Isaia 41:2 - DIEM PROTESTANTA

² Tsy Izaho ve no nampipoitra ilay Mpanafaka avy any atsinanana any, ka niantso azy hanainga ny diany, sy nampilavo lefona ny firenena teo anatrehany ary nampilefitra ireo mpanjaka? Nataon’ny sabany lasa vovoka ireny ary naelin’ny zana-tsipîkany toy ny akofa entin’ny rivotra.

Baiboly Protestanta Malagasy 2011

² Iza no nanaitra avy any atsinanana ilay nomban’ny fahamarinana tamin’ny diany rehetra? Iza no nanolotra ny firenena ho eo anatrehany, ary nampietry mpanjaka? Iza no nanao ny sabany ho tahaka ny vovoka, sy ny tsipìkany ho tahaka ny mololo paohin’ny rivotra?

Dikateny Iombonana Eto Madagasikara

² Tsy Izaho ve no nampipoitra ilay Mpanafaka avy any atsinanana any, ka niantso azy hanainga ny diany, sy nampilavo lefona ny firenena teo anatrehany ary nampilefitra ireo mpanjaka? Nataon’ny sabany lasa vovoka ireny ary naelin’ny zana-tsipîkany toy ny akofa entin’ny rivotra.

Baiboly Katolika

² «Iza no nampiakatra avy any atsinanana an’ilay ifanenan’ny fahamarinana. ny diany? Iza no nanolotra azy an’ireo firenena, sy nampanaiky azy an’ireo mpanjaka? Mampanjary ny sabany ho vovoka Izy; ary ataony tonga sahala amin’ny akofa entin-drivotra ny tsipìkany.

Baiboly Protestanta Malagasy

² Iza no nanaitra avy any atsinanana Ilay nomban’ny fahamarinana tamin’ny diany rehetra, Ary nanolotra ny firenena ho eo anatrehany, ka nampanapahiny ireo mpanjaka izy? Iza no nanao ny sabany ho tahaka ny vovoka, Ary ny tsipìkany ho tahaka ny vodivary voapaoka?

Malagasy Bible

² Iza no nanaitra avy any atsinanana ilay nomban'ny fahamarinana tamin'ny diany rehetra, ary nanolotra ny firenena ho eo anatrehany, ka nampanapahiny ireo mpanjaka izy? Iza no nanao ny sabany ho tahaka ny vovoka, ary ny tsipìkany ho tahaka ny vodivary voapaoka?

Isaia 41:2 Rohy Ifampitohizana

Genesisy 11:31

Ary nentin’i Tera i Abrama zanany lahy sy i Lôta zafikeliny sady zanakalahin’i Haràna. Nentiny koa i Saray vinantovaviny, vadin’i Abrama. Dia niala tao Ora any Babilônia ireo ka nankany amin’ny tany Kanahàna. Tonga hatrany Haràna izy ary nonina tao.

Genesisy 17:1

Rehefa feno 99 taona i Abrama, dia nisehoan’ny TOMPO ka nitenenany hoe: –Izaho no Andriamanitra Tsitoha; aoka handeha eo anatrehako ianao sady tsy hanan-tsiny;

2Samoela 22:43

Kosehiko toa vovoka entin-drivotra ireny; hoseko toy ny fotaka eny an-dalam-be.

2Mpanjaka 13:7

Tamin’ny farany ny tafik’i Jôahaza dia tsy nisy afa-tsy mpitaingin-tsoavaly dimampolo sy kalesy folo ary miaramila mpandeha an-tongotra antokony folo; fa maro taminy no efa naringan’ny mpanjakan’i Siria sy nataony ho toy ny vovoka hohitsahin’ny olona.

2Tantara 36:23

«Izao no lazain’i Kirôsa amperôran’i Persia: Ny TOMPO Andriamanitry ny lanitra dia efa nanome ahy ny fanjakana rehetra ambonin’ny tany ary efa nandidy ahy hanorina tempoly ho Azy any Jerosalema, izay ao amin’ny tanin’i Joda. Koa aoka ianareo rehetra izay anisan’ny vahoakan’ny TOMPO mba hiakatra any Jerosalema! Hiaraka aminareo anie ilay TOMPO Andriamanitrareo!»

