Genesisy 48:14 - DIEM PROTESTANTA

¹⁴ Fa nampifamadihin’i Jakôba ny tanany, ka ny tanany havanana no napetrany teo amin’ny lohan’i Efraîma na dia zandriny aza io; fa ny tanany havia kosa no napetrany teo amin’ny lohan’i Manase, kanefa izy io no lahimatoa.

Baiboly Protestanta Malagasy 2011

¹⁴ Dia natsotran’Israely ny tanany havanana ka napetrany tamin’ny lohan’i Efraima nefa izy no zandriny, fa ny tanany havia kosa no nataony teo amin’ny lohan’i Manase; izany hoe nampifandikainy ny tanany nefa i Manase no lahimatoa.

Dikateny Iombonana Eto Madagasikara

¹⁴ Fa nampifamadihin’i Jakôba ny tanany, ka ny tanany havanana no napetrany teo amin’ny lohan’i Efraîma na dia zandriny aza io; fa ny tanany havia kosa no napetrany teo amin’ny lohan’i Manase, kanefa izy io no lahimatoa.

Baiboly Katolika

¹⁴ Natsotran’i Israely ny tanany havanana, ka napetrany tamin’ny lohan’i Efraima izay zandriny; ary ny tanany havia tamin’ny lohan’i Manase; niniany natao toy izany ny tanany, fa i Manase no zokiny.

Baiboly Protestanta Malagasy

¹⁴ Dia nahinjitr’Isiraely ny tànany ankavanana ka napetrany tamin’ny lohan’i Efraima–nefa izy no zandriny–fa ny tànany ankavia kosa teo amin’ny lohan’i Manase; fa niniany natao toy izany ny tànany, nefa Manase no lahimatoa.

Malagasy Bible

¹⁴ Dia nahinjitr'Isiraely ny tanany ankavanana ka napetrany tamin'ny lohan'i Efraima, nefa izy no zandriny, fa ny tànany ankavia kosa teo amin'ny lohan'i Manase; fa niniany natao toy izany ny tànany, nefa Manase no lahimatoa.

La Bible en Malgache

¹⁴ Dia natsotran’Israely ny tanany havanana ka napetrany tamin’ny lohan’i Efraima nefa izy no zandriny, fa ny tanany havia kosa no nataony teo amin’ny lohan’i Manase; izany hoe nampifandikainy ny tanany nefa i Manase no lahimatoa.

Genesisy 48:14 Rohy Ifampitohizana

Genesisy 41:51

Nantsoin’i Jôsefa hoe Manase ny lahimatoa, fa hoy izy hoe «Nampanadinoin’Andriamanitra ahy ny fahoriako rehetra mbamin’izay rehetra any an-tranon’ny raiko.»

Genesisy 41:52

Nantsoiny hoe Efraîma kosa ny faharoa, fa hoy izy hoe: «Andriamanitra efa nampahamaro anaka ahy teto amin’ity tany nijalijaliako ity.»

Genesisy 46:20

Tany Ejipta i Jôsefa dia niteraka zanaka roa lahy, i Manase sy i Efraîma, tamin’i Asenata vadiny, izay zanakavavin’i Pôtifera mpisorona tao Ona.

Genesisy 48:13

Noraisiny tamin’ny tanany havanana i Efraîma ka narosony ho eo an-kavian’i Jakôba, ary noraisiny tamin’ny tanany havia kosa i Manase mba ho eo an-kavanan’i Jakôba, dia nampanatoniny an-draibeny indray izy mirahalahy.

Genesisy 48:17

Hitan’i Jôsefa fa napetraky ny rainy teo amin’ny lohan’i Efraîma ny tanany havanana ka tsy sitrany izany. Dia noraisiny ny tanan-drainy mba hampiala azy amin’ny lohan’i Efraîma hankeo amin’ny lohan’i Manase;

Genesisy 48:18

sady hoy i Jôsefa tamin-drainy: –Tsy izao no izy, ry dada; fa ity no lahimatoa, koa apetraho eo an-dohany ny tananao havanana.

