Isaia 6:9 - DIEM PROTESTANTA

⁹ Dia hoy indray Izy hoe: –Ndeha lazao amin’ity firenena ity hoe: «Mihainoa ihany ianareo fa tsy handre, mijere ihany fa tsy hahita.»

Baiboly Protestanta Malagasy 2011

⁹ Ary hoy Izy: Mandehana ka lazao amin’ity firenena ity hoe: Handre mandrakariva ihany ianareo nefa tsy hahalala! Hijery mandrakariva ihany ianareo nefa tsy hahafantatra!

Dikateny Iombonana Eto Madagasikara

⁹ Dia hoy indray Izy hoe: –Ndeha lazao amin’ity firenena ity hoe: «Mihainoa ihany ianareo fa tsy handre, mijere ihany fa tsy hahita.»

Baiboly Katolika

⁹ Ary hoy izy: «Mandrenesa ianareo, fa aza mahafantatra; aoka hahita ianareo, fa tsy hahazo an-tsaina.

Baiboly Protestanta Malagasy

⁹ Ary hoy Izy: Mandehana, ka lazao amin’ity firenena ity hoe: Mandrenesa mandrakariva ihany hianareo, nefa aza mahalala; Ary mijere mandrakariva ihany hianareo, nefa aza mahafantatra.

Malagasy Bible

⁹ Ary hoy Izy: Mandehana, ka lazao amin'ity firenena ity hoe: Mandrenesa mandrakariva ihany ianareo, nefa aza mahalala; Ary mijere mandrakariva ihany ianareo, nefa aza mahafantatra.

Isaia 6:9 Rohy Ifampitohizana

Ohabolana 28:5

Ny olon-dratsy tsy mahafantatra ny rariny, fa izay mitady ny TOMPO mahalala ny zava-drehetra.

Isaia 28:13

Koa ny tenin’ny TOMPO ho azy ireo dia tonga tsy misy heviny toy ny hoe: «TSA ampiana V: TSAV; TSA ampiana V: TSAV. KA ampiana V: KAV; KA ampiana V: KAV. Indray mandeha ity, indray mandeha irỳ. Ka farany ho tafintohina izy raha mandeha, dia hianjera mitsilany ka hahasimba ny voany, ary hifaningotra tongotra ka tsy ho afa-miarina.

Isaia 29:10

Fa ny TOMPO efa nampidina fanahy mampatory tao aminareo ary notampenany ny masonareo, –hilazana ireo mpaminany izany–, sady nosaronany ny lohanareo, –hilazana ny mpahita izany.

Isaia 29:13

Ary hoy ny Tompo hoe: «Ity firenena ity manatona Ahy am-bava fotsiny sy manome voninahitra Ahy an-tendromolotra ihany fa ny fony kosa manalavitra Ahy; ka fomban’olombelona nianarana ihany ny fanajana asehony Ahy.

Isaia 29:14

Noho izany, indro Aho mbola hanao zava-mahagaga ho an’ity firenena ity, dia zava-mahagaga sy mahazendana; fa ho foana ny fahendren’ny olon-kendriny ary ho takona ny fahaizan’ny manampahaizany.»

Isaia 42:20

Betsaka ny zavatra hitany nefa tsy nisy tadidiny; manongilan-tsofina hihaino izy, nefa tsy misy zavatra reny.

Isaia 43:8

Avoahy ny olona mana-maso nefa jamba, ary manan-tsofina nefa marenina.

Jeremia 5:21

Henoy àry izao, ry vahoaka dondrona sy tsy misaina, mana-maso fa tsy mahita, manan-tsofina fa tsy mandre.

Ezekiela 12:2

«Ry ilay taranak’olombelona, monina eo anivon’ny olona tena maditra ianao! Mana-maso hahitana izy fa tsy te hahita, manan-tsofina hihainoana fa tsy te hihaino, satria olona tena maditra.

Hosea 1:9

Dia hoy ny TOMPO tamin’i Hôsea: «Ataovy hoe Lô-Hamỳ ny anarany, satria tsy vahoakako ianareo, ary tsinontsinona Aho aminareo.»

Marka 4:12

hany ka «hijery dia hijery izy fa tsy hahita ary hihaino dia hihaino fa tsy hahafantatra, afa-tsy raha miverina amin’Andriamanitra izy ka ho voavela heloka.»

Lioka 8:10

ka namaly hoe: –Ianareo no natao hahalala ny tsiambaratelo momba ny Fanjakàn’Andriamanitra; fa ho an’ny hafa kosa dia ankamantatra saro-pantarina no itenenana izany, hany ka «hijery izy fa tsy hahita ary hihaino fa tsy hahafantatra.»

Jaona 12:40

«Andriamanitra efa nanajamba ny mason’ireo sy nanamafy ny fony; hany ka ny masony tsy hahita, ny fony tsy hahafantatra, ary tsy hiverina amiko ireo mba hositraniko, hoy Andriamanitra.»

Romana 11:8

araka izay voalazan’ny Soratra Masina hoe: «Nomen’Andriamanitra fanahy mahadonto izy ireo ka ny masony tsy mahita ary ny sofiny tsy mandre mandraka androany.»

Deoteronomia 29:4

Efapolo taona no nitondrako anareo tany an-taniefitra; tsy nihatonta na ny fitafiana teny an-koditrareo na ny kapa teny an-tongotrareo.