Isaia 47:6 - DIEM PROTESTANTA

⁶ Tezitra mafy tamin’ny vahoakako Aho, ka navelako hovetavetaina ilay anjara fananako. Natolotro teo an-tananao izy, kanefa tsy mba namindranao fo fa nampitondrainao zioga mavesatra hatramin’ny be antitra aza.

Baiboly Protestanta Malagasy 2011

⁶ Tezitra tamin’ny oloko Aho, navelako holotoina ny lovako ka natolotro ho eo an-tananao izy; tsy mba namindranao fo izy, fa na ny antitra aza dia nasianao zioga tena mavesatra.

Dikateny Iombonana Eto Madagasikara

⁶ Tezitra mafy tamin’ny vahoakako Aho, ka navelako hovetavetaina ilay anjara fananako. Natolotro teo an-tananao izy, kanefa tsy mba namindranao fo fa nampitondrainao zioga mavesatra hatramin’ny be antitra aza.

Baiboly Katolika

⁶ Efa tezitra tamin’ny vahoakako Aho, ka navelako hozimbaina ny lovako, dia natolotro ho eo an-tananao izy. Tsy nanananao antra izy; nasianao jioga mavesatra mbamin’ny antitra.

Baiboly Protestanta Malagasy

⁶ Tezitra tamin’ny oloko Aho; Navelako holotoina ny lovako, Ka natolotro ho eo an-tànanao izy,– Tsy mba namindranao fo izy, Fa na dia ny antitra aza dia nasianao zioga mavesatra dia mavesatra.

Malagasy Bible

⁶ Tezitra tamin'ny oloko Aho; navelako holotoina ny lovako, ka natolotro ho eo an-tananao izy, tsy mba namindranao fo izy, fa na dia ny antitra aza dia nasianao zioga mavesatra dia mavesatra.

La Bible en Malgache

⁶ Tezitra tamin’ny oloko Aho, navelako holotoina ny lovako ka natolotro ho eo an-tananao izy; tsy mba namindranao fo izy, fa na ny antitra aza dia nasianao zioga tena mavesatra.

Isaia 47:6 Rohy Ifampitohizana

2Samoela 24:14

Ary hoy i Davida tamin’i Gada: –Sanganehana mafy aho; nefa aleoko ho azon’ny tanan’ny TOMPO, toy izay ho azon’ny tanan’olona, satria lehibe tokoa ny famindrampon’ny TOMPO.

2Tantara 10:11

Raha nampitondra zioga mavesatra anareo ny raiko, izaho kosa vao mainka hanampy trotraka izany; karavasy tsotra no namaizan-draiko anareo, fa karavasy misy faraingo kosa no hamaizako anareo.»

2Tantara 28:9

Nisy mpaminanin’ny TOMPO tao Samaria, ary Hôbeda no anarany. Niainga hitsena ny miaramila israelita tavaratra izay niditra ny tanàna izy, ka nanao taminy hoe: –Indro fa tezitra mafy tamin’ny Jodeanina tokoa ny TOMPO Andriamanitry ny razanareo, ka nanolotra azy ho eo an-tananareo. Kanefa nisafoaka diso tafahoatra ianareo fony namono nahafaty azy, hany ka nanaka-danitra ny akon’izany.

2Tantara 36:17

Ny mpanjakan’ny Babilônianina no nentin’ny Tompo namely ny vahoakany sy namono nahafaty ny miaramilany tamin’ny sabatra hatrany an-tempoliny mihitsy aza, ka tsy nisy olona nangorahan’io mpanjaka io, na tovolahy na tovovavy na ny olon-dehibe na ny antitra; eny, natolotr’Andriamanitra teo an-tanan’i Nebokadnetsara avokoa ny zava-drehetra.

2Tantara 36:20

Ny olona sisa tsy matin-tsabatra dia nentin’i Nebokadnetsara ho babo tany Babilôna, ka tonga nanompo azy sy ny zanany ireny mandra-piavin’ny fanjakàn’i Persia.

Ezra 5:12

Kanefa ny nampahatezeran’ireo razanay an’Ilay Andriamanitry ny lanitra no nanolorany azy ho eo an-tanan’i Nebokadnetsara ilay Kaldeanina mpanjakan’i Babilôna. Nandrava io trano io i Nebokadnetsara sady nitondra ny olona ho babo tany Babilôna;

Salamo 69:26

Aoka ho rava ny tobiny ary tsy hisy mpitoetra ny lainy,

Isaia 10:6

Nirahiko izy hamely firenena tsy mpivavaka ary nalefako hamely vahoaka ratsy fanahy mba handroba sy hanangona babo avy aminy, ka hanosihosy azy toy ny fotaka eny an-dalambe.

