Hebreo 1:14 - DIEM PROTESTANTA

¹⁴ Fa inona moa ny anjely? Fanahy manompo an’Andriamanitra izy rehetra, ka irahiny mba hanasoa ireo olona natao handray famonjena.

Baiboly Protestanta Malagasy 2011

¹⁴ Tsy fanahy manompo va izy rehetra, irahina hanao fanompoana ho an’izay handova famonjena?

Dikateny Iombonana Eto Madagasikara

¹⁴ Fa inona moa ny anjely? Fanahy manompo an’Andriamanitra izy rehetra, ka irahiny mba hanasoa ireo olona natao handray famonjena.

Baiboly Katolika

¹⁴ Moa tsy fanahy manompo va izy rehetra, nirahina hanao fanompoana ho an’izay handova ny famonjena?

Baiboly Protestanta Malagasy

¹⁴ Tsy fanahy manompo va izy rehetra, nirahina hanao fanompoana ho an’izay handova famonjena?

Malagasy Bible

¹⁴ Tsy fanahy manompo va izy rehetra, nirahina hanao fanompoana ho an'izay handova famonjena?

La Bible en Malgache

¹⁴ Tsy fanahy manompo va izy rehetra, irahina hanao fanompoana ho an’izay handova famonjena?

Hebreo 1:14 Rohy Ifampitohizana

Genesisy 32:24

Nalainy ary nampitainy teo avokoa izay rehetra azy.

1Mpanjaka 22:19

Ary hoy indray i Mikaià: –Henoy àry ny tenin’ny TOMPO: Hitako nipetraka teo amin’ny sezafiandrianany manko ny TOMPO; ary ireo anjeliny marobe any an-danitra nijoro teo ankavanany sy teo ankaviany.

Joba 1:6

Indray andro raha tonga nanao tatitra tamin’ny TOMPO ireo zanak’Andriamanitra, dia mba tafaraka taminy teo koa i Satàna.

Salamo 104:4

nataonao haingam-pandeha toy ny rivotra ny anjelinao, nataonao mirehidrehitra toy ny tselatra ny mpanomponao.

Salamo 34:7

Niantso vonjy aho fa olo-mahantra ka nohenoin’ny TOMPO sy novonjeny tamin’izay fahoriako rehetra.

Daniela 3:28

Dia loa-bolana i Nebokadnetsara ka nanao hoe: –Hisaorana anie Andriamanitr’i Sadràka sy i Mesàka ary i Habeda-Negao; naniraka ny anjeliny manko Izy mba hamonjy ny mpanompony izay natoky Azy, ka nandika ny baiko nataoko. Fa naleon’ireo kosa nanolo-tena hampijalina toy izay hanompo sy hitsaoka andriamani-kafa ankoatra ilay Andriamaniny.

Daniela 6:22

Dia niteny tamin’ny mpanjaka i Daniela hoe: –Ho ela velona anie ianao, ry mpanjaka!

Daniela 7:10

Ony afo no nipoitra sy nikoriana avy teo anatrehany. An-tapitrisa ireo nanompo azy ary an-jato tapitrisa no nitsangana teo anatrehany. Dia nipetraka ireo mpitsara ary nosokafana ny boky.

Matio 1:20

Raha mbola nieritreritra izany izy, dia nisehoan’anjelin’ny Tompo tamin’ny nofy ka nilazany hoe: –Ry Jôsefa taranak’i Davida ô, aza matahotra ny hampakatra an’i Maria vadinao! Noho ny asan’ny Fanahy Masina tokoa no nampitoe-jaza azy.

Matio 13:41

Hirahin’ny Zanak’olona ny anjeliny; ary ny anjely no hanaisotra tsy ho eo amin’ny Fanjakan’ny Zanak’olona izay rehetra mpitaona ny hafa hanota sy izay mpanao ratsy,

Matio 18:10

–Tandremo fandrao ataonareo tsinontsinona na dia ny anankiray amin’itony madinika itony aza. Eny, lazaiko aminareo fa ny anjelin’izy ireny, any an-danitra, dia manatrika lalandava ny Raiko Izay any an-danitra.

