Genesisy 12:8 - DIEM PROTESTANTA

⁸ Avy eo izy dia niainga ho any amin’ny faritra be havoana any atsinanan’i Betela, ary nanorina ny lainy teo anelanelan’i Betela tao andrefana sy i Hay tao atsinanana. Nanorina alitara iray ho an’ny TOMPO teo koa izy ka nivavaka sady niantso an’Andriamanitra hoe TOMPO.

Baiboly Protestanta Malagasy 2011

⁸ Ary nifindra niala teo hankany amin’ny tendrombohitra atsinanan’i Betela izy ka nanorina ny tranolainy teo anelanelan’i Betela teo andrefany ary i Ay teo atsinanany. Nanorina alitara ho an’NY TOMPO teo koa izy ka niantso ny anaran’NY TOMPO.

Dikateny Iombonana Eto Madagasikara

⁸ Avy eo izy dia niainga ho any amin’ny faritra be havoana any atsinanan’i Betela, ary nanorina ny lainy teo anelanelan’i Betela tao andrefana sy i Hay tao atsinanana. Nanorina alitara iray ho an’ny TOMPO teo koa izy ka nivavaka sady niantso an’Andriamanitra hoe TOMPO.

Baiboly Katolika

⁸ Nifindra avy eo izy ho any amin’ny tendrombohitra ao atsinanan’i Betela, dia niorin-day izy, ka i Betela teo andrefany ary i Hay teo atsinanany. Ary nanorina ôtely ho an’i Iaveh izy teo, ka niantso ny anaran’i Iaveh.

Baiboly Protestanta Malagasy

⁸ Ary nifindra niala teo izy hankany amin’ny tendrombohitra atsinanan’i Betela ka nanorina ny lainy teo anelanelan’i Betela tao andrefany sy Ay tao atsinanany; dia nanorina alitara teo koa ho an’i Jehovah izy ka niantso ny anaran’i Jehovah.

Malagasy Bible

⁸ Ary nifindra niala teo izy hankany amin'ny tendrombohitra atsinanan'i Betela ka nanorina ny lainy teo anelanelan'i Betela tao andrefany sy Ay tao atsinanany; dia nanorina alitara teo koa ho an'i Jehovah izy ka niantso ny anaran'i Jehovah.

La Bible en Malgache

⁸ Ary nifindra niala teo hankany amin’ny tendrombohitra atsinanan’i Betela izy ka nanorina ny tranolainy teo anelanelan’i Betela teo andrefany ary i Ay teo atsinanany. Nanorina alitara ho an’NY TOMPO teo koa izy ka niantso ny anaran’NY TOMPO.

Genesisy 12:8 Rohy Ifampitohizana

Genesisy 13:18

Dia nangoron-day i Abrama ka nandeha nipetraka tao amin’ny hazo ôakan’i Mamre, akaikin’i Hebrôna, ary nanorina alitara teo ho an’ny TOMPO.

Genesisy 13:3

Nandeha izy nifindrafindra avy tao Negeva ka hatrany Betela, teo amin’ny toerana izay efa nitobiany tamin’ny voalohany, teo anelanelan’i Betela sy i Hay.

Genesisy 13:4

Ka dia tamin’ilay toerana nanorenan’i Abrama alitara voalohany no nivavahany sady niantsoany an’Andriamanitra hoe TOMPO.

Genesisy 21:33

Ary i Abrahama namboly hazo voamadilo tao Beera-Seba, ka teo no nivavahany tamin’ilay Andriamanitra mandrakizay sy niantsoany Azy hoe TOMPO.

Genesisy 22:9

Rehefa tonga teo amin’ny toerana izay voatondron’Andriamanitra izy ireo, dia nanorina alitara teo i Abrahama sady nandahatra ny kitay. Dia namatotra an’i Itsehàka zanany izy, ka nametraka azy teo amin’ny alitara, teo ambony kitay.

Genesisy 26:25

Nanorina alitara teo i Itsehàka ka nivavaka tamin’Andriamanitra sady niantso Azy hoe TOMPO. Namelatra ny lainy izy ary nihady lavaka fantsakana hafa koa ireo mpanompony.

Genesisy 28:19

Dia nantsoiny hoe Betela na hoe tranon’Andriamanitra io toerana io, fa Lozy no anaran’izany tanàna izany taloha.

Genesisy 31:25

Dia nahatratra an’i Jakôba i Labàna, fony i Jakôba efa nanorina ny lainy teo an-tendrombohitr’i Gilehada; ary i Labàna sy ny havany koa nanorina ny lainy teo

Genesisy 33:20

Dia nanorina alitara teo izy, ka nataony hoe Ela-Elôhe-Israely ny anaran’ilay alitara.

