Hosea 10:6 - DIEM PROTESTANTA

⁶ Satria io ombilahikely io koa dia hoentina any Asiria ho fanomezana ho an’ilay Mpanjaka lehibe; hahafa-baràka an’i Efraîma izany; eny, hangaihay i Israely noho ny sain-dratsiny.

Baiboly Protestanta Malagasy 2011

⁶ Hoentina any Asiria koa iny ho fanomezana ho an’i Jareba mpanjaka. Ho afa-baraka i Efraima; eny, hangaihay Israely noho ny zavatra nosaininy.

Dikateny Iombonana Eto Madagasikara

⁶ Satria io ombilahikely io koa dia hoentina any Asiria ho fanomezana ho an’ilay Mpanjaka lehibe; hahafa-baràka an’i Efraîma izany; eny, hangaihay i Israely noho ny sain-dratsiny.

Baiboly Katolika

⁶ Hoentina any Asiria koa izy, hatao fanatitra ho an’ny mpanjaka mpamaly; ho azon’ny henatra i Efraima, hangaihay noho ny hevitra voakasany i Israely.

Baiboly Protestanta Malagasy

⁶ Iny koa ho entina any Asyria Ho fanomezana ho an’i Jareba mpanjaka; Ho afa-baraka Efraima, Eny, hangaihay Isiraely noho ny saina nataony.

Malagasy Bible

⁶ Iny koa ho entina any Asyria ho fanomezana ho an'i Jareba mpanjaka; Ho afa-baraka Efraima, eny, hangaihay Isiraely noho ny saina nataony.

La Bible en Malgache

⁶ Hoentina any Asiria koa iny ho fanomezana ho an’i Jareba mpanjaka. Ho afa-baraka i Efraima; eny, hangaihay Israely noho ny zavatra nosaininy.

Hosea 10:6 Rohy Ifampitohizana

2Mpanjaka 17:3

Tonga nanafika azy i Salmanesera mpanjakan’i Asiria, koa dia nanaiky handoa hetra ho azy i Hôsea.

Joba 18:7

Hiambakavaka ilay famindrany matoky iny, ary ho lavon’ny foto-pisainany ihany izy;

Isaia 1:29

Tena ho diso fanantenana ianareo ny amin’ireo hazo terebinta izay nolalainareo; eny, ho menatra ianareo ny amin’ireo toerana nofidinareo hanaovana ny fombafomban-tsampy.

Isaia 30:3

Hivadika ho henatra ho anareo izany fiarovan’ny Farao izany, ary ho fahafaham-baràkanareo ny fialofana eo ambany alok’i Ejipta,

Isaia 45:16

Indro ny mpanamboatra sarivongan-tsampy fa ho indray menatra sy ho afa-baràka; mandeha mitanondrika izy rehetra.

Jeremia 48:13

Ho diso fanantenana i Môaba amin’i Kemôsy andriamaniny tahaka ny nahadiso fanantenana an’i Israely avaratra tamin’ny andriamanitr’i Betela izay nianteherany.

Jeremia 7:24

Kanjo tsy nihaino sady tsy niraharaha Ahy izy fa nanaraka ny heviny araka ny ditran’ny fony. Tsy nitodika tamiko izy fa niamboho Ahy.

Ezekiela 16:28

Saingy tsy afa-po ny filànao fa nijangajanga tamin’i Asiria koa ianao. Kanefa mbola tsy afa-po ihany ianao.

Ezekiela 36:31

Dia hotsaroanareo ny fitondrantena ratsy sy ny asa tsy mendrika nataonareo, ka hankaloiloy anareo ny helokareo sy ny zavatra maharikoriko vitanareo.

Daniela 11:8

Nentiny ho babo tany Ejipta avokoa ny sarivongan’ireo andriamanitr’izany tany izany miaraka amin’ny fanaka sarobidy volafotsy sy volamena; ary hijanona elaela tsy hamely an’ilay mpanjaka ao avaratra izy.

Hosea 4:19

Faohin’ny tadio mitambolimbolina izy ka ho menatra noho ireo sorona nataony.

Hosea 4:7

Arakaraka ny nahabetsaka ny mpisorona no vao mainka nanotany tamiko; ka dia hampodiko ho henatra ny voninahiny.

Hosea 5:13

Hitan’i Efraîma ny aretiny ary tsapan’i Joda ny feriny; ka nankany amin’i Asiria i Efraîma ary nandefa iraka tany amin’ilay mpanjaka lehibe; nefa tsy nahasitrana anareo izy sady tsy nahafaka ny ferinareo, ry olon’i Efraîma.

Hosea 8:6

Fa avy tamin’i Israely io ombilahikely io, mpahay taozavatra no namboatra azy, ka dia tsy Andriamanitra izy; eny, ho montsamontsana ilay ombilahikelin’i Samaria.

Mika 6:16

Fa tandremanareo fatratra ny ohatra ratsy nasehon’i Hômrỳ mpanjaka sy ny fihetsiky ry i Ahaba mianakavy, ka narahinareo ny fomba amam-panaony. Noho izany, dia hatolotro horavana ity renivohitrareo ity ary ho fihomehezana ianareo mponina ao aminy; ka ianareo no hitondra ny latsa mianjady amin’ny vahoakako.»