Genesisy 12:10 - DIEM PROTESTANTA

¹⁰ Ary nisy mosary tao amin’ny tany; ka rehefa nihamafy izany, dia nidina tany Ejipta ry i Abrama.

Baiboly Protestanta Malagasy 2011

¹⁰ Ary nisy mosary teo amin’ny tany; dia nidina nankany Ejipta i Abrama mba hivahiny any fa mafy ny mosary teo amin’ny tany.

Dikateny Iombonana Eto Madagasikara

¹⁰ Ary nisy mosary tao amin’ny tany; ka rehefa nihamafy izany, dia nidina tany Ejipta ry i Abrama.

Baiboly Katolika

¹⁰ Fa nisy mosary teo amin’ny tany ka nidina nitoetra any Ejipta i Abrama, fa lehibe ny mosary teo amin’ny tany.

Baiboly Protestanta Malagasy

¹⁰ Ary nisy mosary teo amin’ny tany; ary Abrama dia nidina nankany Egypta hivahiny any, fa mafy ny mosary teo amin’ny tany.

Malagasy Bible

¹⁰ Ary nisy mosary teo amin'ny tany; ary Abrama dia nidina nankany Egypta hivahiny any, fa mafy ny mosary teo amin'ny tany.

La Bible en Malgache

¹⁰ Ary nisy mosary teo amin’ny tany; dia nidina nankany Ejipta i Abrama mba hivahiny any fa mafy ny mosary teo amin’ny tany.

Genesisy 12:10 Rohy Ifampitohizana

Genesisy 41:56

Ary rehefa nanenika an’i Ejipta manontolo ny mosary, dia nasain’i Jôsefa novohana ny fitahirizam-bokatra mba hivarotana vary amin’ny Ejiptianina, satria namely mafy ny mosary manerana an’i Ejipta.

Genesisy 41:57

Tonga tany Ejipta koa ireo avy any amin’ny tany hafa rehetra mba hividy vary amin’i Jôsefa, satria efa namely mafy ny mosary manerana ny tany.

Genesisy 42:5

Dia tonga hividy vary tany Ejipta toy ny hafa ireo zanakalahin’i Jakôba, fa tratry ny mosary koa ny tany Kanahàna.

Genesisy 43:1

Mbola nanindry mafy tany Kanahàna ny mosary.

Genesisy 47:13

Ary mafy tokoa ny mosary ka tsy nisy hanina intsony teo amin’ny faritany manontolo. Na tany Ejipta na tany Kanahàna dia efa very hevitra ny olona niatrika ny mosary.

2Samoela 21:1

Nisy mosary naharitra telo taona misesy tamin’ny andron’i Davida. Nanontany ny TOMPO momba izany i Davida ka novaliany hoe: –Avy amin’i Saoly sy ny fianakaviany lian-dra izao, satria i Saoly no namono nahafaty ny Gibehônita.

2Mpanjaka 4:38

Niverina nankany Gilgala i Elisà. Nanjakan’ny mosary ny tany tamin’izay ka novoriny teo anatrehany ny andia-mpaminany; sady hoy izy tamin’ny mpanompony: –Ataingeno eo ambony fatana ny vilany lehibe ary manaova lasopy ho an’ny andia-mpaminany.

2Mpanjaka 6:25

Nisy mosary lehibe tao Samaria noho izany, ka dia nahatratra sekela valopolo ny vidin’ny loham-boriky iray ary sekela dimy ny taim-boromahailala roanjato grama.

Salamo 105:13

Nivezivezy nitety firenena maro izy, ka niala tamin’ny fanjakana iray hankany amin’ny vahoaka hafa.

Salamo 107:34

ary ny tany lonaka ho tanin-tsira, noho ny faharatsian’ny mponina eo.

Salamo 34:19

Fa akaikin’ny torotoro fo IZY sady mamonjy ny rera-tsaina.

Jeremia 14:1

Tenin’ny TOMPO tamin’i Jeremià noho ny hain-tany.

Jaona 16:33

Izany no voalazako taminareo, dia mba hanananareo fiadanana amin’ny firaisana amiko. Eto amin’izao tontolo izao no ahitanareo fahoriana; nefa mahereza, fa Izaho efa naharesy izao tontolo izao!

Asan’ny Apostoly 14:22

Nampahery fo ny mpianatra i Paoly sy i Barnabà ary nampirisika azy ireo haharitra amin’ny finoana ka nanao taminy hoe: –Fahoriana be no tsy maintsy diavintsika mba hidirana ao amin’ny Fanjakàn’Andriamanitra!

Asan’ny Apostoly 7:11

Tamin’izay dia nisy mosary nanerana an’i Ejipta sy i Kanahàna manontolo ka mafy ny fahoriana; ary tsy nahita hanin-kohanina ny razantsika.

Rota 1:1

Tamin’ny andro nitondran’ny Mpitsara tao Israely, dia nisy mosary tao amin’ny tany. Koa nisy lehilahy iray avy ao amin’ny Betleheman’i Joda nandeha nifindra monina tany amin’ny faritr’i Môaba niaraka tamin’ny vadiny sy ny zanany roa lahy.