Genesisy 49:10 - DIEM PROTESTANTA

¹⁰ Tsy hiala amin’i Joda ny tehim-panjakana, ary tsy hiala amin’ny taranany ny tehim-pibaikoana mandra-pahatongan’ilay tena tompony izay hankatoavin’ny firenena rehetra.

Baiboly Protestanta Malagasy 2011

¹⁰ Ny tehim-panjakana dia tsy hiala amin’i Joda ary ny tehim-panapahana dia tsy hiala eo anelanelan’ny tongony, mandra-pahatongan’i Silo ka hanoa azy ny firenena maro.

Dikateny Iombonana Eto Madagasikara

¹⁰ Tsy hiala amin’i Joda ny tehim-panjakana, ary tsy hiala amin’ny taranany ny tehim-pibaikoana mandra-pahatongan’ilay tena tompony izay hankatoavin’ny firenena rehetra.

Baiboly Katolika

¹⁰ Tsy hiala amin’i Jodà ny tehim-panjakana, tsy hiala eo anelanelan’ny tongony ny tehina fanapahana, mandra-piavin’i Silô: Izy no hotoavin’ny firenena.

Baiboly Protestanta Malagasy

¹⁰ Ny tehim-panjakana tsy hiala amin’i Joda, Na ny tehina fanapahana eo anelanelan’ny tongony, Mandra-pahatongan’i Silo, Ka hanoa Azy ny firenena.

Malagasy Bible

¹⁰ Ny tehim-panjakana tsy hiala amin'i Joda, na ny tehina fanapahana eo anelanelan'ny tongony, mandra-pahatongan'i Silo, ka hanoa Azy ny firenena.

La Bible en Malgache

¹⁰ Ny tehim-panjakana dia tsy hiala amin’i Joda ary ny tehim-panapahana dia tsy hiala eo anelanelan’ny tongony, mandra-pahatongan’i Silo ka hanoa azy ny firenena maro.

Genesisy 49:10 Rohy Ifampitohizana

2Samoela 7:13

Izy no hanao trano ho an’ny anarako; ary haoriko mafy mandrakizay ny sezafiandrianam-panjakàny.

2Samoela 7:16

Ho azo antoka hitohy mandrakizay any aorianao ny taranakao sy ny fanjakanao, ary ny sezafiandriananao tsy ho voahozongozona mandrakizay.› »

1Tantara 12:24

Izao no isan’ny vatan-dehilahy vonona hiady izay tonga tany amin’i Davida tao Hebrôna mba hamindra aminy ny fanjakàn’i Saoly araka ny baikon’ny TOMPO:

1Tantara 12:39

Ireo miaramila rehetra vonon-kilahatra hiady ireo no tonga tao Hebrôna tamin’ny fony manontolo mba hampanjaka an’i Davida amin’i Israely lafy valo; ary ny Israelita sisa rehetra koa niray fo mba hampanjaka an’i Davida.

Salamo 108:8

Tao an-Toeramasiny no niteny Andriamanitra hoe: «Faly tokoa Aho fa hizara an’i Sekema sy ny lohasahan’i Sokôta ho an’ny vahoakako;

Salamo 60:7

Vonjeo amin’ny herinao izahay ary valio vavaka, dia ho afaka fa vahoaka malalanao.

Salamo 60:9

Ahy i Gilehada, Ahy koa i Manase; i Efraîma no toy ny fiaro lohako; i Joda no toy ny tehim-piandrianako.

Salamo 78:68

fa ny fokon’i Joda no voafidiny ary ny tendrombohitra Tsiôna no maminy;

Isaia 11:10

Amin’izany andro izany ny solofon’i Jisay dia hatsangana ho fanevan’ny firenena rehetra; ka hitady azy ny firenen-kafa, ary hanjary be voninahitra ny fonenany.

Isaia 2:2

Izao no hiseho amin’ny andro any aoriana: Ny tendrombohitra misy ny tranon’ny TOMPO dia hanerinerina ambonin’ny tendrombohitra sisa ka hasandratra ho avo kokoa noho ireo havoana; dia hitanjozotra hankany ny firenena rehetra.

Isaia 33:22

Ny TOMPO no ho mpitarika antsika, IZY no ho mpanao lalàna ho antsika; ny TOMPO no ho mpanjakantsika sy ho mpamonjy antsika.

Isaia 42:1

Indro ny mpanompoko izay tohanako, ilay voafidiko sady ankasitrahiko. Napetrako tao aminy ny Fanahiko mba hamoahany ny lamina ara-drariny ho an’ny firenena.

