Isaia 27:3 - DIEM PROTESTANTA

³ «Izaho TOMPO no mpiaro azy ka manondraka azy amin’ny fotoana sahaza; ambenako izy na andro na alina fandrao misy manimba.

Baiboly Protestanta Malagasy 2011

³ Izaho TOMPO no mpiaro io, isaky ny indray mipy maso no anondrahako azy, fandrao misy manimba azy, dia miambina azy Aho na andro na alina.

Dikateny Iombonana Eto Madagasikara

³ «Izaho TOMPO no mpiaro azy ka manondraka azy amin’ny fotoana sahaza; ambenako izy na andro na alina fandrao misy manimba.

Baiboly Katolika

³ Izaho Iaveh no miambina azy; manondraka azy mandrakariva Aho; ary sao hisy olona hiditra ao aminy, miambina azy andro aman’alina Aho:

Baiboly Protestanta Malagasy

³ Izaho Jehovah no mpiaro io; Isaky ny indray mipì-maso no andemako azy, Fandrao misy manimba azy; Na andro na alina dia miaro azy Aho.

Malagasy Bible

³ Izaho Jehovah no mpiaro io; Isaky ny indray mipi-maso no andemako azy, Fandrao misy manimba azy; Na andro na alina dia miaro azy aho.

La Bible en Malgache

³ Izaho TOMPO no mpiaro io, isaky ny indray mipy maso no anondrahako azy, fandrao misy manimba azy, dia miambina azy Aho na andro na alina.

Isaia 27:3 Rohy Ifampitohizana

Genesisy 6:17

Indro Aho hahatonga safo-drano lehibe mba hamongorana izay rehetra manana aina atỳ ambany lanitra, ka ho levona avokoa izay rehetra eny ambonin’ny tany.

Genesisy 9:9

«Indro Aho hanorina ny fanekempihavanako aminareo sy amin’ny taranakareo mandimby anareo,

1Mpanjaka 8:59

Hotsaroan’ny TOMPO Andriamanitsika andro aman’alina anie izany teny fifonana nataoko teo anatrehany izany mba hanomezany rariny antsika vahoakany araka izay sahaza antsika isan’andro.

Salamo 46:11

Hoy ny Tompo hoe: «Tapitra hatreo ny ady; ka ekeo fa Izaho no Andriamanitra, voasandratra hanerinerina amin’ireo firenena, voasandratra hanerinerina amin’ny tany.»

Salamo 46:5

Misy renirano mampifaly ny tanànan’Andriamanitra, dia ilay fonena-masina tsy manan-tsahala amin’ireo fonenan’ny Avo Indrindra.

Isaia 31:5

Tahaka ny vorona mamelatra ny elany no hamelaran’ny TOMPOn’izao rehetra izao ny fiarovany amin’i Jerosalema; ka sady hiaro no hanafaka azy ny Tompo, eny, sady hitsimbina no hamonjy azy.

Isaia 42:6

«Izaho TOMPO no niantso anao araka ny fahamarinana ka nitantana anao. Izaho no niaro anao ka nanendry anao ho antoky ny fanekempihavanako amin’ny olona ary koa ho fahazavan’ireo firenena.

Isaia 44:3

Fa hanosaka rano amin’izay mangetaheta Aho sy hampandriaka renirano amin’ny tany mangentana. Hatosako amin’ny zanakao ny Fanahiko ary amin’ny taranakao ny fitahiako.

Isaia 46:4

Tsy hiova Aho, na dia mandra-pahantitrareo aza; hanohana anareo Aho mandra-pahafotsin’ny volonareo. Izaho no nanao anareo sy nitrotro anareo hatrany; eny, Izaho no hanohana anareo sy hamonjy anareo.

Isaia 46:9

Tsarovy ny zavatra taloha teo am-piandohanareo: Eny, Izaho no Andriamanitra ka tsy misy hafa. Izaho no Andriamanitra; ka zava-poana avokoa na inona na inona ampitahaina amiko.

Isaia 49:8

Izao koa no lazain’ny TOMPO: «Tamin’ny fotoana mety dia namaly ny antsonao Aho, ary tamin’ny androm-pamonjena dia tonga namonjy anao Aho. Nokolokoloiko ianao mba hataoko ho antoky ny fanekempihavanako amin’ny olona. Noho izany, dia hanarina ny tany Aho sy hizara indray ny lova efa rava;

Isaia 5:6

Hataoko tany lava volo ilay voaloboko ka tsy hisy hanety sy hiava azy intsony, fa tsilo sy songosongo no hitsiry eo; ary horarako mafy ny rahona tsy handatsaka ranonorana aminy.»

Isaia 58:11

Hitari-dalana anao hatrany ny TOMPO; na dia ao amin’ny tany karakaina aza ianao, dia hovokisany hanina sy hampahatanjahiny. Hanjary mahate hijery toy ny saha vonton-drano ianao na toy ny loharano miboiboika tsy mety ritra.

Isaia 60:16

Ny firenen-kafa sy ny mpanjakany no hamahana sy hamelona anao; ka ho fantatrao fa Izaho TOMPO no mpamonjy anao, Izaho ilay Maherin’i Jakôba no Mpanavotra anao.

Ezekiela 34:11

«Izao no lazain’ny Tompo ANDRIANANAHARY: Ny tenako mihitsy no hiandraikitra sy hikarakara ny andianondriko.

Ezekiela 34:24

Izaho TOMPO no ho Andriamaniny ary i Davida mpanompoko no ho filoha eo anivony. Izaho TOMPO no miteny izany.›

Ezekiela 37:14

ary hapetrako ao anatinareo ny Fanahiko dia ho velona ianareo ka hamponeniko indray ao an-tanindrazanareo. Eny, amin’izay dia hoekenareo fa Izaho TOMPO no nampanantena sady nahatanteraka izany; teny hentitra avy amiko TOMPO izany›. »

Ezekiela 37:28

Amin’izay dia hoeken’ireo hafa firenena fa Izaho no TOMPO, Izay manokana an’i Israely hanompo Ahy rehefa tafaorina eo anivonareo mandrakizay ny tempoliko.»

1Samoela 2:9

Tsinjoviny ny fiainan’ireo mpivavaka aminy, fa ny olon-dratsy kosa hovereziny any amin’ny haizina; satria tsy amin’ny herin’ny tenany no hahazoan’ny olona fandresena.