Isaia 47:8 - DIEM PROTESTANTA

⁸ Ry tanàna tia fahafinaretana sady mipetraka tsy manana ahiahy, ianao miteny anakampo hoe: «Izaho dia tsy manan-tsahala! Tsy ho mpitondratena mihitsy aho ary tsy ho faty anaka na oviana na oviana.» Fa ankehitriny henoinao kosa izao:

Baiboly Protestanta Malagasy 2011

⁸ Koa mihainoa ankehitriny, ianao izay mihantahanta sady mipetraka tsy manana ahiahy ka miteny anakampo hoe: Izaho no izy, ary tsy misy hafa! Tsy mba hipetraka ho mpitondratena aho, na hahita fahafoanan’anaka!

Dikateny Iombonana Eto Madagasikara

⁸ Ry tanàna tia fahafinaretana sady mipetraka tsy manana ahiahy, ianao miteny anakampo hoe: «Izaho dia tsy manan-tsahala! Tsy ho mpitondratena mihitsy aho ary tsy ho faty anaka na oviana na oviana.» Fa ankehitriny henoinao kosa izao:

Baiboly Katolika

⁸ Fa ankehitriny, mihainoa, ry ilay nihantahanta, izay nipetraka tsy nanana ahiahy akory, sy nilaza tao am-ponao hoe: «Izaho ity, dia izaho irery ihany! tsy ho mpitondratena na oviana na oviana aho, na hofoanana anaka!»

Baiboly Protestanta Malagasy

⁸ Koa mihainoa, hianao izay mihantahanta Sady mipetraka tsy manana ahiahy Ka manao anakampo hoe: Izaho no izy, ary tsy misy hafa; Tsy hipetraka ho mpitondratena aho, Na hahita fahafoanan-anaka.

Malagasy Bible

⁸ Koa mihainoa, ianao izay mihantahanta sady mipetraka tsy manana ahiahy ka manao anakampo hoe: Izaho no izy, ary tsy misy hafa; tsy hipetraka ho mpitondratena aho, na hahita fahafoanan'anaka.

La Bible en Malgache

⁸ Koa mihainoa ankehitriny, ianao izay mihantahanta sady mipetraka tsy manana ahiahy ka miteny anakampo hoe: Izaho no izy, ary tsy misy hafa! Tsy mba hipetraka ho mpitondratena aho, na hahita fahafoanan’anaka!

Isaia 47:8 Rohy Ifampitohizana

Isaia 14:14

Hiakatra eny an-tampon’ny rahona aho ka hitovy amin’Andriamanitra Avo Indrindra.»

Isaia 32:11

Mangovita ianareo mitoredretra matahora ianareo tsy rototra. Esory avokoa ny fitafianareo, ka lamba fisaonana no isikino.

Isaia 32:9

Ry andriambavilanitra mitoredretra, mitsangàna hihaino ahy, ry tovovavy tsy rototra, tandremo izay hambarako!

Isaia 45:18

Ny TOMPO no nahary ny lanitra, Izy no Andriamanitra namorona ny tany ka namolavola sy nanamafy azy, nefa tsy nahary azy ho foana fa nanao azy mba honenana. Io Tompo io dia indro milaza hoe: «Izaho no TOMPO, ary tsy misy hafa.»

Isaia 45:5

Izaho no TOMPO fa tsy misy hafa; tsy misy Andriamanitra afa-tsy Izaho. Nampisikiniko hery ianao hiasa na dia tsy mahalala Ahy akory aza,

Isaia 45:6

mba hahafantarana eran-tany hatrany atsinanana ka hatrany andrefana fa ankoatra ny tenako dia zava-poana. Izaho no TOMPO fa tsy misy hafa.

Isaia 47:10

Natoky ireo ody ratsy fanefitrao ianao, ka nanao hoe: «Tsy misy mahita ahy.» Nefa ny fahendrena sy ny fahalalana nihamboanao hananana ihany no nampivadika atidoha anao, ka nampiteny anao anakampo hoe: «Izaho dia tsy manan-tsahala!»

Jeremia 49:31

Mitsangàna ianareo, hoy ny teny hentitry ny TOMPO, ka miakara hamely firenena tsy manana ahiahy fa mihevitra ho miaina am-pilaminana, ka tsy manana varavarana na hidy sady mitoka-monina.

Jeremia 50:11

Mahazo mifaly sy miravo ianareo izao, ry mpamotika ny fananako! Mahazo mifalihavanja ianareo toy ny vantotr’ombivavy eny amin’ny ahi-maitso sy afa-mikiaka toy ny soavaly mpihazakazaka.

Jeremia 51:53

Na dia hisondrotra any an-danitra aza i Babilôna ka hanao ny fiarovany ho avo tsy azo anihina, dia ny baikoko no hahatraran’ny mpandrava azy hoy ny teny hentitry ny TOMPO.

Ezekiela 16:49

Ireto monja no hany fahadisoany: niaina tamin’ny avonavona sy ny fihinanam-be ary ny toetra bonaika tsy miraika izy fa tsy namonjy ny mahantra sy ny fadiranovana.

