Hosea 7:7 - DIEM PROTESTANTA

⁷ Mahamay toa lafaoro izy rehetra ka mandringana ireo filohany. Lavo avokoa ireo mpanjakany, nefa tsy mba nisy niantso Ahy akory.

Baiboly Protestanta Malagasy 2011

⁷ Samy mahamay toy ny fatana izy rehetra ka mandevona ny mpitsarany; efa lavo avokoa ny mpanjakany, ary tsy misy miantso Ahy izy rehetra.

Dikateny Iombonana Eto Madagasikara

⁷ Mahamay toa lafaoro izy rehetra ka mandringana ireo filohany. Lavo avokoa ireo mpanjakany, nefa tsy mba nisy niantso Ahy akory.

Baiboly Katolika

⁷ Mahamay hoatra ny fatana avokoa izy rehetra, ka ny mpitsara azy no levoniny. Ny mpanjakany lavo avokoa, tsy nisy niantso Ahy anefa izy rehetra.

Baiboly Protestanta Malagasy

⁷ Samy mahamay toy ny fatana izy rehetra Ka mandevona ny andriambaventiny; Efa lavo avokoa, ny mpanjakany, Tsy misy miantso Ahy izy rehetra.

Malagasy Bible

⁷ Samy mahamay toy ny fatana izy rehetra ka mandevona ny andriambaventiny; Efa lavo avokoa, ny mpanjakany, tsy misy miantso Ahy izy rehetra.

La Bible en Malgache

⁷ Samy mahamay toy ny fatana izy rehetra ka mandevona ny mpitsarany; efa lavo avokoa ny mpanjakany, ary tsy misy miantso Ahy izy rehetra.

Hosea 7:7 Rohy Ifampitohizana

1Mpanjaka 15:28

Eny, novonoin’i Bahasà ho faty i Nadaba tamin’ny taona fahatelo nanjakàn’i Asà mpanjakan’i Joda; ary izy no nanjaka nandimby an’i Nadaba.

1Mpanjaka 16:18

Rehefa hitan’i Zimrỳ fa azo ny tanàna, dia lasa izy niditra tao amin’ny tilikambo nisy ny efitranon’ny mpanjaka; nodorany io efitrano io, ka dia niara-devona taminy tao izy.

1Mpanjaka 16:22

Farany anefa dia resin’ny mpomba an’i Hômrỳ ny mpomba an’i Tibnỳ zanakalahin’i Ginata. Dia maty i Tibnỳ, ary i Hômrỳ no tonga mpanjaka.

2Mpanjaka 10:14

Ary hoy i Jehò: –Ataovy sambo-belona ireo. Dia nataon’ny naman’i Jehò sambo-belona izy 42 lahy ka novonoiny ho faty teo akaikin’ny lava-pantsakan’i Bety-Hekeda ary tsy nasiany niangana na dia iray aza.

2Mpanjaka 10:7

Vao voarain’ireo mpitondra ireo ny taratasy, dia nampiantsoiny izy fitopolo lahy taranaky ny mpanjaka ka novonoiny ho faty; ary nafatrany an-tsobika ny lohany ka nalefany tany amin’i Jehò tany Jizrehela.

2Mpanjaka 15:10

Fa nikomy taminy kosa i Saloma zanakalahin’i Jabesa ka nahafaty azy tao Jiblehama ary nanjaka nandimby azy.

2Mpanjaka 15:14

Fa tonga tao Samaria avy any Tiritsà kosa i Menahema zanakalahin’i Gadỳ ka nahafaty an’i Saloma tao, ary dia nandrombaka ny fahefana.

2Mpanjaka 15:25

Ary nikomy tamin’i Pekahià i Peka dekàny sady zanakalahin’i Remalià, ka nanafika azy mbamin’i Argôba sy Aria tao amin’ny tilikambon’ny tranon’ny mpanjaka; tamin’izay i Peka dia nombàn’ny vatan-dehilahy dimampolo taranaky ny Gilehadita; rehefa avy namono an’i Pekahià ho faty izy, dia nanjaka nandimby azy.

2Mpanjaka 15:30

Fa nikomy tamin’i Peka zanakalahin’i Remalià i Hôsea zanakalahin’i Elà ka nahafaty azy; ary nanjaka nandimby azy izy tamin’ny taona faharoapolo nanjakan’i Jôtama zanakalahin’i Hozià.

