Hosea 10:12 - DIEM PROTESTANTA

¹² Mamafaza fahamarinana, dia hijinja fitiavana ianareo. Miasà tany vaovao fa izao no fotoana hitadiavana ny TOMPO, mandra-piaviny handatsaka aminareo ny famonjena.

Baiboly Protestanta Malagasy 2011

¹² Mamafaza ho anareo araka ny fahamarinana, mijinjà araka ny fitiavana, miasà tany vaovao ho anareo. Fa izao no andro hitadiavana NY TOMPO ambara-piaviny sy handatsahany fahamarinana aminareo.

Dikateny Iombonana Eto Madagasikara

¹² Mamafaza fahamarinana, dia hijinja fitiavana ianareo. Miasà tany vaovao fa izao no fotoana hitadiavana ny TOMPO, mandra-piaviny handatsaka aminareo ny famonjena.

Baiboly Katolika

¹² Afafazo araka ny fahamarinana ny voanareo; ataovy araka ny famindram-po ny fijinjànareo; miasà tany vao ho anareo; fa efa fotoana hitadiavana an’i Iaveh izao, mandra-piaviny handatsaka ny fahamarinana ao aminareo.

Baiboly Protestanta Malagasy

¹² Mamafaza ho anareo araka ny fahamarinana, Mijinjà araka ny fitiavana, Hevoy ny tombam-borakareo; Fa izao no andro hitadiavana an’i Jehovah Ambara-pihaviny sy handatsahany fahamarinana aminareo.

Malagasy Bible

¹² Mamafaza ho anareo araka ny fahamarinana, mijinjà araka ny fitiavana, hevoy ny tombam-borakareo; Fa izao no andro hitadiavana an'i Jehovah ambara-pihaviny sy handatsahany fahamarinana aminareo.

La Bible en Malgache

¹² Mamafaza ho anareo araka ny fahamarinana, mijinjà araka ny fitiavana, miasà tany vaovao ho anareo. Fa izao no andro hitadiavana NY TOMPO ambara-piaviny sy handatsahany fahamarinana aminareo.

Hosea 10:12 Rohy Ifampitohizana

Salamo 105:4

Katsaho ny TOMPO mahery, tadiavo lalandava ny fanatrehany.

Salamo 72:6

Aoka izy ho tahaka ny erika mifafy amin’ny vilona, ho tahaka ny oram-baventy manondraka ny tany!

Ohabolana 11:18

Karama manodoka no raisin’ny olon-dratsy; fa valisoa azo antoka no an’izay mamafy fahamarinana.

Ohabolana 18:21

ny mahafaty sy mahavelona dia miankina amin’ny teny, ka izay mankamamy miteny no hihinana ny vokany.

Mpitoriteny 11:6

Noho izany dia afafazo vao maraina ny voanao ary aza mitsahatra miasa mandra-paharivan’ny andro, fa tsy fantatrao izay ho vanona na ny teo aloha na ny tafara na koa samy ho vanona avokoa izy roa tonta.

Isaia 30:23

Handrotsaka ranonorana ny Tompo ho an’ny voa izay nafafinao any an-tsaha, ka ny sakafo hovokarin’ny tany dia sady ho betsaka no hatsiro. Amin’izany andro izany, ny biby fiompinao dia hiraoka amin’ny kijàna midadasika.

Isaia 31:1

Lozan’izay midina any Ejipta mba hitady famonjena! Ny soavaly no ianteherany; ny kalesy no itokiany satria maro ireny; ary ny mpitaingin-tsoavaly no antenainy, satria mahery tokoa ireny; fa tsy andrandrainy akory ilay Masin’i Israely ary tsy anontaniany mihitsy ny TOMPO.

Isaia 32:20

Kanefa ho sambatra ianareo afaka mamafy eny amoron-drano na aiza na aiza sady mamela ny omby sy ny boriky hiriaria!

Isaia 44:3

Fa hanosaka rano amin’izay mangetaheta Aho sy hampandriaka renirano amin’ny tany mangentana. Hatosako amin’ny zanakao ny Fanahiko ary amin’ny taranakao ny fitahiako.

Isaia 45:8

Aoka ny lanitra handrotsaka ando avy any ambony ary aoka ny rahona handatsaka rariny! Aoka hisokatra ny tany hampivelatra ny famonjena sy hampitsimoka ny fahamarinana! Izaho TOMPO no nahary io lehilahy io.