Matio 2:13

Rehefa lasa nody ireo olon-kendry, dia nisehoan’anjelin’ny Tompo tamin’ny nofy i Jôsefa ka nilazany hoe: –Mifohaza ianao, ka ento mandositra any Ejipta ny zazakely sy ny reniny; ary mitoera any ambara-pilazako aminao indray. Fa efa hotadiavin’i Herôda ny zazakely mba hamonoany azy.

Matio 24:31

Dia hisy trompetra haneno mafy; ary hirahin’ny Zanak’olona ireo anjeliny, ka ireo no hanangona ny olom-boafidiny avy any amin’ny vazan-tany efatra, manomboka amin’ny faravodilanitra ankilany ka miafara amin’ny faravodilanitra andaniny.

Matio 25:34

Ary dia izao no holazain’ny Mpanjaka amin’izay eo ankavanany: «Avia ianareo nombàn’ny Raiko fitahiana; raiso ho lova ny Fanjakana izay voavoatra ho anareo hatrizay nahariana an’izao tontolo izao.

Matio 4:11

Izay vao nandao Azy ny devoly, ary indreo nisy anjely tonga teo amin’i Jesoa ka nanompo Azy.

Marka 10:17

Ary nony niainga handeha i Jesoa, dia nisy lehilahy nanatona Azy, ka nandohalika teo anoloany ary nanontany Azy hoe: –Ry Mpampianatra tapitra ohatra ô, inona no tokony hataoko hananako anjara amin’ny fiaina-maharitra mandrakizay?

Lioka 1:19

Dia novalian’ny anjely hoe: –Izaho no Gabriela, ilay mijoro eo anatrehan’Andriamanitra mba hanompo Azy; nirahiny aho hiteny aminao sy hanambara aminao izany hafatra mahafaly izany.

Lioka 1:23

Rehefa tapitra ny fotoana anjara fanompoany, dia lasa nandeha nody i Zakarià.

Lioka 16:22

Maty ilay mahantra, ka nentin’ny anjely ho eo anilan’i Abrahama; maty koa ilay mpanankarena, dia nalevina.

Lioka 2:13

Ary nisy anjely alikisa avy any an-danitra niseho niaraka tamin’ilay anjely teo ka nidera an’Andriamanitra nanao hoe:

Lioka 2:9

Nisy anjelin’ny Tompo niseho tampoka taminy; ary nohodidinin’ny voninahitry ny Tompo ireo mpiandry ondry ka raiki-tahotra izaitsizy.

Asan’ny Apostoly 11:22

Nandre ny lazan’izany ny Fiangonana tany Jerosalema, ka naniraka an’i Barnabà hankany Antiôkia.

Asan’ny Apostoly 12:23

Niaraka tamin’izay dia nisy anjelin’ny Tompo namely an’i Herôda, noho izy nihambo hitovy saranga amin’Andriamanitra; ka dia nohanin-kankana no nahafaty azy.

Asan’ny Apostoly 12:7

Dia indro nisy anjelin’ny Tompo tonga teo, ary namirapiratry ny hazavana tao amin’ilay efitry ny fonja. Notohinin’ilay anjely teo amin’ny tehezany i Petera, dia nofohaziny ka nataony hoe: –Mitsangàna faingana! Nilatsaka ho azy ny gadra tamin’ny tanan’i Petera.

Asan’ny Apostoly 13:2

Indray andro raha nanao fanompoam-pivavahana tamin’ny Tompo sady nifady hanina ny iray Fiangonana, dia hoy ny Fanahy Masina: –Atokàny ho Ahy i Barnabà mbamin’i Saoly hanao ny asa izay niantsoako azy.

Asan’ny Apostoly 16:26

Dia injay nisy horohorontany mafy tonga tampoka nanozongozona ny fonja hatrany amin’ny fanorenany. Nivoha nidanadana ho azy ny varavarana rehetra, ary samy nivaha ho azy ny fatoran’ireo gadra rehetra.

