Hosea 8:11 - DIEM PROTESTANTA

¹¹ Nampitombo ireo alitara i Efraîma mba hahatonga azy hanota; eny, ireo alitara ireo tokoa no mahatonga azy hanota.

Baiboly Protestanta Malagasy 2011

¹¹ Nanao alitara maro hanotana i Efraima; eny, alitara mba hanotany.

Dikateny Iombonana Eto Madagasikara

¹¹ Nampitombo ireo alitara i Efraîma mba hahatonga azy hanota; eny, ireo alitara ireo tokoa no mahatonga azy hanota.

Baiboly Katolika

¹¹ Nampitombo ny ôtely i Efraima tamin’ny nanotany, ary ireo ôtely ireo nahalavo azy tamin’ny ota.

Baiboly Protestanta Malagasy

¹¹ Fa Efraima nanao alitara maro hanotana,– Eny, efa nahazo alitara hanotana izy.

Malagasy Bible

¹¹ Fa Efraima nanao alitara maro hanotana, eny, efa nahazo alitara hanotana izy.

La Bible en Malgache

¹¹ Nanao alitara maro hanotana i Efraima; eny, alitara mba hanotany.

Hosea 8:11 Rohy Ifampitohizana

Jeremia 16:13

Noho izany dia horoahiko hiala amin’ity tany ity ianareo hankany amin’ny tany izay tsy fantatry ny tenanareo na ny razanareo. Any no hanompoanareo andriamani-kafa andro aman’alina, fa tsy hiantra anareo intsony Aho.› »

Jeremia 17:1

Ny fahotan’ireo vahoakan’i Joda dia voasoratra tamin’ny vy sy diamondra fanoratana. Tahaka ny voasokitra soratra amin’ny vatofisaka no mahavoasokitra izany ao am-pony sy eny an-joron’ny alitarany;

Hosea 10:8

Ho rava ireo toeram-panasinana: izany no hadisoana sy fahotan’i Israely. Songosongo aman-tsilo no handadina ny alitarany. Amin’izay no hitenenana hoe: «Ry tendrombohitra, saròny izahay!» «Ry havoana, mianjerà aminay».

Hosea 12:11

Niteny tamin’ireo mpaminany Aho fahizay ka nampitombo ny fahitana; ary tamin’ny alalan’ny mpaminany koa no nanaovako fanoharana.

Hosea 5:4

Fa tsy mamela azy hiverina amin’Andriamaniny ny asa nataon’ny Israelita. Rivotry ny fivarotan-tena no mitsoka ao aminy ka tsy mahalala ny TOMPO izy.

Deoteronomia 4:28

Asan-tanan’olombelona no andriamanitra hotompoinareo any, dia vato aman-kazo izay tsy mahita na mandre na mihinana na manimbolo.