Hebreo 2:1 - DIEM PROTESTANTA

¹ Izany no tokony hitandremantsika mafimafy kokoa izay efa rentsika, fandrao voatarika hiala amin’izany isika.

Baiboly Protestanta Malagasy 2011

¹ Ary amin’izany dia tsy maintsy hotandremantsika mafimafy kokoa izay efa rentsika, fandrao hindaosina hiala aminy isika.

Dikateny Iombonana Eto Madagasikara

¹ Izany no tokony hitandremantsika mafimafy kokoa izay efa rentsika, fandrao voatarika hiala amin’izany isika.

Baiboly Katolika

¹ Noho izany, tsy maintsy mikely aina hitandrina tsaratsara kokoa izay efa rentsika isika, fandrao dia voatarika hiala amin’izany.

Baiboly Protestanta Malagasy

¹ Ary amin’izany dia tokony hotandremantsika mafimafy kokoa izay efa rentsika, fandrao hindaosina hiala aminy isika.

Malagasy Bible

¹ Ary amin'izany dia tokony hotandremantsika mafimafy kokoa izay efa rentsika, fandrao hindaosina hiala aminy isika.

La Bible en Malgache

¹ Ary amin’izany dia tsy maintsy hotandremantsika mafimafy kokoa izay efa rentsika, fandrao hindaosina hiala aminy isika.

Hebreo 2:1 Rohy Ifampitohizana

1Tantara 22:13

Eny, raha tandremanao hotanterahina ny lalàna amam-pitsipika izay nandidian’ny TOMPO an’i Mosesy ho an’ny Israelita, dia hambinina tokoa ianao. Mahereza sy matanjaha, fa aza matahotra na mivadi-po.

Salamo 119:9

Raha maninona ny tanora no hadio toetra? Raha mitandrina ny teninao.

Ohabolana 3:21

Anaka, ny fahamalinana sy ny fahaiza-mandinika no ifikiro ka imasoy hatrany.

Habakoka 1:6

Fa indro antsoiko ny Babilônianina, dia ilay firenena masiaka sy tsy mivatravatra; mitety faritra midadasika ireo hakàny ny tanin’ny sasany.

Habakoka 2:16

Ho rakotra henatra ianareo fa tsy voninahitra: Misotroa koa ianareo ka mitanjaha! hoentin’ny TOMPO hampibobohany anareo ilay tsangambava feno ny famaizany ka hiova fahafaham-baràka ny voninahitrareo.

Matio 16:9

Mbola tsy takatrareo foana ve? Tsy tsaroanareo ve ny mofo dimy ho an’ny vatan-dehilahy dimy arivo ary ny hamaroan’ireo sobika feno nentinareo nody?

Marka 8:18

Mana-maso ianareo ka no tsy mahita, ary manan-tsofina ka no tsy mandre? Tsy tsaroanareo angaha?

Lioka 8:15

Ny latsaka tamin’ny tany tsara kosa dia izay mahaheno ny teny amin’ny fo tsara sy lavorary, ka mitana azy, ary mamokatra amin’ny faharetana.

Lioka 9:44

–Tadidio tsara izao teny izao: Hatolotra eo an-tanan’ny olombelona ny Zanak’olona.

Jaona 8:59

Tamin’izay dia naka vato hitorahana Azy ny olona; fa i Jesoa kosa niery ka lasa nivoaka ny kianjan’ny tempoly.

Deoteronomia 4:23

Mitandrema ianareo fandrao manadino ny fanekempihavanana nataon’ny TOMPO Andriamanitrareo taminareo, ka manao sarin-javatra voasokitra ho sampinareo, araka ny endriky ny zavatra rehetra izay efa nandraran’ny TOMPO Andriamanitrareo anareo.

Deoteronomia 4:9

Kanefa kosa mitandrema ianareo ka miambena tena fandrao hanadino ny zavatra efa hitanareo maso na hamela izany hiala tao am-ponareo, amin’ny andro rehetra hiainanareo; fa ampahafantaro ny zanakareo aman-jafinareo izany.

Hebreo 12:5

Ary efa hadinonareo ve ny teny fampaherezana milaza aminareo toy ny amin-janaka hoe: «Anaka, aza atao tsirambina ny famaizana ampiharin’ny Tompo; ary aza ketraka rehefa anariny.

2Petera 1:15

Ary dia hiezaka tokoa aho mba hisy hahatsiarovanareo izany zavatra izany mandrakariva, rehefa maty aho.

2Petera 3:1

Ry hava-malala, ity izao no taratasy faharoa soratako ho anareo.