Hosea 9:3 - DIEM PROTESTANTA

³ I Efraîma dia tsy hahazo monina intsony eo amin’ny tanin’ny TOMPO; fa tsy maintsy hiverina any Ejipta izy na hankany Asiria hihinan-java-pady.

Baiboly Protestanta Malagasy 2011

³ Tsy honina ao amin’ny tanin’NY TOMPO izy; hiverina ho any Ejipta i Efraima ary hihinana zavatra tsy madio any Asiria.

Dikateny Iombonana Eto Madagasikara

³ I Efraîma dia tsy hahazo monina intsony eo amin’ny tanin’ny TOMPO; fa tsy maintsy hiverina any Ejipta izy na hankany Asiria hihinan-java-pady.

Baiboly Katolika

³ Tsy honina eo amin’ny tanin’i Iaveh izy ireo; fa hiverina ho any Ejipta i Efraima, ary hihinana ny zava-padìna any Asiria izy ireo.

Baiboly Protestanta Malagasy

³ Tsy honina ao amin’ny tanin’i Jehovah izy; Fa Efraima hiverina ho any Egypta Ary hihinana zava-padina any Asyria.

Malagasy Bible

³ Tsy honina ao amin'ny tanin'i Jehovah izy; Fa Efraima hiverina ho any Egypta ary hihinana zava-padina any Asyria.

La Bible en Malgache

³ Tsy honina ao amin’ny tanin’NY TOMPO izy; hiverina ho any Ejipta i Efraima ary hihinana zavatra tsy madio any Asiria.

Hosea 9:3 Rohy Ifampitohizana

1Mpanjaka 9:7

dia hongotako ianareo, ry Israelita, tsy ho amin’ny tany izay nomeko anareo; ary hariako lavitra Ahy ity tempoly izay natokako hanajana Ahy ity. Amin’izay ianareo Israelita dia ho tonga fandatsa sy fanaraby any amin’ny firenen-kafa rehetra.

2Mpanjaka 17:6

Tamin’ny taona fahasivy nanjakan’i Hôsea no nahazoan’ny mpanjakan’i Asiria an’i Samaria; ka dia nataony sesitany tany Asiria ny Israelita tavaratra ary namponeniny tao Halà sy tao Gôzàna teo amoron’ny ony Habôra ary teny amin’ny tanànan’i Media.

Jeremia 16:18

Koa, ho fanombohana, dia hovaliako indroa heny ny helony sy ny fahadisoany satria nandoto ny taniko tamin’ireo fatin-tsampiny maharikoriko izy sady nameno ny anjara fananako tamin’ny andriamani-tsiizy mahatsiravina.»

Jeremia 2:7

Izaho no nampiditra anareo ho ao amin’ny tany lonaka mba hihinananareo ny vokatra tsara avy aminy; kanjo rehefa tafiditra tao ianareo dia nolotoinareo ny taniko ary ny fananako nametrahanareo zava-maharikoriko.

Fitomaniana 5:6

Nanolo-tanana tamin’i Ejipta sy i Asiria izahay mba ho voky hanina.

Ezekiela 4:13

Dia mbola nampian’ny TOMPO hoe: –Ho tahaka izany no hihinanan’ny Israelita sakafo maloto any amin’ny tanin’ny firenen-kafa izay handroahako azy.

Daniela 1:8

Hentitra ny fanapahan-kevitr’i Daniela fa tsy handoto tena amin’izay sakafon’ny mpanjaka na ny divay fisotrony izy; koa nangataka tamin’ny lehiben’ny tandapa izy mba tsy hanery azy handoto tena.

Hosea 11:11

Avy any Ejipta koa izy no hanatona amin-kovitra toa voronkely, ary avy any Asiria no hanatona amin-kovitra toa domohina; ka dia hoentiko miverina any an-tranony indray izy. Izaho TOMPO no manao izany teny hentitra izany.