2Mpanjaka 9:24

Noraisin’i Jehò ny tsipîkany, dia nitifitra izy ka nahavoa an’i Jôrama teo anelanelan’ny sorony; ary tafavoaka ny zana-tsipîka rehefa niboroaka tamin’ny fony. Dia maty nikorosy tao anaty kalesiny i Jôrama.

2Mpanjaka 9:33

Ka hoy izy taminy: –Azerao avy eny io vehivavy io! Dia natosiny avy eny am-baravarankely i Jezebela ka nianjera, ary nifantsitsitra tamin’ny rindrina sy ny soavaly ny rany; ka dia nohitsahin’i Jehò tamin’ny kalesiny izy.

Joba 36:13

Fa ny ratsy fanahy dia tezitra aminy ka tsy mahataraina na dia gadrainy aza.

Salamo 14:4

Hoy kosa ny TOMPO hoe: «Tena tsy mahalala mihitsy ny mpanao ratsy rehetra fa fitsentsefana ny vahoakako no ataony foto-pivelomana, sady Izaho tsy antsoiny akory!»

Isaia 43:22

Dia izao koa no lazain’ny Tompo: «Tsy Izaho no nantsoinao, ry firenen’i Jakôba, ary efa sasatra tamiko aza ianao, ry vahoaka Israely.

Isaia 64:4

Mitsena izay mifaly hanao ny marina Ianao, dia izay mihevitra hanaraka ny lalanao; koa raha tezitra Ianao, dia satria nanota izahay. Nefa ho voavonjy ihany izahay, rehefa ho voakosokao tanteraka ny otanay.

Isaia 64:6

Tsy nisy niantso ny anaranao intsony na nahatsiaro hifikitra aminao, satria nandà ny hijery anay Ianao ary namela anay handevozin’ny helokay.

Isaia 64:7

Na dia izany aza anefa, TOMPO ô, Ianao no Rainay; tanimanga izahay, fa Ianao no mpanefy ary asan’ny tananao izahay rehetra.

Isaia 9:13

Koa tanatin’ny indray andro monja no namongoran’ny TOMPO an’i Israely, na ny any an-tampony na ny any am-potony, na ny sampandrofia na ny volotara.

Ezekiela 22:30

Nokarohiko izay vonona hanangana ny manda na izay vonona hijanona eo amin’ny bangan’ny manda mba hifona eo anatrehako ho an’ny tany sy hisakana Ahy tsy handrava azy; nefa tsy nahita Aho.

Daniela 9:13

Araka izay voasoratra tao amin’ny lalànan’i Mosesy, ireo loza rehetra ireo dia tonga taminay, kanefa tsy nifona teo anatrehanao Tompo Andriamanitray izahay mba hialanay amin’ny helokay sady tsy niraika akory tamin’ny fahamarinanao.

Hosea 13:10

Aiza àry izao ny mpanjakanao izay tokony hamonjy anao? Amin’ny tanànanao rehetra, aiza koa ireo mpitondra anao? Fa ianao ihany no nanao hoe: «Omeo mpanjaka sy filoha aho».

Hosea 5:15

Handeha hody any amiko Aho, hoy ny TOMPO, mandra-piaikin’i Efraîma sy i Joda ho diso ka hitadiavany ny tavako. Rehefa azom-pahoriana mafy izy, dia hikatsaka Ahy fatratra.

Hosea 7:10

Vavolombelona manameloka azy ny avonavon’i Israely. Kanefa izy tsy niverina tamiko TOMPO Andriamaniny; ary, na teo aza izany rehetra izany, dia tsy mba nitady Ahy izy.

Hosea 7:14

Tsy mba vokatry ny fony no iantsoany vonjy amiko; fa mitoloko eo am-pandriany izy, ary mandidy tena mba hahazoana vary sy divay vaovao; fanoherana Ahy no ialany amiko.

Hosea 8:4

Nanangana mpanjaka izay tsy nofidiko izy ary nanendry filoha izay tsy fantatro akory. Nanaovany sampy ny volafotsy na ny volamenany mba ho fongotra aminy.

Mika 2:1

Lozan’izay manoman-keloka, sy mikasa hanao ratsy eo am-pandriany amin’ny alina; ka nony maraina ny andro, dia manatanteraka izany izy satria misy hery eo am-pelatanany.