Salamo 110:1

Salamo nataon’i Davida. Ny TOMPO Andriamanitra dia niteny hentitra tamin’ny Mpanjaka Tompoko hoe: «Mipetraha amin’ny sezafiandrianana eto ankavanako. Izaho kosa hanao ny fahavalonao ho fitoeran-tongotrao.»

Salamo 118:16

nanandratra anay ny tanan’ny TOMPO, naneho hery ny tanan’ny TOMPO.»

Eksodosy 15:6

TOMPO ô, malaza ho mahery ny sandrinao ankavanana, ka manorotoro fahavalo!

Nomery 2:18

«Amin’ny lafiny andrefana no hisy ireo tafika mivondrona ao amin’ny tobin’i Efraîma, ka ahitana ny tafika efraîmita sy manasita ary benjaminita. Ny vatan-dehilahy voaisa ho afa-mitam-piadiana dia hotarihin’ny filoha anankiray avy amin’ny fokony araka izao: ho an’ny fokon’i Efraîma dia i Elisamà zanakalahin’i Hamihoda miaraka amin’ny vatan-dehilahy 40 500; ho an’ny fokon’i Manase dia i Gamaliela zanakalahin’i Pedahatsoro miaraka amin’ny vatan-dehilahy 32 200; ho an’ny fokon’i Benjamîna dia i Abidàna zanakalahin’i Gidehônỳ miaraka amin’ny vatan-dehilahy 35 400.

Nomery 8:10

Ento eo anatrehako TOMPO ireo Levita, ary hametra-tanana aminy kosa ny Israelita.

Nomery 8:18

Fa ny Levita kosa no nalaiko ho solon’ny lahimatoa rehetra amin’ny Israelita.

Matio 16:18

Izaho koa milaza aminao fa ianao no Vato, ary eo ambonin’izany vatolampy izany no hanorenako ny Fiangonako; ary ny herin’ny fahafatesana tsy hahatohitra ny Fiangonako.

Matio 19:13

Tamin’izay dia nisy ankizy madinika maro nentin’ny olona teo amin’i Jesoa hametrahany tanana sy hivavahany. Notenenin’ny mpianatra mafy ireo olona ireo,

Matio 19:15

Dia nametra-tanana tamin’ireo ankizy madinika ireo i Jesoa vao niala teo.

Matio 6:5

–Rehefa mivavaka ianareo, aza mba manahaka ny mpihatsaravelatsihy. Tian-dry zareo ny maka toerana ao amin’ny sinagôga sy eny amin’ny fihaonan-dalana raha mivavaka, mba hahitan’ny olona azy. Lazaiko marina aminareo fa efa azony ny valisoany.

Lioka 13:13

Dia nametrahan’i Jesoa tanana ravehivavy ary nitraka niaraka tamin’izay ka nanome voninahitra an’Andriamanitra.

Lioka 4:40

Vao maty kosa ny masoandro, izay rehetra nanana marary azon’ny aretina isan-karazany dia samy nitondra ny azy teo amin’i Jesoa. Nametrahany tanana tsirairay izy ireny, ka nositraniny.

Asan’ny Apostoly 13:3

Tamin’izay, rehefa nifady hanina sy nivavaka ny iray Fiangonana, dia nametra-tanana tamin’izy roa lahy ary nandefa azy.

Asan’ny Apostoly 6:6

Naroso teo anatrehan’ny apôstôly izy fito lahy ka nanaovan’ny apôstôly vavaka sy nametrahany tanana.

Deoteronomia 34:9

I Josoa, zanakalahin’i Nona, dia feno fanahy fahendrena, satria efa nametrahan’i Mosesy tanana; ka nihaino azy ny Israelita sady nanatanteraka ny didy nampitain’ny TOMPO tamin’i Mosesy.

1Timoty 4:14

Aza atao tandrevaka ny fanomezam-pahasoavana ao anatinao, fanomezam-pahasoavana izay natolotra anao fony niteny taminao ny mpilaza hafatr’Andriamanitra ary nametra-tanana taminao ny loholona tafangona.

1Timoty 5:22

Aza maika loatra mametra-tanana amin’olona mba hanokana azy amin’ny asan’ny Tompo. Aza miombona ota amin’ny sasany; tahirizo madio ny tenanao.