Hosea 11:5

«Tsy hiverina any Ejipta ny vahoakan’i Israely; fa i Asiria kosa no hanjaka aminy, satria tsy nety niverina tamiko izy.

Hosea 7:11

I Efraîma dia tahaka ny domohina izay adaladala sady tsy manan-tsaina; miantso an’i Ejipta izy, ary mankany Asiria.

Hosea 7:16

Raha misy ny fiverenany, dia tsy ho amiko ilay Avo izany; fa mandiso fanantenana tahaka ny tsipîka ketraka izy. Ho lavon-tsabatra ny mpifehy azy noho ny fitsaontsaom-bavany; izany no handatsana azy any Ejipta!

Hosea 8:13

Mahavatra manatitra sorona izy satria te hihinan-kena. Nefa Izaho TOMPO tsy faly amin’izany; ankehitriny tsaroako ny heloka nataony ary teteziko tsirairay ny fahotany. Tsy maintsy hiverina any Ejipta izy.

Hosea 9:6

Rehefa tonga ny fandringanana ka mihahaka ny vahoaka, dia hanangona anareo i Ejipta; saingy Memfisa no ho fasanareo. Ho lovan-tsongosongo ny fana-bolafotsinareo sarobidy ary ho tongan’ny tsilo ny fonenanareo.

Levitikosy 18:28

Aza lotoinareo indray ny tany mba tsy handoavany anareo tahaka ny efa nandoavany an’ireo firenena izay tao talohanareo.

Levitikosy 20:22

«Imasoy hotanterahinareo ny lalàna amam-pitsipiko rehetra, dia tsy handoa anareo ny tany izay itondrako anareo honenana.

Levitikosy 25:23

«Ny tany dia tsy azo atao varo-maty, satria Ahy Tompo izany; fa vahiny sy mpivahiny eo amin’ny taniko ianareo.

Amosa 7:17

noho izany, ry Amatsià, dia izao no lazain’ny TOMPO: Hijangajanga ao an-tanàna ny vadinao; ireo zanakao lahy sy vavy dia haringana amin’ny sabatra; ny taninao dia hozarazaraina amin’ny tady sy homena olon-kafa; ianao dia ho faty any amin’ny tany fanompoan-tsampy ary ny taranak’i Israely dia ho lasan-ko babo lavitry ny taniny.»

Mika 2:10

Mitsangàna ka mialà, fa tsy misy fitsaharana ho anareo intsony eto. Satria ny fahalotoanareo hahatonga fandringanana, dia fandringanana mahatsiravina.»

Asan’ny Apostoly 10:14

Dia hoy i Petera: –Sanatria, Tompoko! Tsy mbola nihinan-javatra fady na maloto aho!

Deoteronomia 28:63

Araka izay nifalian’ny TOMPO hahasoa sy hahamaro anareo no hifaliany handringana sy handrava anareo; ka hofongorana ianareo tsy ho eo amin’ny tany izay efa hidiranareo mba halainareo ho fananana.

Deoteronomia 28:68

Dia hoentin’ny TOMPO hiverina an-tsambo any Ejipta ianareo ka hihazo ny lalana efa nolazaiko taminareo hoe tsy ho hitanareo intsony; any ianareo, na lahy na vavy, dia hivaro-tena ho mpanompon’ny fahavalonareo, nefa tsy hisy mpividy.

Deoteronomia 4:26

Raha manao izany ianareo, dia miantso ny lanitra sy ny tany ho vavolombelona aho anio no manambara fa vetivety foana dia ho fongotra tokoa ianareo tsy ho eo amin’ny tany izay efa hiampitanareo an’i Jôrdàna mba halainareo ho fananana; tsy ho maro andro honenana eo ianareo, fa haringana tokoa.

Josoa 23:15

Saingy tahaka izay nahatanterahan’ny zava-tsoa rehetra nampanantenain’ny TOMPO Andriamanitrareo taminareo no hampiavy aminareo ny loza rehetra, mandra-paharingany anareo tsy ho eto amin’ity tany soa nomeny anareo ity,