Genesisy 48:15 - DIEM PROTESTANTA

¹⁵ Toy izao ny tsodrano nomen’i Jakôba an’i Jôsefa: Antsoiko Andriamanitra hitsodrano, fa teo anatrehany no nizoran’i Abrahama raibeko sy i Itsehàka raiko; antsoiko Andriamanitra Izay nanolokolo ahy hatrizay niainako ka mandraka ankehitriny;

Baiboly Protestanta Malagasy 2011

¹⁵ Dia nitsodrano an’i Josefa izy ka niteny hoe: Andriamanitra izay nandehanan’i Abrahama sy Isaka razako teo anatrehany, Andriamanitra Mpiandry ahy hatrizay niainako ka mandraka androany,

Dikateny Iombonana Eto Madagasikara

¹⁵ Toy izao ny tsodrano nomen’i Jakôba an’i Jôsefa: Antsoiko Andriamanitra hitsodrano, fa teo anatrehany no nizoran’i Abrahama raibeko sy i Itsehàka raiko; antsoiko Andriamanitra Izay nanolokolo ahy hatrizay niainako ka mandraka ankehitriny;

Baiboly Katolika

¹⁵ Dia nitso-drano an’i Josefa izy, ka nanao hoe: «Enga anie ka ilay Andriamanitra izay teo anatrehany no nandehanan’i Abrahama sy i Isaaka razako, ilay Andriamanitra izay namelona ahy hatrizay niainako ka mandrak’ankehitriny,

Baiboly Protestanta Malagasy

¹⁵ Dia nitso-drano an’i Josefa izy ka nanao hoe: Andriamanitra, Izay nandehanan’i Abrahama sy Isaka razako teo anatrehany, Andriamanitra, Izay Mpiandry ahy hatr’izay niainako ka mandraka andro-any,

Malagasy Bible

¹⁵ Dia nitso-drano an'i Josefa izy ka nanao hoe: Andriamanitra, Izay nandehanan'i Abrahama sy Isaka razako teo anatrehany, Andriamanitra, Izay Mpiandry ahy hatrizay niainako ka mandraka androany,

La Bible en Malgache

¹⁵ Dia nitsodrano an’i Josefa izy ka niteny hoe: Andriamanitra izay nandehanan’i Abrahama sy Isaka razako teo anatrehany, Andriamanitra Mpiandry ahy hatrizay niainako ka mandraka androany,

Genesisy 48:15 Rohy Ifampitohizana

Genesisy 17:1

Rehefa feno 99 taona i Abrama, dia nisehoan’ny TOMPO ka nitenenany hoe: –Izaho no Andriamanitra Tsitoha; aoka handeha eo anatrehako ianao sady tsy hanan-tsiny;

Genesisy 24:20

Dia naidiny faingana tao anaty tavy fisotroam-biby ny rano tao an-tsiny ary nihazakazaka nantsaka indray izy, ka nantsakany avokoa ireto rameva rehetra.

Genesisy 24:40

Dia novaliany hoe: «Eo anatrehan’ny TOMPO hatrany no izorako, ka Izy haniraka ny anjeliny hiaraka aminao sy hampahomby ny dianao; ny zanako dia hitondranao vady avy amin’ny foko nipoirako sy ny fianakavian-draiko.

Genesisy 27:27

Dia nanatona i Jakôba ka nanoroka an-drainy. Ary nony ren’i Itsehàka ny fofon’ny fitafiany, dia nitsodrano azy izy nanao hoe: Endrey izany fofon’ny zanako, fa tahaka ny fofon’ny saha notahîn’ny TOMPO!

Genesisy 27:4

ka anamboaro hanim-py ho ahy araka ilay tiako, ary ento aty hohaniko. Avy eo dia hotsofiko rano ianao alohan’ny hahafatesako.

Genesisy 28:20

Nanao voady teo i Jakôba ka niteny hoe: –Raha miaraka amiko ny Tompo ka miaro ahy amin’izao lalana alehako izao, ary manome ahy izay hohaniko sy hotafîko,

Genesisy 28:22

Ary ity vato izay efa naoriko ho tsangambato ity dia hanjary tranon’Andriamanitra, ka ny ampahafolon’izay rehetra homeny ahy dia hatolotro Azy.

Genesisy 28:3

Hitahy anao anie ilay Andriamanitra Tsitoha, ka hanome taranaka maro mba hahatonga anao ho razamben’ny firenena maro

Genesisy 35:3

Ndeha isika hiainga hiakatra any Betela; fa hanamboatra alitara any aho ho an’Andriamanitra Izay nihaino ahy tamin’ny androm-pahoriako sady nomba ahy tamin’izay rehetra nalehako.

Genesisy 48:16

antsoiko ilay Anjely Izay nanavotra ahy tamin’ny loza rehetra; dia hotahîny anie ireto zazalahy ireto! Ka amin’ny alalan’izy roa lahy no hahatsiarovana ny anarako mbamin’ny anaran’i Abrahama raibeko sy i Itsehàka raiko! Hitombo maro dia maro eo anivon’ilay tany anie izy!

Genesisy 49:22

I Jôsefa dia toy ny zava-maniry mahavokatra izay mirobona eo akaikin-doharano ka manan-drantsana tafahoatra ny fefy.