Ezra 1:2

«Izao no lazain’i Kirôsa amperôran’i Persia. Ny TOMPO Andriamanitry ny lanitra dia efa nanome ahy ny fanjakana rehetra ambonin’ny tany ary efa nandidy ahy hanorina tempoly ho Azy any Jerosalema, izay ao amin’ny tanin’i Joda.

Isaia 40:24

Vao tonga eo amin’ny toerany ireny, vao manomboka miely patrana, vao miorim-paka amin’ny tany, dia tsofin’ny fofonain’ny TOMPO ka mihamalazo; ary indreny fa voapaoka toy ny mololo indaosin’ny tadio.

Isaia 41:25

Avy any avaratra no napoitrako ity lehilahy anankiray, ka dia tonga tokoa izy; avy any amin’ny fiposahan’ny masoandro no hanononana ny anarany. Dia hanosihosy ny mpitondra toy ny fanosy fotaka izy, na toy ny fanaon’ny mpanefy mihosihosy tanimanga.

Isaia 41:3

Nanenjika ireny izy, ka tsy nandia tany akory no namakivaky soamantsara ny laharany.

Isaia 42:6

«Izaho TOMPO no niantso anao araka ny fahamarinana ka nitantana anao. Izaho no niaro anao ka nanendry anao ho antoky ny fanekempihavanako amin’ny olona ary koa ho fahazavan’ireo firenena.

Isaia 45:1

Izao no lazain’ny TOMPO amin’ilay nohosorany, dia i Kirôsa: «Tohanako ianao mba handresy ny firenen-kafa sy hanaisotra ny fahefàn’ny mpanjaka ka hivoha eo anatrehanao ireo vavahadin’ny tanàna nihidy.

Isaia 45:13

Izaho koa no nampipoitra io lehilahy io mba hitondra fanafahana ary Izaho no hanitsy ny lalany rehetra. Izy no hanangana indray an’i Jerosalema tanànako sy handefa ny oloko izay babo, nefa tsy hampandoa vola na tamby, hoy aho TOMPOn’izao rehetra izao.»

Isaia 46:11

Toy ny vorona mpihaza avy any atsinanana, avy any an-tany lavitra any, no niantsoako ilay lehilahy izay hanatanteraka ny fikasàko. Fikasàna noteneniko izany sady hotanterahiko, fikasana novolavolaiko sady hotontosaiko.

Isaia 48:15

Izaho, eny, Izaho no niteny; Izaho mihitsy no niantso azy ka nanao izay hahatongavany sy hampahomby izay hataony.

Fitomaniana 1:15

Nailikiliky ny Tompo ireo maheriko rehetra. Nanainga andian-tafika iray Izy hamely ahy mba afaka hanamontsana ireo zatovoko. Nohosihosen’ny Tompo toy ny voaloboka am-pamiazana aho, dia izaho Tsiôna, ilay tsara tarehin’i Joda.

Hebreo 7:1

Io Melkitsedeka io dia mpanjakan’i Salema ary mpisoron’ilay Andriamanitra avo indrindra. Fony i Abrahama niverina avy nandresy mpanjaka maro, dia i Melkitsedeka no nitsena azy sy nitsodrano azy;

Apokalipsy 16:12

Dia nandraraka ny tao an-doviany tamin’i Eofrata, ony lehibe, ny anjely fahenina; ka ritra ny ranony, hanomanan-dalana ho an’ny mpanjaka avy any atsinanana.

Apokalipsy 7:2

Ary hitako nisy anjely iray hafa koa niakatra avy any atsinanana sady nitana ny tombokasen’ilay Andriamanitra velona. Dia niantso tamin’ny feo mahery an’ireo anjely efatra navela hanimba ny tany aman-dranomasina io anjely io