Asan’ny Apostoly 27:23

Halina manko dia nisy anjelin’ilay Andriamanitra Tompoko sady ivavahako tonga tamiko

Asan’ny Apostoly 5:19

Nefa nony alina, dia nisy anjelin’ny Tompo namoha ny varavaran’ny fonja ary namoaka ny apôstôly sady nanao taminy hoe:

Romana 11:14

sao mba hahavelom-pialonana ireo havako ara-nofo, ka hahavonjeko ny sasany amin’izy ireo.

Romana 13:6

Izany ihany koa no antony andoavanareo hetra; fa ny mpiasam-panjakana miandraikitra izany dia mpandraharahan’Andriamanitra mitozo amin’io asa io.

Romana 15:16

fa izaho dia natokan’Andriamanitra ho mpanompon’i Kristy Jesoa eo amin’ny hafa firenena. Manatontosa fanompoana toy ny mpisorona aho, amin’ny itoriako ny Vaovao mahafaly avy amin’Andriamanitra, mba ho zary fanatitra ankasitrahin’Andriamanitra ireo hafa firenena, rehefa voatokana ho azy noho ny asan’ny Fanahy Masina.

Romana 15:27

Eny, sitrapony tokoa izany, sady adidiny amin’ireo mahantra ireo: satria ny kristianina jiosy tany Jerosalema dia nizara ny harena ara-panahy nananany tamin’ireo hafa firenena; ka adidin’ny kristianina hafa firenena kosa ny manompo azy ireo amin’ny harena ara-nofo.

Romana 8:17

Ary raha zanaka, dia mpandova koa; ka sady mpandova ny soa nampanantenain’Andriamanitra no mpiara-mandova izany amin’i Kristy: satria raha miara-mijaly amin’i Kristy isika, dia hiara-komem-boninahitra aminy koa.

1Korintiana 1:21

Fa ny fahendren’olombelona dia tsy nahalalan’izao tontolo izao an’Andriamanitra na dia teo amin’izay nihariharian’ny fahendren’Andriamanitra aza. Noho izany, dia sitrak’Andriamanitra ho tamin’ny alalan’ny hafatra miendrika fahadalana izay torînay no hamonjena ny olona izay mino.

2Korintiana 9:12

Satria ny fanaovana izao asa famoriam-bola izao dia tsy hoe mahafa-pahasahiranana ny vahoakan’Andriamanitra any Jodea fotsiny, fa mahabe ny fisaoran’ny maro an’Andriamanitra koa.

Galatiana 3:29

Ary raha an’i Kristy ianareo, dia taranak’i Abrahama sy mpandova araka ny fampanantenana nataon’Andriamanitra.

Galatiana 3:7

Koa fantaro fa izay velona noho ny finoana no tena zanak’i Abrahama.

Galatiana 3:9

Nino i Abrahama ary nomban’Andriamanitra fitahiana; ary izay velona noho ny finoana dia hombàn’Andriamanitra fitahiana tahaka azy koa.

Efesiana 3:6

Izao àry izany tsiambaratelo izany: amin’ny alalan’ny Vaovao Mahafaly, ny hafa firenena dia natao hitambatra amin’ny Jiosy ka hiara-mandova ny zava-tsoa natokan’Andriamanitra ho an’ny vahoakany, sy ho tena iray ihany ary hiombona anjara amin’ny fampanantenàn’Andriamanitra ao amin’i Kristy Jesoa.

Filipiana 2:17

Mety halatsa-dra ho sorona araraka aho ka hampombaina ilay sorona atolotrareo an’Andriamanitra, dia ny finoanareo. Raha izany tokoa, dia faly aho ary mampiombona anareo rehetra amin’ny hafaliako;

Filipiana 2:25

Nefa nihevitra aho fa tokony halefako atỳ aminareo i Epafrôdito havantsika, izay mpiara-miasa sy mpiara-miady amiko, sady iraka nampitondrainareo ny fanampiana izay nilaiko.

2Tesaloniana 1:7

ary homeny fialan-tsasatra miaraka aminay ianareo ampahorîna. Ho tonga izany amin’ny andro hisehoan’i Jesoa Tompo avy any an-danitra, otronin’ireo anjely mitory ny heriny;

Titosy 3:7

hahatonga antsika ho marina eo anatrehan’Andriamanitra noho ny fahasoavan’i Kristy sy hahatonga antsika hanana anjara amin’ny fiaina-maharitra mandrakizay efa antenaintsika.