Genesisy 49:24

Kanjo nateza mafy ny tsipîkan’i Jôsefa, ary kinga hatrany ny sandry aman-tanany. Noho ny fiarovan’ilay Andriamanitra maherin’i Jakôba, noho ny anaran’ilay Mpiandry izay vatolampy iankinan’i Israely,

Genesisy 49:28

Izy rehetra ireo no foko israelita roa ambin’ny folo. Izany no teny nolazain-drainy taminy, fony izy nitsodrano azy. Eny, samy nomeny tsodrano manokana ny foko tsirairay avy.

Genesisy 6:9

Izao no tantaran’i Noà: i Noà dia lehilahy marina sady tsy nisy tsiny tamin’ireo mpiara-belona taminy, fa niara-nandeha tamin’Andriamanitra.

1Mpanjaka 3:6

Dia hoy i Salômôna: –Efa nanehoanao fitia lehibe i Davida raiko sady mpanomponao, araka ny nizorany teo anatrehanao tamin’ny toetra mahatoky sy marina sady mahitsy fo; ary notehirizinao ho azy izany fitia lehibe izany, fa nomenao zanakalahy izay mipetraka eo amin’ny sezafiandrianany izy tahaka izao hita anio izao.

1Tantara 5:1

I Reobena no lahimatoan’i Jakôba, satria izy no voalohan-terany; kanefa tamin’ny nandotoan’i Reobena ny vadikelin-drainy, dia nomena an’i Jôsefa zanakalahin’i Jakôba ny fizokiany, ka tsy voasoratra ho zokiny tao amin’ny tetiarana intsony i Reobena.

Salamo 16:8

Ataoko eo anoloako mandrakariva ny TOMPO, eo ankavanako Izy ka tsy hihontsona aho.

Salamo 23:1

Salamo nataon’i Davida Ny TOMPO no mpiandry ahy ka tsy ory na inona na inona aho.

Salamo 37:3

Matokia ny TOMPO, manaova ny tsara, dia honina amin’ny tany nomeny ianao ka hiaina amim-pilaminana azo antoka.

Eksodosy 3:16

Mandehana, vorio ny loholon’i Israely ka ilazao hoe: «Ny TOMPO Andriamanitry ny razanareo, ilay Andriamanitr’i Abrahama sy i Itsehàka ary i Jakôba, no efa niseho tamiko ka nilaza fa nitsinjo anareo sy nahita ny fomba afitsoka anareo atỳ Ejipta;

Eksodosy 4:5

Koa hoy ny TOMPO hoe: –Izany dia mba hahatonga ny Israelita hatoky fa efa niseho taminao Aho TOMPO Andriamanitry ny razany, Andriamanitr’i Abrahama sy i Itsehàka ary i Jakôba.

Mpitoriteny 5:12

Nahita zava-dratsy mampahory aho teto ambonin’ny tany, dia ny vola izay notahirizin’ny tompony nefa nampidi-doza azy.

Mpitoriteny 5:18

Rehefa misy olona omen’Andriamanitra vola aman-karena sady avelany hihinana sy haka ny anjarany amin’izany ary koa hifaly amin’ny vokatry ny asany, dia fanomezan’Andriamanitra izany.

Mpitoriteny 6:7

Miasa ny olona mba hampitony ny filàny saingy tsy mety afa-po izy.

Isaia 30:21

Fa na handeha hiankavanana na hiankavia ianao, dia ho renao avy aoriana izao teny izao: «Ity no lalana ka araho».

Isaia 33:16

Izany olona izany no honina eny amin’ny toerana avo tsy hay anihina; ny harambato mafy no ho fialofany, homena hanina sahaza azy izy ary hiantohana rano hosotroiny.

Jeremia 8:2

ka avela hiparitaka eo anatrehan’ny masoandro sy ny volana ary ny andian-kintana eny amin’ny lanitra izay notiavin’ireny olona ireny ka nivavahany sy niraiketany, ary nanontaniany hilan-kevitra sy niankohofany. Tsy hangonina na halevina intsony ireo taolana ireo fa ho tonga zezika eny ambonin’ny tany.

Lioka 1:6

Olo-marina teo anatrehan’Andriamanitra izy mivady ary nanaraka ny didy amam-pitsipiky ny Tompo an-tsakany sy an-davany.

1Korintiana 10:31

Koa na mihinana na misotro ianareo, eny, na inona na inona ataonareo, dia ataovy ho voninahitr’Andriamanitra ny zavatra rehetra.

2Korintiana 1:12

Izao manko no ireharehanay: ny fieritreretanay dia vavolombelona manambara fa ny fomba nitondranay tena teto amin’izao tontolo izao, indrindra teo aminareo, dia tamin’ny fahatsorana sy hitsimpo nomen’Andriamanitra; satria ny fahasoavan’Andriamanitra no nitarika anay fa tsy ny fahendren’olombelona.

Deoteronomia 33:1

Rehefa nadiva ho faty i Mosesy, lehilahin’Andriamanitra, dia izao no tsodrano nataony tamin’ny Israelita:

Kolosiana 2:6

Noho ianareo efa nandray an’i Kristy Jesoa ho Tompo, dia manaova fitondrantena toy ny olona tafaray aminy.

1Tesaloniana 2:12

nampirisika anareo izahay sy nampahery anareo ary nananatra anareo mba hanao fitondrantena mendrika an’Andriamanitra, dia ilay Andriamanitra Izay miantso anareo hiditra ao amin’ny Fanjakàny sy ny voninahiny.

Hebreo 11:21

Nony efa ho faty i Jakôba, dia finoana no nitsòfany rano tsirairay ny zanakalahin’i Jôsefa; ka niankina tamin’ny lohatehiny i Jakôba no nivavaka tamin’Andriamanitra.