Isaia 34:3 - Baiboly Katolika

³ Ny maty amin’izy ireo hariana, ny fatiny hitera-pofona maimbo, ary hiempo azon’ny rany ny tendrombohitra.

Baiboly Protestanta Malagasy 2011

³ Izay voavono amin’ireo dia hariana ka hamofona ny hamaimbon’ny fatiny, ary hiempo ny tendrombohitra azon’ny rany.

DIEM PROTESTANTA

³ Izay voavono dia hariam-potsiny ka hamofona maimbo ny fatiny; ary handriaka ra ny tendrombohitra.

Dikateny Iombonana Eto Madagasikara

³ Izay voavono dia hariam-potsiny ka hamofona maimbo ny fatiny; ary handriaka ra ny tendrombohitra.

Baiboly Protestanta Malagasy

³ Ary izay voavono amin’ireo dia hariana, Ka hamofona ny hamaimbon’ny fatiny, Ary ny tendrombohitra hiempo azon’ny rany.

Malagasy Bible

³ Ary izay voavono amin'ireo dia hariana, ka hamofona ny hamaimbon'ny fatiny, ary ny tendrombohitra hiempo azon'ny ràny.

La Bible en Malgache

³ Izay voavono amin’ireo dia hariana ka hamofona ny hamaimbon’ny fatiny, ary hiempo ny tendrombohitra azon’ny rany.

Isaia 34:3 Rohy Ifampitohizana

Isaia 10:4

Hany sisa hatao dia milefitra eo amin’ny babo, na lavo eo amin’ny maty. Na izany rehetra izany aza anefa, tsy nihodivitra ny hatezerany, ary mbola mihinjitra ihany ny tanany.

Isaia 34:7

Miaraka aripaka amin’izany koa ny ombimanga, sy ny omby miaraka amin’ny ombalahy. Vonto ra ny taniny, mandriaka ny menaka ao amin’ny vovok’izy ireo.

Isaia 66:24

Ary rehefa nivoaka izy ireo, dia hahita ny fatin’ireo olona niodina tamiko; fa ny kankan’ireny tsy ho faty ny afony tsy hovonoina, ary izy dia ho zava-maharikoriko amin’ny nofo rehetra.

Jeremia 22:19

Halevina toy ny fandevina ampondra izy hotaritarihina sy hariana any ivelan’ny vavahadin’i Jerosalema.

Jeremia 25:33

Ka amin’izany andro izany, hisy izay novonoin’i Iaveh, hatramin’ny faran’ny tany iray, ka hatramin’ny farany iray koa; tsy hitomaniana na hangonina na halevina ireny, fa ho toy ny zezika eo ambonin’ny tany.

Ezekiela 14:19

Na raha mandefa pesta ho amin’izany tany izany Aho, ary manidina ny hatezerako aminy, amin’ny fandatsahan-dra, sady mandringana ny olona sy ny biby,

Ezekiela 32:4

dia havelako eo amin’ny tany ianao, hatsipiko eny an-tampon-tanety ianao, ka ny voromanidina rehetra hoentiko hipetraka aminao; ary ny biby amin’ny tany rehetra, hataoko voky amin’ny tenanao.

Ezekiela 35:6

noho izany dia velona Aho; - teny marin’ny Tompo Iaveh: - Hataoko feno ra mandriaka ianao, ary ny ra hanenjika anao. Noho ianao tsy nankahala ny ra, dia hoenjehin’ny ra ianao.

Ezekiela 38:22

Hanao fitsarana azy Aho amin’ny pesta, sy ny ra; handatsaka ranonorana manafotra aman-kavandra vato, afo aman-tsolifara hihatra aminy sy amin’ny miaramilany, ary amin’ny firenena maro hiaraka aminy.

Ezekiela 39:11

Ary izao no hitranga amin’izany andro izany: I Goga homeko fitoerana izay isian’ny fasany, eo amin’i Israely, dia ny lohasahan’ny Mpandalo ao atsinanan’ny ranomasina, ary hanampin-dalana tsy halehan’ny mpandalo izany fasana izany. Eo no handevenana an’i Goga mbamin’ny vahoakabeny rehetra, ary lohasahan’i Hamôna-Gôga no hatao anaran’io fitoerana io.

Ezekiela 39:4

Hitsingidina eny an-tendrombohitr’i Israely ianao, dia ianao sy ny antoko-miaramila rehetra, mbamin’ireo firenena hiaraka aminao; ny vorona mpihaza, ny vorona isan-karazany, mbamin’ny bibin’ny tany no hanolorako anao mba hohaniny.

Joela 2:20

Hampanalaviriko anareo ilay avy any avaratra, ka horoahiko ho any amin’ny tany karankaina sy efitra izy; Ny lohalalany ho any amin’ny ranomasina atsinanana. Ny vodilalany ho any amin’ny ranomasina andrefana; ka fofona mantsina no hanetona avy aminy, ary hiakatra ny fahamaimboany!» Satria nahefa zava-dehibe izy!

Amosa 4:10

Ianareo, nanirahako ny pesta; toy ny fisian’izany any Ejipta; novonoiko tamin’ny sabatra ny zatovonareo, ary tamin’izay indrindra no nisamborana ny soavalinareo; nampanetona ny hamaimbon’ny tobinareo Aho ka tonga eo am-bavoronareo; nefa tsy niverina tamiko ianareo, - teny marin’i Iaveh. -

Nahoma 3:3

Mpitaingin-tsoavaly miezaka, sabatra mamirapiratra, lefona manjelatra, olo-maratra sesehena, maty miavosa, faty tsy hita isa... Voafingampingan’ny faty ny olona!

Apokalipsy 14:20

Nohosena teny ivelan’ny tanàna ny famiazana, ka ra nahadifotra hatramin’ny vin-damboridin-tsoavaly no nivoaka avy ao, sy nitobaka hatramin’ny enin-jato sy arivo stady.