Hebreo 10:11

Ny mpisorona rehetra dia samy nijoro isan’andro manao fanompoam-pivavahana sy manolotra matetika ny sorona fanaony, izay sorona tsy mahaisotra ny fahotana velively.

Hebreo 2:3

ka hataontsika ahoana no fandositra, raha tsy raharahaintsika ny famonjen-dehibe toy izany? Ny Tompo mihitsy no efa nitory voalohany izany famonjena izany, ary nohamafisin’ireo izay nandre mba ho fanasoavana antsika.

Hebreo 5:9

Nony efa tonga amin’izay fanaperana Izy, dia zary loharanom-pamonjena mandrakizay ho an’izay rehetra manoa Azy,

Hebreo 6:12

Tsy tianay ho ketraka ianareo fa mba hanahaka ireo mino sy maharitra ka manana anjara amin’ny soa nampanantenain’Andriamanitra.

Hebreo 6:17

Sitrak’Andriamanitra hiharihary tsara kokoa tamin’ireto natao handova ny soa nampanantenainy, fa tsy miova ny fikasany; ka dia notovonany fianianana ny fampanantenana nataony:

Hebreo 8:6

Fa ankehitriny i Jesoa dia nanankinana fanompoam-pivavahana tsara lavitra noho ny an’ireo mpisorona ireo, satria Izy no mpanalalana amin’ny Fanekempihavanana tsara lavitra izay miorina amin’ny fampanantenana tsara lavitra.

Hebreo 9:28

toy izany koa i Kristy: voatolotra ho sorona indray mandeha monja Izy, mba hanesorana ny otan’ny besinimaro. Hiseho fanindroany Izy, kanefa tsy hanaisotra ota intsony amin’izay fa hamonjy an’ireo miandry Azy.

Jakoba 2:5

Mihainoa, ry havako malala: ireo mahantra eto amin’izao tontolo izao no efa nofidin’Andriamanitra, mba hanan-karena amin’ny finoana ka handray ny Fanjakana izay nampanantenainy homena ireo tia Azy.

1Petera 1:12

Nasehon’Andriamanitra tamin’ireo mpaminany fa ny zavatra nomena horaharahainy dia tsy natao ho azy ireo fa natao ho anareo; ary izany zavatra izany dia nampandrenesina anareo ankehitriny, tamin’ny alalan’ireo olona izay nombàn’ny Fanahy Masina nirahina avy tany an-danitra ka nitory ny Vaovao Mahafaly taminareo. Eny, izany zavatra izany aza dia irîn’ireo anjely hodinihina.

1Petera 1:4

fa hahazo ny lova tsy mety simba sady tsy azon-doto no tsy mety levona. Voatahiry any an-danitra io lova io mba ho anareo,

1Petera 3:7

Toy izany koa, ianareo lehilahy, mahaiza miara-mitoetra amin’ny vadinareo izay malemy paika kokoa noho ianareo araka ny efa fantatrareo; manehoa fanajana azy fa mpiombona anjara amin’ilay fiainana nomen’Andriamanitra ianareo mivady. Izany atao, mba tsy hisy zavatra hanampontsampona ny fivavahanareo.

Joda 1:14

I Henôka, ilay taranaka fahafito nandimby an’i Adama, dia efa naminany koa ny amin’ireo olona ireo, ka nilaza hoe: «Indro tonga ny Tompo, otronin’ny anjely masiny tsy tambo isaina,

Apokalipsy 5:6

Dia hitako nisy Zanakondry nijoro teo anelanelan’ilay sezafiandrianana mbamin’ny zava-miaina efatra ankilany sy ireo loholona an-daniny. Tahaka ny efa voavono ho faty io Zanakondry io, ary nanana tandroka fito sy maso fito, dia ny Fanahy Masina ombàm-panomezana fito avy amin’Andriamanitra, Izay efa nirahina hankany amin’ny tany tontolo.