Isaia 48:4 - DIEM PROTESTANTA

⁴ Saingy fantatro fa maditra ianareo; miridiridy toy ny hoza-by ny hatokareo ary mafy toy ny varahina ny handrinareo.

Baiboly Protestanta Malagasy 2011

⁴ Satria fantatro fa maditra ianao ka hoza-by ny hatokao, ary varahina ny handrinao,

Dikateny Iombonana Eto Madagasikara

⁴ Saingy fantatro fa maditra ianareo; miridiridy toy ny hoza-by ny hatokareo ary mafy toy ny varahina ny handrinareo.

Baiboly Katolika

⁴ Noho ny fahalalako fa ianao dia mafy hatoka, ary anjam-by ny vozonao, sy varahina ny handrinao,

Baiboly Protestanta Malagasy

⁴ Satria fantatro fa maditra hianao, Ka oza-by ny hatokao, Ary varahina ny handrinao,

Malagasy Bible

⁴ Satria fantatro fa maditra ianao, ka ozaby ny hatokao, ary varahina ny handrinao,

La Bible en Malgache

⁴ Satria fantatro fa maditra ianao ka hoza-by ny hatokao, ary varahina ny handrinao,

Isaia 48:4 Rohy Ifampitohizana

2Mpanjaka 17:14

Nefa tsy nihaino izany izy roa tonta fa nanamafy hatoka tahaka ireo razany izay tsy nino ny TOMPO Andriamaniny.

2Tantara 30:8

Koa aza manamafy hatoka toy ny nataon’ny razanareo ianareo, fa manomeza toky hanompo ny TOMPO ka tongava ao amin’ny tempoliny izay efa natokany hanan-kasina mandrakizay; eny, manompoa ny TOMPO Andriamanitrareo mba hialan’ny fahatezerany mirehitra aminareo.

2Tantara 36:13

Nikomiany aza i Nebokadnetsara mpanjaka izay efa nampianiana azy tamin’Andriamanitra. Nanamafy hatoka sy fo izy mba tsy hiverenany amin’ny TOMPO Andriamanitr’i Israely.

Nehemia 9:28

Kanjo rehefa niadana izy, dia nanao ratsy teo anatrehanao indray; ary nafoinao izy ho eo an-tanan’ny fahavalony ka ireo no nanjakazaka taminy. Dia nitaraina taminao indray izy ka nohenoinao tany an-danitra; ary novonjenao imbetsaka izy satria be fiantra Ianao.

Salamo 75:5

Hoy aho aminareo mpirehareha hoe: «Aoka izay ny fireharehànareo!»; ary aminareo olon-dratsy hoe: «Aza miandranandrana intsony!

Salamo 78:8

Amin’izay ireto tsy hanahaka ireo razany izay taranaka naditra sy nikomy, taranaka nanana fo niovaova sy fanahy tsy natoky an’Andriamanitra.

Eksodosy 32:9

Ary hoy Izaho TOMPO taminao: «Hitako tsara io vahoaka io fa mafy hatoka.

Eksodosy 33:3

Amin’izay ianareo dia ho afaka hiditra amin’io tany izay tondra-dronono sy tantely io. Saingy tsy hiara-mandeha aminareo ny tenako, fandrao haringako eny an-dàlana ianareo satria vahoaka mafy hatoka.

Eksodosy 33:5

Ny TOMPO manko efa nandidy an’i Mosesy mba hilaza amin’ny Israelita hoe: «Vahoaka maditra mafy hatoka ianareo rehetra! Koa raha hiara-mandeha aminareo Aho, na dia indray mipi-maso aza, dia handevona anareo. Koa esory aminareo aloha ireo haingonareo, dia ho fantatro amin’izay ny hataoko aminareo.»

Eksodosy 9:7

Dia mamotopototra ny Farao, ka fantany fa tsy nisy maty tao amin’ny biby fiompin’ny Israelita na dia iray aza. Kanefa mbola nanamafy fo ihany ny Farao, ka tsy nandefa ny Israelita.

Ohabolana 29:1

Izay mafy hatoka tsy laitra anarina dia ho montsana tampoka tsy hisy fanafana.

Isaia 30:9

Fa vahoaka maditra izy ireo, zanaka mandainga, tsy mety mihaino ny fampianaran’ny TOMPO.

Isaia 46:12

Mihainoa Ahy ianareo, ry olona mafy fo izay mihevi-tena ho lavitra ny fanafahana:

Jeremia 19:15

«Izao no lazain’ny TOMPOn’izao rehetra izao sady Andriamanitr’i Israely: «Indro hataoko tonga amin’ity tanàna ity sy amin’ireo tanàna madinika manodidina azy ny loza rehetra izay nambarako hamelezana azy, satria nanamafy hatoka izy, ka tsy nihaino ny teniko.› »

Jeremia 3:3

Koa nosakanako tsy ho avy aminao ny oram-be sady tsy nisy koa ny oran-dohataona. Nefa nikiry hijangajanga ihany ianao fa tsy nety niaiky ny fahadisoanao.

Jeremia 5:3

TOMPO ô, moa tsy ny toe-panahy mahatoky ve no zavatra andrandrainao? Nokapohinao ny mponin’i Jerosalema, nefa tsy nahoany akory izany. Saika hofarananao ny aminy, nefa tsy nino anatra izy. Fa mafy loha toy ny vato izy, ka tsy nety niverina taminao.

Jeremia 7:26

Nefa tsy nihaino Ahy ianareo sady tsy niraharaha Ahy fa nanamafy hatoka sy nanao ratsy mihoatra noho ny razanareo aza.

Ezekiela 2:4

Ireo olona mafy loha sy be kirina ireo no anirahako anao, ka hitenenanao hoe: Izao no lazain’ny Tompo ANDRIANANAHARY.

Daniela 5:20

Kanjo nony niavonavona ny fony ary feno fireharehana ny fanahiny, dia naongana teo amin’ny seza fiandrianany izy ary nesorina taminy ny voninahiny.

Asan’ny Apostoly 7:51

Olona mafy hatoka, mpikomy sady mpanetsin-tadîny ianareo! Toherinareo lalandava ny Fanahy Masina; dia ny razanareo navela mihitsy ianareo.

Romana 2:5

Maditra ianao ary tsy mety mamerina ny fonao aminy, ka dia fahatezeran’Andriamanitra no avosanao ho an’ny tenanao. Fa ho avy ny andro hampisehoan’Andriamanitra ny fahatezerany sy hitsarany an-karihary ny olombelona ara-drariny,

Deoteronomia 10:16

Noho izany, aoka ny fonareo ho voatokana tanteraka ho an’ny TOMPO, fa aza mafy hatoka intsony ianareo.

Deoteronomia 31:27

Fantatro fa maditra sy mafy hatoka ireo; izao ankehitriny mbola velona eto aminy izao aza aho, dia efa nikomy tamin’ny TOMPO ireo, ka mainka rehefa maty aho.

Hebreo 3:13

Fa aoka ianareo hifampirisika isan’andro, dieny mbola misy ny hoe «anio» lazain’ny Soratra Masina, mba tsy hisy ho voafitaky ny fahotana ianareo ka ho tonga mafy fo.