Isaia 27:3 - Baiboly Katolika

³ Izaho Iaveh no miambina azy; manondraka azy mandrakariva Aho; ary sao hisy olona hiditra ao aminy, miambina azy andro aman’alina Aho:

Baiboly Protestanta Malagasy 2011

³ Izaho TOMPO no mpiaro io, isaky ny indray mipy maso no anondrahako azy, fandrao misy manimba azy, dia miambina azy Aho na andro na alina.

DIEM PROTESTANTA

³ «Izaho TOMPO no mpiaro azy ka manondraka azy amin’ny fotoana sahaza; ambenako izy na andro na alina fandrao misy manimba.

Dikateny Iombonana Eto Madagasikara

³ «Izaho TOMPO no mpiaro azy ka manondraka azy amin’ny fotoana sahaza; ambenako izy na andro na alina fandrao misy manimba.

Baiboly Protestanta Malagasy

³ Izaho Jehovah no mpiaro io; Isaky ny indray mipì-maso no andemako azy, Fandrao misy manimba azy; Na andro na alina dia miaro azy Aho.

Malagasy Bible

³ Izaho Jehovah no mpiaro io; Isaky ny indray mipi-maso no andemako azy, Fandrao misy manimba azy; Na andro na alina dia miaro azy aho.

La Bible en Malgache

³ Izaho TOMPO no mpiaro io, isaky ny indray mipy maso no anondrahako azy, fandrao misy manimba azy, dia miambina azy Aho na andro na alina.

Isaia 27:3 Rohy Ifampitohizana

Genesisy 6:17

Ary Izaho hahatonga ny safodrano hanafotra ny tany, mba handringana ny nofo rehetra manam-pofon’aina eo ambanin’ny lanitra; ho levona izay rehetra ety ambonin’ny tany.

Genesisy 9:9

«Ary Izaho kosa dia hanao fanekem-pihavanana aminareo sy amin’ny taranaka mandimby anareo,

1Mpanjaka 8:59

Izao teny fifonana nataoko teo anatrehan’i Iaveh izao, dia aoka ho mby akaikin’i Iaveh Andriamanitsika andro aman’alina, mba homeny rariny, araka izay ilaina isan’andro, izaho mpanompony sy i Israely vahoakany,

Salamo 46:11

Mitsahara, ary maneke fa Andriamanitra Aho, manapaka ny firenena, manjaka amin’ny tany!

Salamo 46:5

Misy ony ka ny fandehany mampifaly ny tanànan’Andriamanitra; ny fonenany masina onenan’ny Avo indrindra.

Isaia 31:5

Tahaka ny vorona mamelatra elatra hanomba ny zanany, no hiarovan’i Iavehn’ny tafika an’i Jerosalema; hiaro Izy sy hamonjy, ary handalo sy hanafaka.

Isaia 42:6

Izaho Iaveh no niantso anao, tamin’ny fahamarinana, sy nandray tanana anao, miaro anao Aho ary manao anao ho fanekem-pihavanana ho an’ny vahoakako sy fahazavan’ny firenena,

Isaia 44:3

Fa handatsaka rano amin’ny tany mangentana Aho; sy sakeli-drano eo amin’ny tany karankaina. Handatsaka ny fanahiko amin’ny taranakao Aho, sy ny fitahiako amin’ny solofonao.

Isaia 46:4

Tsy hiova Aho hatramin’ny fahanteranareo, fa hanohana anareo mandra-pahafotsy volo anareo. Efa nanao izany Aho, ka mbola hitondra anareo; hanohana anareo sy hanafaka anareo.»

Isaia 46:9

tsarovinareo ny zavatra lasa, tamin’ny andro taloha. eny, Izaho dia Andriamanitra, ary tsy misy hafa.

Isaia 49:8

Izao no lazain’i Iaveh: «Mihaino anao amin’ny andro fankasitrahana Aho, ary mamonjy anao amin’ny andro famonjena; niaro anao Aho, ary nanangana anao ho faneken’ny firenena, hanandratra indray ny tany, hizara ny loza nosimbana;

Isaia 5:6

Hataoko tany foana izy; ka tsy hohetezana na hasaina intsony; fa hanirian’ny hery aman-tsilo; ary handidy ny rahona aho, tsy handatsaka orana aminy intsony.

Isaia 58:11

ary i Iaveh hitari-dalana anao mandrakizay; sy hamoky ny fanahinao eny amin’ny tany karankaina; ary hanome hery ny taolanao. Ho tahaka ny zaridaina tsara tondraka ianao, sy ho tahaka ny loharano velona, tsy manam-paharitana.

Isaia 60:16

Hitsentsitra ny rononon’ny firenena ianao, sady hitsentsitra ny nonon’ny mpanjaka, dia ho fantatrao fa Izaho Iaveh no Mpamonjy anao, ary ilay Maherin’i Jakôba no Mpanavotra anao.

Ezekiela 34:11

Fa izao no lazain’ny Tompo Iaveh: Indro Izaho dia Izaho ihany no hiahy ny ondriko, sy handinidinika azy.

Ezekiela 34:24

Izaho Iaveh no ho Andriamanitr’izy ireo; ary i Davida mpanompoko no ho mpifehy eo aminy; Izaho Iaveh no niteny.

Ezekiela 37:14

Hataoko ao anatinareo ny Fanahiko, dia ho velona ianareo, sady homeko fitsaharana eo amin’ny taninareo, ka dia ho fantatrareo fa Izaho Iaveh dia milaza sy manatanteraka koa.» - teny marin’i Iaveh.-

Ezekiela 37:28

Dia ho fantatry ny firenena fa Iaveh Aho manamasina an’i Israely, rehefa ho eo aminy mandrakizay ny fitoerako masina.

1Samoela 2:9

Ny dian’ny olo-masina hotandremany, fa ny ratsy fanahy kosa ho very any amin’ny maizina. Satria tsy ny hery no hahombiasan’ny olona.