Genesisy 35:3

Ndeha isika hiainga hiakatra any Betela; fa hanamboatra alitara any aho ho an’Andriamanitra Izay nihaino ahy tamin’ny androm-pahoriako sady nomba ahy tamin’izay rehetra nalehako.

Genesisy 35:7

Ary nanamboatra alitara teo izy, ka niantso an’io toerana io hoe Andriamanitr’i Betela; satria teo no nisehoan’Andriamanitra taminy fony izy nandositra ny rahalahiny.

Genesisy 4:26

Ary i Seta kosa niteraka lahy nantsoiny hoe Enôsa. Hatreo vao nivavaka tamin’Andriamanitra ny olona ka niantso Azy hoe TOMPO.

Genesisy 8:20

Dia nanangana alitara ho an’ny TOMPO i Noà, ka naka tamin’ireo biby fiompy sy voro-manidina madio rehetra ary nanolotra azy ho sorona dorana manontolo ho an’ny Tompo teo amin’ny alitara.

Nehemia 11:31

Ny sasany tamin’ny taranak’i Benjamîna kosa dia nonina tamin’ireto tanàna ireto: i Geba, i Mikmasy, i Haià, i Betela sy ireo tanàna kely miankina aminy,

Salamo 116:4

ka niantso ny TOMPO nanao hoe: «Miangavy aho, TOMPO ô, mba vonjeo re aho!»

Eksodosy 17:15

Dia nanamboatra alitara teo i Mosesy ka nomeny anarana hoe «Ny TOMPO fanevako».

Isaia 10:28

tonga ao akaikin’i Haiata, dia mandalo ao Migrôna ary mametraka ny entany ao Mikmasy.

Asan’ny Apostoly 2:21

Ary izay rehetra hiantso ny anaran’ny Tompo dia ho voavonjy!»

Hebreo 11:9

Finoana no nonenany toy ny mpiavy tao amin’ny tany nampanantenain’Andriamanitra ho azy. Tranolay no nitoerany, dia izy mbamin’i Itsehàka sy i Jakôba, izay samy nandray izany fampanantenana izany.

Josoa 18:22

i Bety-Harabà, i Tsemaraîma, i Betela,

Josoa 22:10

Ary nony tonga tao Gelilôta teo amoron’i Jôrdàna sady mbola tao amin’ny tany Kanahàna izy telo tonta, dia nanorina alitara lehibe mahatalanjona teo amoron’ny renirano.

Josoa 7:2

I Josoa kosa naniraka vatan-dehilahy avy tao Jerikao ho any Hay, izay tanàna ao atsinanan’i Betela eo akaikin’i Bety-Avena, ka nanome baiko azy mba hiakatra hisafo iny faritra iny. Dia niakatra nisafo an’i Hay ireo lehilahy ireo

Josoa 8:12

Efa nifantina tokony ho dimy arivo lahy moa i Josoa ka nametraka azy hamitsaka teo andrefan’ny tanàna, teo anelanelan’i Betela sy i Hay.

Josoa 8:17

Tsy nisy lehilahy tavela intsony tao Hay fa samy nivoaka hanenjika ny Israelita avokoa, ary namela ny tanàna hidanadana teo.

Josoa 8:3

Dia niainga hamely an’i Hay i Josoa sy ny tafiny. Ary i Josoa nifidy lehilahy mahery fo miisa telo alina, dia naniraka azy nony alina

Josoa 8:30

Tamin’izany, teo an-tendrombohitra Hebala, dia nanorenan’i Josoa alitara ho an’ny TOMPO Andriamanitr’i Israely.

Josoa 8:9

Dia nalefan’i Josoa ireo lehilahy mahery fo ireo ho any amin’ny faritra hamitsahany ka lasa naka toerana teo andrefan’i Hay, teo anelanelan’i Betela sy i Hay; fa i Josoa nijanona teo anivon’ny tafika sisa ihany tamin’io alina io.

Mpitsara 6:24

Ary nanorina alitara ho an’ny TOMPO teo i Gidehôna, ka io toerana io dia nantsoiny hoe «Ny TOMPO manome fiadanana»; ary mandraka androany izany alitara izany dia mbola ao Hôfrà, tanànan’ny tarik’i Abihezera.

1Samoela 30:27

Nandefasany koa ireo loholon’i Betela sy i Ramôta-Negeba ary i Jatira,