Hosea 11:2 - DIEM PROTESTANTA

² Nefa arakaraka ny niantsoako azy no vao mainka nanalavirany Ahy. Nanatitra sorona ho an’i Bahala izy ary nandoro vovo-javamanitra ho an’ny sampy.

Baiboly Protestanta Malagasy 2011

² Nony nisy niantso azy dia vao mainka izy nandositra ireny; ho an’ireo Baala no namonoany zavatra hatao fanatitra ary ho an’ny sarin-javatra voasokitra no nandoroany ditin-kazo manitra.

Dikateny Iombonana Eto Madagasikara

² Nefa arakaraka ny niantsoako azy no vao mainka nanalavirany Ahy. Nanatitra sorona ho an’i Bahala izy ary nandoro vovo-javamanitra ho an’ny sampy.

Baiboly Katolika

² Nisy fiantsoana nataoko tamin’izy ireo; nefa izy niamboho. Nanolotra sorona amin’ny Baala izy, sy emboka ho an’ny sampy.

Baiboly Protestanta Malagasy

² Nony nisy niantso azy, dia vao mainka nandositra ireny izy; Ho an’ireo Bala kosa no amonoany zavatra hatao fanatitra, Ary ho an’ny sarin-javatra voasokitra no andoroany ditin-kazo manitra.

Malagasy Bible

² Nony nisy niantso azy, dia vao mainka nandositra ireny izy; Ho an'ireo Bala kosa no amonoany zavatra hatao fanatitra, ary ho an'ny sarin-javatra voasokitra no andoroany ditin-kazo manitra.

La Bible en Malgache

² Nony nisy niantso azy dia vao mainka izy nandositra ireny; ho an’ireo Baala* no namonoany zavatra hatao fanatitra ary ho an’ny sarin-javatra voasokitra no nandoroany ditin-kazo manitra.

Hosea 11:2 Rohy Ifampitohizana

1Mpanjaka 12:33

Tamin’ny andro faha-15 amin’ny volana fahavalo dia nanatitra sorona teo amin’ny alitara izay naoriny tao Betela i Jerôbohama. Izy ihany no tompon-tsafidy ny amin’io datin’andro io. Ary nataony andro fety ho an’ny Israelita tavaratra izany ka niakatra teo amin’ny alitara mihitsy i Jerôbohama mba handoro ny sorona hanetona.

1Mpanjaka 18:19

Ary ankehitriny maniraha olona hamory ny vahoakan’i Israely rehetra hihaona amiko any an-tendrombohitr’i Karmela miaraka amin’ny mpaminanin’i Bahala 450 sy ny mpaminanin’i Aserà efajato izay mihinana eo amin’ny latabatr’i Jezebela.

Nehemia 9:30

Nandefitra taona maro taminy Ianao, ary ny mpaminaninao, nentanin’ny Fanahinao, no nananaranao azy mafy; fa tsy nety nihaino izy, ka dia natolotrao ho eo an-tanan’ny hafa firenena.

Isaia 65:7

ka indray hatsingeriko aminy, hoy Aho, ny heloka vitany sy ny heloky ny razany. Satria ireto koa efa nandoro zava-manitra mifangaro ho an’ny sampy teny an-tendrombohitra sy nihantsy Ahy teny amin’ny havoana; ka dia ho fatra mitafotafo mihitsy no hasetriko ny fitondrantenany fahiny!

Jeremia 18:15

Fa ny vahoakako kosa nanadino Ahy, ka nandoro zava-manitra mifangaro tamin’ireo sampy tsinontsinona izay nandavo azy teny an-dalany mba hialany amin’ny lalana mahazatra ary nampandeha azy tamin’ny lalan-kely izay mbola tsy voasoritra akory.

Jeremia 35:13

«Mitenena amin’ny vahoakan’i Joda sy ny mponina eto Jerosalema ianao, ka ataovy hoe: Izao no lazain’ny TOMPOn’izao rehetra izao sady Andriamanitr’i Israely: Moa tsy tokony ho nandray anatra va ianareo ka ho nihaino izay nolazaiko, hoy ny teny hentitra avy amiko TOMPO?

Jeremia 44:5

Kanefa tsy nihaino na nanongilan-tsofina akory ianareo hiala tamin’ny ratsy fanaonareo ka tsy hanolotra sorona amin’ireo andriamani-kafa.

Hosea 11:7

Minia miodina amiko ny vahoakako; ary antsoina mba hanatona Ahy ilay Avo izy fa tsy misy mety miainga izy rehetra.

Hosea 2:13

Hatsahatro ny fifaliany rehetra, dia ireo fety fanaony isan-taona, ireo voaloham-bolany sy ireo sabatany ary ireo fety hafa fankalàzany.

Hosea 4:13

Mihinana ny sorona aterina amin-tsampy eny an-tampon-tendrombohitra izy, ary mandoro ditin-kazo manitra eny amin’ny havoana, dia eny ambanin’ny hazo ôaka, sy ny hazo be ravina ary ny terebinta satria tsara alokaloka ireny Koa izany no mahatonga ny zanakavavinareo hivaro-tena sy ny vinantovavinareo hanitsakitsa-bady.

Hosea 4:17

Tafaray amin’ny sampy i Efraîma, ka avelao izy

Zakaria 1:4

Aza manahaka ny razanareo. Fa efa nantsoin’ny mpaminany fahiny tamin’ny anarako ireo mba hiala amin’ny toetra sy ny asa ratsiny, kanefa tsy nety nihaino sy nankato Ahy. Izaho TOMPOn’izao rehetra izao no manao izany teny hentitra izany.

Zakaria 7:11

Kanefa tsy nety nihaino izany ny olona; fa nanainga soroka ho fandavana izy sady nanentsin-tadiny mba tsy handre.

Lioka 13:34

«Ry Jerosalema, ry Jerosalema, ianao izay mpamono ny mpaminany sy mpitora-bato ireo irahin’Andriamanitra aminao. Efa impiry moa Aho no nikasa hanangona ny mponina eto aminao tahaka ny reniakoho manomba ny zanany eo ambany elany, kanefa tsy nety ianareo!

Jaona 3:19

Ary izao no anton’ny fanamelohana: efa tonga tamin’izao tontolo izao ny fahazavana, nefa naleon’ny olona ny haizina toy izay ny fahazavana, satria ratsy ny asany.

Asan’ny Apostoly 7:51

Olona mafy hatoka, mpikomy sady mpanetsin-tadîny ianareo! Toherinareo lalandava ny Fanahy Masina; dia ny razanareo navela mihitsy ianareo.

Mpitsara 10:6

Ary mbola nanao izay ratsy eo imason’ny TOMPO indray ny Israelita ka nanompo ny Bahala sy Hastarôta andriamani-tsiizy, mbamin’ny andriamanitry ny Sirianina sy ny Tsidônianina na ny andriamanitry Môabita sy ny Hamônita ary ny Filistinina; fa nandao ny TOMPO izy ka tsy nanompo Azy intsony.

Mpitsara 2:13

Eny, nandao ny TOMPO tokoa ny Israelita mba hanompo ireo Bahala sy ireo Hastôreta.

Mpitsara 3:7

Ary nanao izay ratsy eo imason’ny TOMPO ny Israelita fa nanadino ny TOMPO Andriamaniny ka nanompo ireo Bahala sy ireo Aserà.