Isaia 47:7 - DIEM PROTESTANTA

⁷ Nihambo haharitra mandrakizay ianao ka ho tompovavin’izao tontolo izao hatrany, fa tsy noeritreretinao akory izay niseho ary tsy noheverinao akory izay ho avy aoriana.

Baiboly Protestanta Malagasy 2011

⁷ Ary hoy ianao: Ho tompovavy mandrakizay aho! Tsy nandatsaka am-po izany zavatra izany ianao, na nitsapa izay hiafarany.

Dikateny Iombonana Eto Madagasikara

⁷ Nihambo haharitra mandrakizay ianao ka ho tompovavin’izao tontolo izao hatrany, fa tsy noeritreretinao akory izay niseho ary tsy noheverinao akory izay ho avy aoriana.

Baiboly Katolika

⁷ Ary hoy ianao: «Tompovavy ho amin’ny mandrakizay aho!» ka dia tsy mba nandinika izany akory ianao, na mba nitsapa izay hiafaran’izany rehetra izany.

Baiboly Protestanta Malagasy

⁷ Ary hoy hianao: Ho tompovavy mandrakizay Aho; Ka dia tsy nandatsaka am-po izany zavatra izany hianao, Na nitsapa izay hiafarany.

Malagasy Bible

⁷ Ary hoy ianao: Ho tompovavy mandrakizay Aho; ka dia tsy nandatsaka am-po izany zavatra izany ianao, na nitsapa izay hiafarany.

La Bible en Malgache

⁷ Ary hoy ianao: Ho tompovavy mandrakizay aho! Tsy nandatsaka am-po izany zavatra izany ianao, na nitsapa izay hiafarany.

Isaia 47:7 Rohy Ifampitohizana

Eksodosy 7:23

Lasa nody ny Farao, dia nankao an-tranony fa tsy nahoany akory io raharaha io.

Isaia 42:25

Koa nazeran’ny TOMPO tamin’ny vahoaka Israely ny fahatezerany mirehitra sy ny ady mangotraka. Nandoro ny faritra manodidina an’i Israely izany, saingy tsy fantany velively; nandoro tao anatiny mihitsy aza izany, nefa tsy nahoany akory.

Isaia 47:5

Mipetraha mangina ianao ary misitriha any amin’ny maizina, ry renivohitry ny Kaldeanina, satria ianao tsy hantsoina intsony hoe: «tompovavin’ny fanjakana maro».

Isaia 57:1

Levona ny olo-marina nefa tsy misy miraharaha izany; alaina an-keriny ny olom-banona nefa tsy misy miraika amin’izany. Eny, ny famelezan’ny mpisompatra no akàna an-keriny ny olo-marina.

Isaia 57:11

Fa iza no nahînao sy natahoranao no dia namadika Ahy ianao, ka tsy nahatsiaro Ahy intsony sy nandroaka Ahy tao am-ponao? Efa nangina hatrỳ ny ela Aho, ka izany angaha no tsy anajanao Ahy?

Jeremia 5:31

maminany lainga ny mpaminany, mitady ny tombontsoany ny mpisorona, ary ny vahoakako mankasitraka izany. Koa rehefa tonga ny farany, inona kosa no hataonareo?

Fitomaniana 1:9

Ny lotony dia eo amin’ny akanjony; tsy nahatsinjo ny hoavy izy ka gaga noho ny fietreny toy izao, tsy misy mampahery azy akory. «TOMPO ô, jereo ity fahoriako, hoy izy, fa mirehareha ny fahavaloko!»

Ezekiela 28:2

«Ry ilay taranak’olombelona, ambarao amin’ny mpanjakan’i Tiro fa izao no lazain’ny Tompo ANDRIANANAHARY: ‹Fo miavonavona no nilazanao ny tenanao ho andriamanitra sady mipetraka amina sezafiandrianana mendrika an’ireo andriamanitra, dia sezafiandrianana eo anivon-dranomasina. Nihevi-tena ho mitovy amin’ireo andriamanitra ianao nefa olombelona ihany fa tsy andriamanitra akory.

Ezekiela 29:3

Ambarao aminy fa izao no lazain’ny Tompo ANDRIANANAHARY: «Hirotsaka hamely anao Aho, ry Farao mpanjakan’i Ejipta, fa toy ny fanano goavana mamitsaka eo afovoan’ireo sakeli-dranon’i Neily ianao. Nolazainao fa anao io ony io satria ianao no namorona azy.

Ezekiela 7:2

«Mihainoa ianao, ry ilay taranak’olombelona. Izaho Tompo ANDRIANANAHARY dia milaza izao amin’ny tanin’i Israely: «Injao no farany; mby akaiky ny farany ho an’ny vazan-tany efatra eo aminao tokoa ry tanin’i Israely.

Daniela 4:29

Horoahina hiala amin’ny olombelona ianao, dia hiara-mipetraka amin’ny biby eny an-tsaha, ary hihinana ahitra tahaka ny omby. Fito taona no haharetan’izany aminao, mandra-piekenao fa ny Avo Indrindra no manapaka amin’ny fanjakan’olombelona, ka manome izany ho an’izay tiany.

Daniela 4:4

Vao niditra ny mpanao majika aman-tsikidy sy ny mpanandro ary ny ombiasy, dia nambarako teo anatrehany ny nofiko, nefa tsy nisy afaka nampahafantatra ahy ny heviny ireo.

Deoteronomia 32:29

Raha mba hendry ireo dia ho nahalala izao sy ho nahafantatra ny hiafarany:

Apokalipsy 18:7

toraka izay nitiavany voninahitra sy filibana no anomezo azy fanaintainana sy fisaonana. Fa izao no lazain’io tanàna io anakampony: ‹Mipetraka toy ny mpanjakavavy aho fa tsy mpitondratena, ka lavitra ahy raha izay fisaonana!›