Isaia 34:2 - DIEM PROTESTANTA

² Tezitra amin’ny firenen-kafa rehetra ny TOMPO sady misafoaka amin’ny tafiny manontolo; nasainy naringana ireny ka natolony hovonoina.

Baiboly Protestanta Malagasy 2011

² Fa ny fahatezeran’NY TOMPO dia amin’ny Jentilisa rehetra ary mirehitra amin’ny miaramilany rehetra ny fisafoahany; efa nodidiany hatao zavatra voaozona ireo ary natolony hovonoina.

Dikateny Iombonana Eto Madagasikara

² Tezitra amin’ny firenen-kafa rehetra ny TOMPO sady misafoaka amin’ny tafiny manontolo; nasainy naringana ireny ka natolony hovonoina.

Baiboly Katolika

² Fa mihatra amin’ny firenena rehetra ny haviniran’i Iaveh, ary amin’ny miaramilany rehetra ny hatezerany; nataony anatema, natolony hovonoina ireny.

Baiboly Protestanta Malagasy

² Fa Jehovah dia tezitra amin’ny jentilisa rehetra, Ary mirehitra amin’ny miaramilany rehetra ny fahatezerany; Efa nodidiany haringana ireo ary natolony hovonoina.

Malagasy Bible

² Fa Jehovah dia tezitra amin'ny jentilisa rehetra, ary mirehitra amin'ny miaramilany rehetra ny fahatezerany; Efa nodidiany haringana ireo ary natolony hovonoina.

La Bible en Malgache

² Fa ny fahatezeran’NY TOMPO dia amin’ny Jentilisa rehetra ary mirehitra amin’ny miaramilany rehetra ny fisafoahany; efa nodidiany hatao zavatra voaozona ireo ary natolony hovonoina.

Isaia 34:2 Rohy Ifampitohizana

Salamo 2:5

Ka itenenany amin-katezerana ireo sy ampihorohoroiny amin-kavinirana hoe:

Eksodosy 8:14

Mba nanao toy izany tamin’ny fitokavany koa ireo mpimasy handroaka ny moka, kanefa tsy nahomby, fa mbola nisy moka ihany teny amin’ny olona sy ny biby fiompy.

Isaia 10:5

Hoy ny TOMPO hoe: «Lozan’i Asiria, izay tsorakazo mampihatra ny fahatezerako! Eny, izy no mitazona eny an-tanany ny kibay mampihatra ny fahavinirako.

Isaia 13:5

Tonga avy any an-tany lavitra ireo, avy any am-paravodilanitra any hoenti-mandrava manontolo io tany io: ny TOMPO sy ireo fitaovan’ny fahatezerany izany.

Isaia 13:6

Manaova kiakiakam-pisaonana, satria akaiky ny andron’ny TOMPO; toy ny loza tsy hay tohaina no firongany avy amin’Andriamanitra Tsitoha.

Isaia 26:20

Ndeha miditra any an-tranonao, ry fireneko, ka hidio mafy ny varavarana; miere kely indray mipy maso monja ianao mandra-pisindan’ny fahatezeran’ny Tompo.

Isaia 30:25

Amin’ny andron’ilay fandringanana goavana, rehefa hianjera ireo tilikambo, dia samy hisy renirano mikoriana eny an-tendrombohitra manerinerina sy eny amin’ny havoana miteronterona.

Isaia 61:2

hanambara ny taona hanehoan’ny TOMPO fanambinana sy ny andro hanafaizan’Andriamanitra ny fahavalony ary hitondra fampaherezana ho an’ny misaona rehetra.

Isaia 63:6

Dia nentanim-pahatezerana Aho ka nanamontsana ireo hafa firenena; nataoko boboky ny fahavinirako ireny, sady napariakako tamin’ny tany ny rany.