Isaia 55:3

Mankanesa atỳ amiko ianareo, ka manongilàna sofina; henoy Aho, dia ho velombelona indray ny tenanareo. Hanaovako fanekempihavanana mandrakizay ianareo ka homeko ny fitahiana nampanantenaiko an’i Davida:

Isaia 60:1

Mitsangàna, ry Jerosalema ô, mamirapirata, satria tonga ny famirapiratanao: ny voninahitry ny TOMPO no manazava anao toy ny masoandro miposaka.

Isaia 62:11

Injay nisy baiko nampitain’ny TOMPO hatrany amin’ny faran’ny tany! Koa lazao amin’ny olona ao Tsiôna hoe: «Indro tonga ny Mpamonjinareo, indro entiny miaraka aminy ny karama azony ary eo anoloany ny valin-kasasarany.»

Isaia 9:6

Hanao izay hanitarana ny fahefàny izy ary hampisy fiadanana tsy misy fetra. Ny sezafiandrianan’i Davida no hipetrahany ary ny fanjakany no hofeheziny ka haoriny sy hohamafisiny amin’ny rariny sy ny hitsiny, hatramin’izao ka ho mandrakizay. Izany no hotanterahin’ny TOMPOn’izao rehetra izao, vokatry ny firedaredam-pitiavany.

Jeremia 30:21

Anankiray avy aminareo ihany no ho lehibenareo ary iray avy eto anivonareo ihany no ho mpitarika anareo. Havelako hanatona Ahy izy, fa tsy misy hamono tena hanatona Ahy raha tsy nasaiko hanao izany, hoy ny teny hentitra avy amiko TOMPO.

Jeremia 33:26

Koa hariako ve ny taranak’i Jakôba sy ny an’i Davida mpanompoko? Holaviko ve ny hanendry lehibe hitondra ny taranak’i Abrahama sy i Itsehàka ary i Jakôba? «Tsia, fa hamerina azy amin’ny laoniny Aho ary hamindrafo aminy.»

Ezekiela 19:11

ka nisy rantsana mafy azo atao tehim-pahefàn’ny mpifehy; dia nisondrotra avo nitehi-drahona izy, ka nikoizana noho ny haavony mbamin’ny hamaroan’ireo rantsany.

Ezekiela 19:14

Nisy afo nivoaka avy tao amin’ny tahony ka nandevona ny rantsany sy ny voany; dia tsy misy intsony rantsana mafy azo atao tehim-pahefàn’ny mpifehy.» Tononkiram-palahelovana izany ka tokony hohiraina amin’alahelo.

Ezekiela 21:27

Ny zana-tsipîka manondro an’i Jerosalema dia nianjera teo an-kavanany. Koa hanandra-peo hanao akoran’ady izy ary hampametraka ny kanontabe hamelezana ny vavahadin-tanàna, hampanangana ny tovon-tany ary hampandavaka ireo hady fanafihana.

Ezekiela 21:32

Faharavana, faharavana, faharavana: hataoko toy izany i Jerosalema. Ho potika tanteraka ny tanàna, saingy tsy alohan’ny hahatongavan’ilay homeko fahefana hanafay azy›. »

Daniela 9:25

Izao no aoka ho fantatrao sy ho azonao: manomboka amin’ny fotoana nivoahan’ny hafatra mampanamboatra indray an’i Jerosalema, ka hatramin’ny fotoana isehoan’ilay mpitarika voahosotra, dia hisy fito taona impito. Avy eo, mandritra ny fito taona in-62 dia hamboarina indray ny tanàna sy ny hady, nefa ho androm-pahoriana izany.

Mika 5:1

Dia hoy ny Tompo hoe: «Ianao, ry Betlehema Efratà, isan’ireo tanàna kely indrindra ao Joda ianao! Kanefa avy aminao no hamoahako ilay ho Mpanjaka an’i Israely. Efa hatramin’ny fahagola no niandohany, dia hatramin’ny andro taloha elabe.»

Hagay 2:7

Hakorontako ambony ambany ny firenen-drehetra. Hoentina eto, ny hareny rehetra ary dia hofenoiko famirapiratana indray ity trano ity, hoy Izaho TOMPOn’izao rehetra izao.

Zakaria 10:11

Hamakivaky ny ranomasim-pahoriana izy; Izaho Tompo kosa hively ny onjan-dranomasina sy hahatankina tanteraka ny onin’ny Neily. Dia haetry ny avonavon’i Asiria, ary ho very fahefana i Ejipta.

Zakaria 2:11

«He! Ry vahoakan’i Tsiôna voasesitany ao Babilôna, mitsoaha tao ianareo.»

Nomery 21:18

Fantsakana nohadin’ireo filoha nombàn’ny tehim-pahefàny; fantsakana nolavahan’ireo loholona nombàn’ny tehim-pifehezany.» Rehefa niala tao an-taniefitra ny Israelita, dia nankany Matanà.