Isaia 13:16

Hotorotoroina eo imasony ny zanany madinika ary horobaina ny tranony sady hosavihina ny vadiny.

Isaia 14:17

nanova izao tontolo izao ho taniefitra fa sady nandrava tanàna no tsy nandefa ireo gadra hody!»

Isaia 14:6

izay nikapoka ny vahoaka tamim-pahavinirana; nikapoka azy tsy an-kiato izy ka namolaka azy tamim-pahatezerana sady nanenjika azy tsy nisy indrafo.

Isaia 43:28

Koa dia nataoko afa-baràka ireo mpiandraikitra ny Toeramasina, natolotro haringana ny firenen’i Jakôba ary navelako holatsaina ny vahoaka Israely.

Jeremia 50:42

Mampirangaranga tsipîka sy lefona ireo miaramilany lozabe sady tsy mamindra fo. Mirohondrohona toy ny ranomasina ny feony. Mitaingin-tsoavaly izy, ary milahatra toy ny andian-tafika hiady mba hamely anao, ry Babilôna!

Fitomaniana 1:14

Arahiny maso ny fahotako izay toy ny vona eo an-tanany; mitambesatra eo am-bozoko ny ziogan’ny Tompo, ka nampiketraka ny heriko; natolony eo an-tanam-pahavalo aho ka tsy afa-manohitra ireny.

Fitomaniana 1:21

Henon’ny firenena manodidina fa misento aho; nefa tsy misy mampionona ahy. Henon’ny fahavaloko rehetra ny lozako; ka nahafaly azy ny nampiharinao tamiko. Ataovy tonga ilay andro nambaranao; dia aoka hihatra aminy koa izay nanjo ahy!

Fitomaniana 2:2

Naripaky ny Tompo tsy nisy indrafo avokoa ny fonenan’ireo taranak’i Jakôba. Noravany tam-pahavinirana ny tanànamimandan’i Joda. Nazerany amin’ny tany sy nalany baràka ny fanjakana sy ny mpitondrany.

Fitomaniana 4:16

Ny TOMPO mihitsy no nampiely azy fa tsy te hahita azy intsony. Koa tsy nohajaina ny mpisorona ary tsy niantrana ny zokiolona.

Fitomaniana 5:12

Nahantona tamin’ny tanany ireo mpitondra; ary tsy mba nohajaina ny zokiolona.

Ezekiela 24:21

hanambara aminareo Israelita fa izao no lazain’ny Tompo ANDRIANANAHARY: ‹Havelako holotoina ny toerako masina izay fireharehànareo fatratra sy fifalian’ny masonareo ary fanantenàm-piainanareo. Ny zanakareo lahy sy vavy, izay tafajanona ao Jerosalema, dia ho fatin’ny sabatra.

Ezekiela 28:16

Ny fandrosoan’ny varotrao no nampihanaka ny herisetra teo anivonao sy nampanota anao. Koa dia aetriko ho sarambabembahoaka ianao ary roahiko tsy ho eo amin’ilay tendrombohitr’Andriamanitra. Ny kerobima mpiaro no mandroaka anao lavitr’ireo vato manjelanjelatra.

Obadia 1:10

«Noho ny taranak’i Jakôba rahalahinao efa nisetrasetranao sy novonoinao, dia ho safo-kenatra sy haringana mandrakizay ianao!

Obadia 1:16

«Ianareo, ry Israelita, dia efa nisotro ny fahatezerako teo an-tendrombohitro masina; toy izany koa no hisotroan’ny firenena azy tsy an-kiato: eny, hisotro ny fahatezerako izy ka hivembena, ary dia ho fongana toy ny tsy nisy akory.

Zakaria 1:12

Dia hoy ilay anjely hoe: «Ry TOMPOn’izao rehetra izao ô, indro fitopolo taona izao no nirehetan’ny fahatezeranao tamin’i Jerosalema sy tamin’ny tanàna hafa ao Joda. Mandra-pahoviana no mbola tsy hamindranao fo amin’izy ireo?»

Zakaria 1:15

kanefa kosa mirehi-pahatezerana mafy amin’ireo firenen-kafa matoky tena loatra; satria fony Aho mbola tezitra kely tamin’i Israely, no nampitombo fahoriana azy kosa ireo.

Matio 7:2

fa araka izay fomba hitsaranareo olona ihany no hitsaran’Andriamanitra anareo koa, ary araka izay fomba hamaranareo ho an’ny olona ihany no hamaran’Andriamanitra ho anareo koa.

Deoteronomia 28:50

dia firenena masiaka endrika, tsy hanaja ny antitra na hiantra ny tanora,

Jakoba 2:13

satria fitsarana tsy misy indrafo no hataon’Andriamanitra amin’izay tsy namindra fo; ny famindrampo kosa afa-mirehareha tsy matahotra ny fitsarana.