Isaia 65:12

dia hatolotro ho voan’ny sabatra ianareo ka haringana avokoa eo am-pandohalehana, satria nantsoiko ianareo fa tsy namaly ary nitenenako fa tsy nihaino. Izay ratsy eo imasoko no nataonareo, ary izay tsy sitrako no nofidinareo.

Isaia 66:14

Dia ho tsapanareo amin’izany fa ho dibo-kafaliana ny fonareo, ary ny taolanareo efa maina hahazo hery indray tahaka ny ahitra mirobona.» Hataon’ny TOMPO fantatr’ireo mpanompo Azy ny fahefàny; fa ho tezitra kosa amin’ny fahavalony Izy.

Isaia 66:16

Fa amin’ny alalan’ny afo sy ny sabatra no hitsaran’ny TOMPO ny olombelona rehetra; ka maro no haringan’ny TOMPO,

Jeremia 25:31

Tonga amin’ny mponina rehetra amin’ny tany izany feo mitrena ataon’ny Tompo izany, ary tafapaka hatrany amin’ny faran’ny tany. Manana ady atao amin’ireo firenena ny TOMPO ka miantso ny olona rehetra ho eo amin’ny fitsarana. Izay olon-dratsy dia hatolony haringana. Izany no teny hentitry ny TOMPO.»

Jeremia 25:32

Izao no lazain’ny TOMPOn’izao rehetra izao: «Indro miainga ao amin’ny firenena iray ny loza ka mihanaka any amin’ny firenena hafa; misy tafio-drivotra mahery mipoitra avy any am-paran’ny tany.»

Jeremia 25:33

Amin’izany andro izany, manomboka amin’ny tendron-tany ankilany ka hatrany amin’ny tendron-tany andaniny, izay nasian’ny TOMPO ho faty dia tsy hisaonana; tsy hangonina na halevina izy ireny, fa ho tonga zezika eo amin’ny velaran-tany.

Ezekiela 36:5

Eny, izao no lazain’ny Tompo ANDRIANANAHARY: ‹Mianiana Aho fa mirehi-pahatezerana no miteny manohitra an’ireo firenen-kafa, indrindra fa i Edôma manontolo. Fo faly tokoa sy toe-panahy mamingavinga no nakany ny taniko ho fananany mba handrobany ny kijànany.›

Zefania 3:8

Koa dia andrasonareo ny famaizako amin’ny andro hiaviako hiampanga anareo. Tapa-kevitra Aho hanangona ny firenena sy fanjakana mba hampidinako manontolo ny fahatezerako mirehidrehitra; ka handevona ny tany manontolo ny afon’ny fahasaro-piaroko.

Zakaria 14:3

Dia hiainga hiady amin’ireny firenena ireny ny Tompo, ka hiady toy izay fanaony amin’ny andro fiadiana.

Romana 1:18

Efa anehoan’Andriamanitra ny fahatezerany avy any an-danitra ny olona, satria tsy manaja an’Andriamanitra ary manao ny tsy rariny amin’ny namana; ka noho ny asa ratsin’ny olona, dia voasarona ilay Andriamanitra tena Izy.

Josoa 11:20

Ny TOMPO manko no nahatonga azy ireny ho mafy fo ka hihantsy ady tamin’ny Israelita mba handringanana azy tanteraka tsy misy indrafo, satria tsy maintsy naringana ireny araka izay efa nandidian’ny TOMPO an’i Mosesy.

Apokalipsy 20:15

ka raha nisy olona tsy hita voasoratra tao anatin’ilay horonamboky mirakitra ny lisitr’ireo hanana ny fiaina-maharitra mandrakizay, dia natsipy tany amin’ny farihy afo izy.

Apokalipsy 20:9

Ary niakatra nanerana ny lafin-tany izy rehetra, ka nanodidina ny toby nisy ny vahoakan’Andriamanitra sady nanodidina ny tanàna lalain’Andriamanitra; kanjo nisy afo nidina avy tany an-danitra ka nandevona ireo firenena ireo.