Ezekiela 28:2

«Ry ilay taranak’olombelona, ambarao amin’ny mpanjakan’i Tiro fa izao no lazain’ny Tompo ANDRIANANAHARY: ‹Fo miavonavona no nilazanao ny tenanao ho andriamanitra sady mipetraka amina sezafiandrianana mendrika an’ireo andriamanitra, dia sezafiandrianana eo anivon-dranomasina. Nihevi-tena ho mitovy amin’ireo andriamanitra ianao nefa olombelona ihany fa tsy andriamanitra akory.

Ezekiela 30:9

Amin’izany andro handravako an’i Ejipta izany, dia hisy iraka avy amiko handeha an-tsambo hampandre ny Etiôpianina; ka izy no hampatahotra sy hampangorohoro ny Etiôpianina izay mitoetra tsy manahy. Eny, indro avy izany andro izany.

Daniela 11:36

«Ary ny mpanjaka hanao araka izay sitrapony; dia hanandra-tena sy hihevi-tena ho ambonin’ny andriamanitra rehetra ka hiteny zava-mampivarahontsana hanohitra an’ilay Andriamanitry ny andriamanitra. Ary hanam-pahombiazana izy ambara-pihatran’ny fahatezeran’Andriamanitra, satria ho tanteraka izay efa voatendry.

Daniela 4:22

Horoahina hiala amin’ny olombelona ianao, dia hiara-mipetraka amin’ny biby eny an-tsaha, hihinana ahitra tahaka ny omby ary ho kotsan’ny ando! Fito taona no haharetan’izany aminao, mandra-piekenao fa ny Avo Indrindra no manapaka amin’ny fanjakan’ny olombelona ka manome izany ho an’izay tiany.

Daniela 4:27

ary niteny izy ka nanao hoe: –Tsy ity moa ilay Babilôna lehibe izay naoriko ho fonenan’andriamanjaka? Porofo izao fa lehibe ny heriko izao ary heni-boninahitra ny fiandrianako.

Daniela 4:30

Niaraka tamin’izay dia tanteraka tamin’i Nebokadnetsara izany teny izany: Noroahina niala tamin’ny olombelona izy ka nihinana ahitra toy ny omby, ary kotsan’ny ando ny tenany, hany ka ny volon-dohany dia tonga lava toy ny an’ny voromahery ary ny hohony dia tonga nifaraingo toy ny an’ny vorona.

Daniela 4:4

Vao niditra ny mpanao majika aman-tsikidy sy ny mpanandro ary ny ombiasy, dia nambarako teo anatrehany ny nofiko, nefa tsy nisy afaka nampahafantatra ahy ny heviny ireo.

Daniela 5:23

Fa nihantsy ny Tompon’ny lanitra ianao, raha nampaka ny tsatokaty voababo tao an-tempoliny ho eo anatrehanao; ka ny tenanao sy ny olo-manan-kajanao ary ireo vadinao mbamin’ny vaditsindranonao no nisotro divay taminy. Nankalazainao ireo andriamanitra volafotsy sy volamena, halimo sy vy ary vato aman-kazo izay tsy mahita na mandre na mahalala akory, fa ilay Andriamanitra Izay mihazona ny ainao sy miahy ny lalanao rehetra kosa tsy mba nomenao voninahitra.

Daniela 5:30

Tamin’io alina io ihany dia novonoina ho faty i Belsatsara mpanjakan’i Babilôna.

Nahoma 1:10

Tahaka ny tsilo misafotofoto ry zareo izay miboboka mandra-pahamamony ka ho levon’ny afo toy ny ahi-maina.

Nahoma 3:4

Fatra-pijangajanga i Ninive, ilay mpivarotena bikana sy kinga amin’ny fanangolena, sady nangeja vahoaka sy firenena tamin’ny fijangajangana sy ny ody fitia.

Habakoka 1:7

Mahatsiravina sy mahatahotra izy, fa ny tenany ihany no fenitra ipoiran’ny zony amam-pahefàny.

Zefania 2:15

Izany no hiafaran’ilay tanàna fatra-pirehareha, sady niaina tamim-pilaminana ary nihevi-tena ho tsy manan-tsahala. Indrisy, efa tonga lao izy izao ary fierem-biby! Izay rehetra mandalo eo akaikiny dia hisioka sy hanakifi-tanana ho fanesoana azy.

2Tesaloniana 2:4

Hijoroan’ilay mpanao ratsy ho fahavalo sady hotoheriny avokoa izay rehetra ataon’ny olona ho andriamanitra na izay rehetra toloran’ny olona fanompoam-pivavahana; hidirany sy hipetrahany hatramin’ny tempolin’Andriamanitra aza, ka ny tenany no hanora-tena ho Andriamanitra.

Mpitsara 18:27

Nalain’ireo Danita ny sampy nataon’i Mikà sy ny mpisorony, dia lasa izy nanafika an’i Laîsy; ka naringany tamin-tsabatra ny mponina tao izay nandry feizay tsy nanana ahiahy, ary nodorany ny tanàna.

Mpitsara 18:7

Koa nanohy ny diany izy dimy lahy ary tonga tany Laîsy. Hitany fa nilamina ny mponina tao, ka nandry feizay sy tsy manana ahiahy tahaka ny Tsidônianina. Tsy nanana hokianina amin’izay mpitondra azy ny olona. Fa niaina lavitra ny Tsidônianina ireo olona ireo ary tsy niankina tamin’i Arama.