.

Hosea 8:14

«Nanangan-dapa maro i Israely, ka nanadino ny Mpanao azy. I Joda koa etsy an-daniny dia nampitombo tanànamimanda; nefa handefasako afo ny tanànany ka holevonin’izany ny lapany.

Malakia 1:4

Na dia hiteny aza ny Edômita taranak’i Hesao hoe: «Rava sy potika izahay, nefa hatsanganay indray ny tanàna rava», Izaho TOMPOn’izao rehetra izao dia hamaly hoe: Aoka izy hanangana, fa Izaho kosa handrava. Ary ny olona hametaka anarana azy hoe: «Tany anjakam-paharatsiana» sy «Vahoaka tezeran’ny TOMPO mandrakizay».

Malakia 3:13

Hoy ny TOMPO hoe: «Mafy loatra ny teny amelezanareo Ahy; nefa manontany ianareo hoe: ‹Inona no resaka nifanaovanay hamelezana Anao?›

1Petera 5:5

Toy izany koa ianareo mbola tanora fanahy, maneke ny loholona. Ary ianareo rehetra, samia mitafy fanetrentena ka mifanompoa, fa hoy ny Soratra Masina hoe: «Toherin’Andriamanitra ny mpiavonavona fa omeny fahasoavana kosa ny manetry tena.»