Isaia 26:2 - DIEM PROTESTANTA

² Vohay ireo vavahady hidiran’ny firenena mahatoky izay mitana ny fahamarinana.

Baiboly Protestanta Malagasy 2011

² Vohay ny vavahady mba hidiran’ny firenena marina izay mitana ny fahamarinana.

Dikateny Iombonana Eto Madagasikara

² Vohay ireo vavahady hidiran’ny firenena mahatoky izay mitana ny fahamarinana.

Baiboly Katolika

² Vohay ny vavahady, avelao hiditra ny firenena marina, mitana ny fahamarinana.

Baiboly Protestanta Malagasy

² Vohay ny vavahady, Mba hidiran’ny firenena marina, Izay mitana ny fahamarinana.

Malagasy Bible

² Vohay ny vavahady, mba hidiran'ny firenena marina, izay mitana ny fahamarinana.

La Bible en Malgache

² Vohay ny vavahady mba hidiran’ny firenena marina izay mitana ny fahamarinana.

Isaia 26:2 Rohy Ifampitohizana

Salamo 106:5

Aoka hahita ny fandrosoan’ireo voafidinao aho ary hiombom-pifaliana amin’ny vahoakanao sy hiara-miravoravo amin’ireo voatokana ho Anao!

Salamo 118:19

Vohay ny vavahady fidiran’ny olo-marina mba hidirako hidera ny TOMPO.

Salamo 118:20

Ity no vavahady mankao amin’ny TOMPO; ny olo-marina no aoka hiditra eo!

Salamo 24:7

Akaro ny tataonareo, ry vavahady; misandrata, ry varavarana fahagola, mba hidiran’ny mpanjaka be voninahitra!

Eksodosy 19:6

saingy ianareo kosa dia ho fanjaka-mpisorona ho Ahy, ho firenena voatokana hanompo Ahy.» Ireo no teny izay hambaranao amin’ny Israelita.

Isaia 45:25

Fa ny taranak’i Israely rehetra kosa dia Izaho TOMPO no hahazoany rariny sy hataony fireharehana.

Isaia 54:14

Hitombina mafy amin’ny fahamarinana ianao: hampanalaviriko anao ny famoretana, ka tsy hatahotra na inona na inona intsony ianao; hampanalaviriko anao ny fampihorohoroana, ka tsy hananontanona anao intsony.

Isaia 54:17

Ny fiadiana isan-karazany tefena hamelezana anao dia tsy hahomby mihitsy; ary ny olona rehetra izay miampanga anao eo anoloan’ny fitsarana dia horesenao lahatra. Izany no ho anjaran’ireo mpanompoko, ary izany no rariny hananany avy amiko.»

Isaia 58:8

Amin’izay dia hiposaka toy ny maraina ny fahazavànao ary ho tonga haingana ny fahasitrananao. Ny fanafahana anao no hialoha lalana anao, ary ny TOMPO mihitsy no ho vodilalanao.

Isaia 60:11

Hivoha hatrany ny vavahadinao ka tsy hakatona na andro na alina mba hampidirana hankao aminao ny fananan’ny firenen-kafa sy ireo mpanjakany efa voababo.

Isaia 60:18

Tsy ho re ao amin’ny taninao intsony ny fampahoriana na ao amin’ny faritaninao ny faharavana sy fahasimbana. Fa ny mandanao hantsoinao hoe: «Famonjena»; ary ny vavahadinao hantsoinao hoe: «Fiderana an’Andriamanitra.»

Isaia 60:21

Ny vahoakanao rehetra hanjary olo-marina ka hanana ny tany ho fananany mandrakizay. Noforonin’ny tanako haneho ny famirapiratako izy ka ho toy ny voly mandrobona eo amin’ny sahako.

Isaia 61:3

Manao fisaonana an’i Tsiôna ireo, kanefa hirahina aho hanome azy ribà fehiloha ho solon’ny lavenona amin’ny lohany, hanome diloilo manitra ho solon’ny alahelo sy fitafiana fitondra amin’ny fety ho solon’ny toetra manjoretra. Amin’izay no hiantsoana azy ireo hoe: «Hazo vokatry ny fitahiana, saha nambolen’ny TOMPO mba hanehoany ny famirapiratany.»

Isaia 62:1

Tsy hangina aho noho ny fitiavako anao, ry Tsiôna ô, ary tsy hitsaha-miteny aho noho ny fitiavako anao, ry Jerosalema, mandra-piposaky ny fanafahana anao ho tahaka ny masoandro mamiratra, ary mandra-pibaliaky ny famonjena anao ho tahaka ny fanilo mirehitra.

Isaia 62:10

Ry mponin’i Jerosalema, mivoaha tao an-tanàna, mivoaha amin’ny vavahady, anokafy lalana ny vahoaka mody, ataovy mitovy tantana ny arabe ka esory ny vato eo aminy ary atsangano ny faneva hanaingana ireo firenena.

Isaia 62:2

Ny firenen-kafa hahita ny fanafahan’ny Tompo anao ary ny mpanjaka rehetra hahita ny voninahitrao; anarana vaovao no hiantsoana anao, dia izay hotononin’ny vavan’ny TOMPO.

Zakaria 8:20

Izao no lazain’ny TOMPOn’izao rehetra izao: «Mbola hisy firenena vahiny sy mponina avy amin’ny tanàna maro ho tonga indray eto Jerosalema.

Asan’ny Apostoly 2:47

ary nidera an’Andriamanitra, hany ka mamy hoditra tamin’ny vahoaka rehetra. Ary ny olona izay notarihin’ny Tompo ho amin’ny famonjena dia nataony nanatevin-daharana an-dry zareo isan’andro vaky.

1Petera 2:9

Fa ianareo kosa dia taranaka voafidy, fanjaka-mpisorona, firenena masina, vahoaka natao ho fananan’Andriamanitra, mba hitory ireo asa lehibe vitan’Andriamanitra Izay niantso anareo hiala tamin’ny haizina ho any amin’ny fahazavana mahagaga.

2Petera 3:13

Kanefa isika, araka ny fampanantenàn’Andriamanitra, dia miandry ny habakabaka vaovao sy tany vaovao izay honenan’ny fahamarinana soritan’Andriamanitra.

Joda 1:3

Ry hava-malala, teo am-piezahana mafy hanoratra ho anareo ny amin’ny famonjena iombonantsika aho no nisy nahatery ahy hanoratra aminareo, mba hampirisika anareo hikely aina hiaro ny finoana izay efa natolotra tanteraka tamin’ny vahoakan’Andriamanitra.

Apokalipsy 21:24

Handeha amin’ny fahazavàn’ilay tanàna ny firenena rehetra: ary ny mpanjakan’ny tany dia hitondra ny voninahiny ho ao anatiny.

Apokalipsy 5:9

Ary nandredona hira vaovao ho an’ny Zanakondry ny loholona ka nanao hoe: «Ianao no mendrika handray ny horonamboky sy hamaha ny tombokaseny. Efa voavono ho faty Ianao, ka ny ranao nafoinao no nanavotanao olona ho an’Andriamanitra, dia olona avy tamin’ny foko amam-piteny samy hafa sy avy tamin’ny vahoaka amam-pirenena samy hafa.