Nomery 24:17

«Izao no hitako, saingy tsy mbola ankehitriny no hisehoany; izao no tazako, saingy mbola any aoriana lavitra no hitrangany; Misy kintana mipoitra avy amin’ny taranak’i Jakôba, misy mpanjaka mipongatra avy amin’ny Israelita ka ny tehim-panjakàny no mamely ny fihirifan’ny Môabita sy ny lohan’ny mpanakorontana rehetra.

Nomery 24:19

fa misy mpanapaka hiseho avy amin’ny taranak’i Jakôba ka handringana ny sisa velona afa-mandositra avy ao Sehîra.»

Matio 1:21

Ary ho tera-dahy izy ka i Jesoa no anarana hiantsoanao ny zaza: fa io zaza io no hamonjy ny vahoakany ho afaka amin’ny fahotany.

Matio 17:5

Raha mbola niteny i Petera, dia nisy rahona mazava nanarona azy rehetra; ary injao nisy feo avy tao amin’io rahona io nanao hoe: –Ity no Zanako, ilay Malalako; Izy no sitrako! Henoy Izy!

Matio 21:9

Ary ny vahoaka izay nialoha Azy sy izay nanaraka dia samy niantsoantso hoe: «Dera anie ho an’ny Zanak’i Davida! Hombam-pitahiana amin’ny anaran’ny Tompo anie Ilay avy! Dera anie ho an’Andriamanitra any amin’ny avo indrindra!»

Matio 25:32

Ary hangonina eo anatrehan’ny Zanak’olona ny firenena rehetra. Dia hanavaka ny olona ho roa tonta ny Zanak’olona, tahaka ny mpiandry manavaka ny ondry amin’ny osy;

Jaona 12:32

Ary Izaho, rehefa voasandratra avy eo amin’ny tany, dia hitaona ny olona rehetra hanatona Ahy.

Jaona 18:31

Ka hoy i Pilato taminy: –Ento Izy, ka tsarao araka ny lalànanareo. Fa hoy ny Jiosy taminy: –Tsy manam-pahefana hahafaty olona izahay.

Jaona 19:12

Noho izany, dia nitady handefa Azy i Pilato, saingy nantsoantsoin’ny Jiosy hoe: –Raha alefanao ilay io, dia tsy mba sakaizan’ny amperôra rômanina ianao; fa izay rehetra manao ny tenany ho mpanjaka, dia manohitra ny amperôra rômanina.

Jaona 19:15

Fa niantsoantso ireo nanao hoe: –Vonoy, vonoy, homboy amin’ny hazofijaliana io! Dia hoy i Pilato taminy: –Dia hohomboako amin’ny hazofijaliana ve ny Mpanjakanareo? Ka novalian’ny lohandoha-mpisorona hoe: –Tsy manana mpanjaka afa-tsy ny amperôra rômanina izahay.

Jaona 9:7

ary nanao taminy hoe: –Ndeha ianao misasa maso any amin’ny dobo Silôà. (Silôà dia midika hoe «Nirahina».) Dia lasa nankany izy ary nisasa maso ka nahiratra rehefa niverina.

Romana 15:12

Ary hoy indray i Isaià hoe: «Ho avy ilay solofon’i Jisay, dia ilay hitsangana hifehy ny firenena: Izy no hitokian’ireo firenena!»

2Korintiana 5:10

satria tsy maintsy hiseho eo anatrehan’i Kristy mba hotsarainy isika rehetra, ka handraisan’ny tsirairay avy ny tandrify azy araka izay nataony na tsara na ratsy fony mbola velona tao amin’ity vatana ity.

Deoteronomia 28:57

eny, na hoe ny zazakely vao natera-dravehivavy sy ny tavony afaka taminy aza, dia hataony ratsy fijery; hohaniny mangingina manko ireny fa tsy manana na inona hatao sakafo izy mandritra izany fahirano izany, rehefa hanery mafy anareo ny fahavalonareo any amin’ny tanànareo any.

Hebreo 7:14

Eny, fantatra mazava tsara fa avy amin’ny fokon’i Joda no nipoiran’ny Tompontsika; ary izany foko izany, rehefa niteny momba ny mpisorona i Mosesy, dia tsy mba voatonony velively.

Apokalipsy 11:15

Dia nitsoka trompetra ny anjely fahafito, ka nisy feo mahery tany an-danitra nanao hoe: «Efa lasan’ny Tompontsika sy ilay Mesiany ny fanjakana amin’izao tontolo izao, ka ho fanjakana maharitra mandrakizay izany!»