Isaia 48:18

Raha mba nihaino tsara ny didiko manko ianao, dia ho nikoriana toy ny ony ny fiadananao; ary ho toy ny onjan-dranomasina no fiavin’ny fanafahana anao!

Isaia 5:6

Hataoko tany lava volo ilay voaloboko ka tsy hisy hanety sy hiava azy intsony, fa tsilo sy songosongo no hitsiry eo; ary horarako mafy ny rahona tsy handatsaka ranonorana aminy.»

Isaia 54:14

Hitombina mafy amin’ny fahamarinana ianao: hampanalaviriko anao ny famoretana, ka tsy hatahotra na inona na inona intsony ianao; hampanalaviriko anao ny fampihorohoroana, ka tsy hananontanona anao intsony.

Isaia 55:6

Tadiavo ny TOMPO, dieny mbola manaiky ho hita, antsoy Izy, dieny mbola akaiky anareo.

Jeremia 50:4

Amin’izany andro sy fotoana izany, hoy ny teny hentitry ny TOMPO, dia hiara-tonga ny Israelita sy ny Jodeanina, ka sady mitomany izy no mandeha hitady Ahy TOMPO Andriamaniny.

Ezekiela 34:26

Avelako honina eny amin’ny manodidina ny tendrombohitra voatokana ho Ahy izy. Harotsako ara-potoana ny ranonorana ka hitondra fitahiambe izany.

Hosea 12:6

Teo ny TOMPO Andriamanitr’izao rehetra izao, ny TOMPO araka ny anarana ahatsiarovana Azy,

Hosea 14:1

Hozakain’ny mponin’i Samaria ny vokatry ny heloka nataony fa nikomy tamin’Andriamaniny izy. Ho faty an’ady ireo, ho voatorotoro ny zaza; ary hotatahina kibo ny vehivavy bevohòka.

Hosea 6:3

Amin’izay aoka hiaiky ny TOMPO isika; eny, aoka hiezaka hiaiky Azy isika! Azo antoka toy ny mazava atsinanana ny firotsahany hanao izany. Fa toy ny oram-baratra no hiaviany amintsika, dia toy ny oran-dohataona manamando tany.»

Hosea 8:7

Mamafy rivotra ianareo ka hijinja tadio. Fa hoy ny ohabolana hoe: «Vary tsy amin-tsalohy tsy vanon-ko lafarinina.»; ary raha tàhiny aza hisy, dia ny vahiny no handany azy.

Amosa 5:15

Ankahalao ny ratsy, tiavo ny tsara, ary ampitoero ao amin’ny fitsarana indray ny rariny; Angamba ny TOMPO Andriamanitr’izao rehetra izao hamindra fo amin’izay sisa amin’ny taranak’i Jôsefa.

Amosa 5:4

Izao no lazain’ny TOMPO amin’ny vahoakan’i Israely: «Tadiavo Aho, dia ho velona ianareo.

Amosa 5:6

Tadiavo ny TOMPO, dia ho velona ianareo. Fa raha tsy mitady Azy ianareo, ry taranak’i Jôsefa, dia hilatsaka aminareo tahaka ny afo Izy ka handevona an’i Betela, ary tsy hisy olona hahafaty ny afo.

Amosa 5:8

Fa ilay nanao ny kintana Kotokelimiadilaona sy ny kintana Telonohorefy, manova ny haizim-pito ho maraina sy manamaizina ny andro ho alina, miantso ny rano any an-dranomasina sy manapariaka azy eny ambonin’ny tany, dia ny TOMPO no anarany.

Lioka 13:24

–Ataovy mihitsy izay hahatafiditra eo amin’ny varavarana èty: fa maro, hoy Aho aminareo, no hitady hiditra nefa tsy ho afaka!

Asan’ny Apostoly 2:18

Eny, amin’izany andro izany, dia samy handrotsahako ny Fanahiko ireo mpanompoko na lahy na vavy ka hilaza hafatra avy amiko izy rehetra.

2Korintiana 9:10

Andriamanitra, Izay miantoka masomboly ho an’ny mpamafy sy hanin-kohanina, no hiantoka masomboly ho anareo sy hampitombo azy, ka hampamokatra be dia be ny asa fiantrana ataonareo.

Jakoba 3:18

Izay mampanjaka fihavanana dia mamafy amim-pihavanana, ary dia ny rariny no vokatra azony.