Isaia 34:3 - DIEM PROTESTANTA

³ Izay voavono dia hariam-potsiny ka hamofona maimbo ny fatiny; ary handriaka ra ny tendrombohitra.

Baiboly Protestanta Malagasy 2011

³ Izay voavono amin’ireo dia hariana ka hamofona ny hamaimbon’ny fatiny, ary hiempo ny tendrombohitra azon’ny rany.

Dikateny Iombonana Eto Madagasikara

³ Izay voavono dia hariam-potsiny ka hamofona maimbo ny fatiny; ary handriaka ra ny tendrombohitra.

Baiboly Katolika

³ Ny maty amin’izy ireo hariana, ny fatiny hitera-pofona maimbo, ary hiempo azon’ny rany ny tendrombohitra.

Baiboly Protestanta Malagasy

³ Ary izay voavono amin’ireo dia hariana, Ka hamofona ny hamaimbon’ny fatiny, Ary ny tendrombohitra hiempo azon’ny rany.

Malagasy Bible

³ Ary izay voavono amin'ireo dia hariana, ka hamofona ny hamaimbon'ny fatiny, ary ny tendrombohitra hiempo azon'ny ràny.

La Bible en Malgache

³ Izay voavono amin’ireo dia hariana ka hamofona ny hamaimbon’ny fatiny, ary hiempo ny tendrombohitra azon’ny rany.

Isaia 34:3 Rohy Ifampitohizana

Isaia 10:4

Izao ihany no azonareo atao: hitanondrika miaraka amin’ireo babo na hidaboka miaraka amin’ireo maty. Saingy, na teo aza izany rehetra izany, dia mbola tsy afaka ny fahatezeran’ny TOMPO fa mihinji-tanana mandrahona ihany Izy.

Isaia 34:7

Voaripaka miaraka amin’ireo koa ny ombimanga mbamin’ny vantotr’omby sy ny ombilahy ka vonton-dra ny tanin’ny Edômita ary mihosi-menaka ny vovo-taniny.

Isaia 66:24

Ary raha sendra misy mivoaka ny tanàna, dia hahita ny fatin’ny olona izay nikomy tamiko; fa ny kankana mihinana azy tsy ho faty, ary ny afo mandoro azy tsy ho levona, ka hahatsiravina ny olona rehetra ireo.»

Jeremia 22:19

Halevina toy ny fandevina boriky izy; ka ny fatiny hotaritarihina sy hariana any ivelan’ny vavahadin’i Jerosalema.

Jeremia 25:33

Amin’izany andro izany, manomboka amin’ny tendron-tany ankilany ka hatrany amin’ny tendron-tany andaniny, izay nasian’ny TOMPO ho faty dia tsy hisaonana; tsy hangonina na halevina izy ireny, fa ho tonga zezika eo amin’ny velaran-tany.

Ezekiela 14:19

«Na koa handefasako areti-mandringana amin’izany tany izany, ka io areti-mandoza mandringana olona sy biby fiompy io no hanehoako ny fahatezerako aminy.

Ezekiela 32:4

Hatsipitsipiko eny an-tanety ary hazerazerako eny an-tsaha ianao, dia hampitangoronako ny voromanidina isan-karazany ianao ary homeko hivokisan’ny bibidia rehetra amin’ny tany.

Ezekiela 35:6

Noho izany, velona Izaho Tompo ANDRIANANAHARY ka manao teny hentitra sy mianiana fa hampihosin-dra anao Aho satria fandatsahan-dra no setry hanjohy anao. Noho ianao tsy niahotra nandatsa-dra, dia fandatsahan-dra no setry hanjohy anao.

Ezekiela 38:22

Hofaiziko amin’ny areti-mifindra sy amin’ny fandringanana ianao. Harotsako aminao sy amin’ny tafikao ary amin’ireo firenena maro mpomba anao ny oram-be mivatravatra sy ny havandra arahina solifara mivaivay.

Ezekiela 39:11

«Ary amin’ny andro hahatongavan’izany, dia homeko toerana iray handevenana azy any Israely i Gôga, dia ny lohasahan’ny mpandalo ao atsinanan’ny Ranomasina Maty; ka hisakan-dalana ny mpandalo izany fandevenana azy eo izany. Any no handevenana an’i Gôga sy ny tafiny marobe manontolo. Ary hantsoina hoe «Lohasahan’ny tafika maroben’i Gôga» io toerana io.

Ezekiela 39:4

Ho faty miampatrampatra eny an-tendrombohitr’i Israely ianao sy ny tafikao manontolo ary ireo firenena maro mpomba anao. Homeko hohanin’ireo vorona mpihaza isan-karazany sy ny bibidia ny fatinareo.

Joela 2:20

Horoahiko lavitra anareo ny fahavalonareo avy any avaratra ka halefako any an-taniefitra sy karankaina; any amin’ny Ranomasina Maty no hazerako ny lohalalany, ary any amin’ny Ranomasina Mediteranea no hatsipiko ny vodilalany. Fofon-dratsy no hiakatra avy amin’ny fatin’ireo ka hanamaimbo ny rivotra. Eny, zava-dehibe toy izany no nataon’ny TOMPO taminareo.

Amosa 4:10

Nalefako teo aminareo ny pesta mpamely biby fiompy tahaka ny pesta nalefako tany Ejipta; novonoiko ho faty tamin’ny sabatra ny zatovolahinareo, sady nobaboina koa ny soavalinareo; ary nampiakariko hatrany am-bavoronareo ny hamaimbon’ny faty ao an-tobinareo; nefa tsy niverina tamiko ihany ianareo; teny hentitry ny TOMPO izany.

Nahoma 3:3

He, miantsambotra ny mpitaingin-tsoavaly, mamirapiratra ny sabatra, manjelanjelatra ny lefona! Betsaka ny maratra! Fatin’olona no miampatrampatra tsy hita isa sy mamingana hatraiza hatraiza!

Apokalipsy 14:20

Nohosena ny famiazana izay ivelan’ny tanàna; ka nivoaka ra ny famiazana, dia ra nitobaka hatrany amin’ny telonjato kilaometatra ary nahatratra iray metatra sy sasany ny halaliny.