Hosea 2:4 - DIEM PROTESTANTA

⁴ Miampangà an’i Israely reninareo; eny, miampangà azy, hoy Izaho TOMPO, fa izy tsy vadiko intsony ary Izaho tsy vadiny intsony. Aoka hoesoriny hiala amin’ny tavany ny mariky ny fivarotan-tenany ary hoesoriny tsy ho eo an-tratrany ny famantaram-panitsakitsaham-bady!

Baiboly Protestanta Malagasy 2011

⁴ Mifandahara amin’ny reninareo; eny, mifandahara fa tsy vadiko izy, ary tsy vadiny Aho! Aoka hesoriny hiala eo amin’ny tavany ny fijejojejoany ary tsy ho eo an-tratrany ny fijangajangany!

Dikateny Iombonana Eto Madagasikara

⁴ Miampangà an’i Israely reninareo; eny, miampangà azy, hoy Izaho TOMPO, fa izy tsy vadiko intsony ary Izaho tsy vadiny intsony. Aoka hoesoriny hiala amin’ny tavany ny mariky ny fivarotan-tenany ary hoesoriny tsy ho eo an-tratrany ny famantaram-panitsakitsaham-bady!

Baiboly Katolika

⁴ Mifandahara amin-dreninareo, mifandahara! Fa izy tsy vadiko intsony, ary Izaho tsy vadiny intsony. Aoka hoesoriny hiala amin’ny tavany, ny fijangajangany, ary tsy ho eo afovoan’ny nonony ny fanabodoany,

Baiboly Protestanta Malagasy

⁴ MIFANDAHARA amin-dreninareo, eny, mifandahara– Fa izy tsy vadiko, ary Izaho tsy vadiny– Ary aoka hesoriny ny fijejojejoany hiala eo amin’ny tavany Sy ny fijangajangany tsy ho eo an-tratrany;

Malagasy Bible

⁴ Mifandahara amin-dreninareo, eny, mifandahara fa izy tsy vadiko, ary Izaho tsy vadiny, ary aoka hesoriny ny fijejojejoany hiala eo amin'ny tavany sy ny fijangajangany tsy ho eo an-tratrany;

La Bible en Malgache

⁴ Mifandahara amin’ny reninareo; eny, mifandahara fa tsy vadiko izy, ary tsy vadiny Aho! Aoka hesoriny hiala eo amin’ny tavany ny fijejojejoany ary tsy ho eo an-tratrany ny fijangajangany!

Hosea 2:4 Rohy Ifampitohizana

2Mpanjaka 9:22

Raha vao nahita an’i Jehò i Jôrama, dia nanontany azy hoe: –Fihavanana ve no ahatongavanao, ry Jehò? Fa hoy ny navaliny: –Tsy hisy fihavanana, raha mbola manompo ireo andriamani-tsiizy sy manao majika i Jezebela reninao.

Isaia 27:11

Rehefa maina ny rantsan-kazo, dia hotapahina; ary ho avy ny vehivavy ka handoro azy. Tsy manam-pahalalana tokoa ity firenena ity ka tsy hiantran’ilay Mpahary azy, sady tsy hangorahan’ilay Mpamorona azy.

Isaia 50:1

Izao no fanontaniana ataon’ny TOMPO: «Aiza izay taratasy fisaoram-bady manaporofo fa noroahiko i Jerosalema reninareo? Sa iza no nivarotako anareo ho andevo mba ho fanefana ny trosako aminy? Indro ny helokareo ihany no nivarotana anareo ary ny fikomianareo ihany no nandroahana an-dreninareo.

Isaia 57:3

Fa ianareo kosa manatòna eto, ry zanaky ny mpamosavy, taranaky ny lehilahy mpanitsakitsa-bady sy ny vehivavy janga!

Jeremia 13:14

Hampifandrotehiko ny olona ka ny ray aman-dreny hamely ny zanany, hoy ny teny hentitra avy amiko TOMPO. Tsy hitsitsy na hiantra na hamindra fo Aho fa handringana azy.»

Jeremia 16:5

Izao koa no voalazan’ny TOMPO tamiko: «Aza miditra amin’ny tranom-paty na manatrika fandevenana na mitsapa alahelo akory, fa efa nesoriko tamin’ity vahoaka ity ny fihavanako sy ny hatsaram-poko ary ny fangorahako; teny hentitra avy amiko TOMPO izany.

Ezekiela 23:25

Noho ny fahatezerako aminao dia havelako hanao herisetra aminao ireo: hotapahiny ny oronao sy ny sofinao ary hovonoiny ho faty amin’ny sabatra ianao. Halainy ho babo ny zanakao lahy sy ny vavy fa holevonin’ny afo kosa ireo olona sisa tavela aminao.

Ezekiela 8:18

Ary Izaho kosa dia hamely azy amin’ny fahatezerako; tsy ho antra fijery azy Aho ary tsy hamindrafo aminy. Ka na dia hikiakiaka hiantso vonjy amiko aza izy, dia tsy hohenoiko.»

Ezekiela 9:10

Noho izany dia tsy ho antra fijery azy Aho ary tsy hamindrafo aminy; fa hataoko mivesatra ny vokatry ny fitondrantenany izy.

Hosea 1:2

Fony nanomboka niteny tamin’ny alalan’i Hôsea ny TOMPO, dia nanao taminy hoe: «Mandehana maka vady mpivarotena tokoa sy zanaka avy amin’ny fivarotan-tenany; fa ny mivarotena miala amin’ny TOMPO no ataon’ny mponina eto amin’ny tany.»

Hosea 1:6

Nitoe-jaza indray i Gômera ka niteraka zazavavy; ary hoy ny TOMPO tamin’i Hôsea: «Ataovy hoe Lô-Rohamà ny anarany, satria tsy haneho fitiavana intsony amin’ny taranak’i Israely Aho; eny, hotsoahiko aminy tanteraka ny fitiavako.

Hosea 5:7

Namadika ny TOMPO izy fa niteraka zazasary. Ankehitriny, iray volana latsaka dia ho levona izy mbamin’ny fananany.

Zakaria 1:12

Dia hoy ilay anjely hoe: «Ry TOMPOn’izao rehetra izao ô, indro fitopolo taona izao no nirehetan’ny fahatezeranao tamin’i Jerosalema sy tamin’ny tanàna hafa ao Joda. Mandra-pahoviana no mbola tsy hamindranao fo amin’izy ireo?»

Jaona 8:41

Fa ianareo kosa dia ny asan’ny rainareo no ataonareo. Dia hoy ireo taminy: –Tsy zaza sary izahay no nateraka; tokana ihany ny rainay, dia Andriamanitra.

Romana 11:22

Jereo àry fa sady mora fo Andriamanitra no sarotiny: sarotiny amin’izay lavo Izy, fa mora fo aminao kosa raha mitoetra ao amin’ny hamoram-pony ianao; fa raha tsy mitoetra ao ianao, dia hoesorina koa.

Romana 9:18

Koa izay tian’Andriamanitra hamindrana fo no amindrany fo, ary izay tiany hohamafisina fo no hamafisiny fo.

Jakoba 2:13

satria fitsarana tsy misy indrafo no hataon’Andriamanitra amin’izay tsy namindra fo; ny famindrampo kosa afa-mirehareha tsy matahotra ny fitsarana.