Estera 6:12 - DIEM PROTESTANTA

¹² Ary niverina nankeo am-bavahadin’ny lapa i Môrdôkay; fa i Hamàna kosa nody faingana ho any an-tranony sady nalahelo no nisaron-doha.

Baiboly Protestanta Malagasy 2011

¹² Ary niverina nankeo amin’ny vavahadin’ny mpanjaka i Mordekay; fa i Hamana kosa dia nody haingana ho any an-tranony sady nalahelo no nisaron-doha.

Dikateny Iombonana Eto Madagasikara

¹² Ary niverina nankeo am-bavahadin’ny lapa i Môrdôkay; fa i Hamàna kosa nody faingana ho any an-tranony sady nalahelo no nisaron-doha.

Baiboly Protestanta Malagasy

¹² Ary Mordekay niverina nankeo amin’ny vavahadin’ny mpanjaka; fa Hamana kosa nody faingana ho any an-tranony sady nalahelo no nisaron-doha.

Malagasy Bible

¹² Ary Mordekay niverina nankeo amin'ny vavahadin'ny mpanjaka; fa Hamana kosa nody faingana ho any an-tranony sady nalahelo no nisaron-doha.

La Bible en Malgache

¹² Ary niverina nankeo amin’ny vavahadin’ny mpanjaka i Mordekay; fa i Hamana kosa dia nody haingana ho any an-tranony sady nalahelo no nisaron-doha.

Estera 6:12 Rohy Ifampitohizana

2Samoela 15:30

Nananika ny tendrombohitra Analanôliva tamin-dranomaso be i Davida, ka sady nisaron-doha izy no nandeha tsy nikiraro. Ny olona rehetra izay tafaraka taminy dia nisaron-doha avokoa, ka sady nananika ny tendrombohitra no nitomany.

2Samoela 17:23

Nony hitan’i Ahitôfela fa tsy narahina ny heviny, dia nasiany lasely ny borikiny, ary lasa izy nody tany an-tanàna fonenany. Rehefa avy nanafatra ny ankohonany izy, dia nananton-tena ary maty ka nalevina tao amin’ny fasan-drainy.

1Mpanjaka 20:43

Ary nalahelo sady tezitra ny mpanjakan’i Israely no niverina sady nody tany an-tranony, tao Samaria.

1Mpanjaka 21:4

Ary nalahelo sady tezitra i Ahaba no niverina tao an-tranony, satria nilazan’i Nabôta avy ao Jizrehela hoe: «Tsy homeko anao ny lova avy amin’ny razako.» Dia nandry teo am-parafarany izy ka nitodika tany amin’ny rindrina ary tsy nety nihinan-kanina.

1Mpanjaka 21:6

Dia hoy ny navaliny azy: –Nitenenako i Nabôta avy ao Jizrehela hoe: «Omeo ahy ny tanimboalobokao hovidiko na koa hatakaloko tanimboaloboka hafa, raha izany no mety aminao»; fa namaly izy hoe: «Tsy homeko anao ny tanimboaloboko».

2Tantara 26:20

Ary i Hazarià mpisorombe sy ireo mpisorona hafa rehetra dia nanatrika nijery azy ka nahita ny aretin-koditra teo amin’ny handriny. Dia noroahiny hiala ny Toeramasina izy; sady ny tenany koa mba nivoaka ny tempoly faingana ihany, satria tsapany efa namely azy ny TOMPO.

Estera 2:19

Dia nisy famoriana tovovavy fanindroany, ka tamin’izay i Môrdôkay efa mpiasam-panjakana tao an-dapan’ny amperôra.

Estera 6:11

Dia naka ny fanamiana sy ny soavaly i Hamàna, ka nampiakanjo an’i Môrdôkay ny fanamiana ary nampitaingina azy tamin’ny soavaly; dia izy ihany no nitondra azy ho eny an-kianjan’ny tanàna sady niantso teo alohany hoe: «Toy izao no ataon’ny amperôra amin’izay lehilahy iriny homem-boninahitra!»

Estera 7:8

ary niankohoka teo am-parafaran’i Estera mihitsy aza i Hamàna. Tamin’izay indrindra ny amperôra no niverina avy teo an-jaridaina ho ao an’efitrano fanasana ka vaky vava hoe: –Dia sahin’ilehio koa ve ny misavika ny mpanjakavavy, eto anatrehako, ato an-dapako? Vantany vao niloa-bava ireo teny ireo ny amperôra, dia nisy mpanompony nanarona ny tavan’i Hamàna.

Joba 20:5

dia vetivety ny fireharehan’ny olon-dratsy ary mihelina ihany ny fifalian’ny tsy mpivavaka.

Joba 9:24

Raha mby eo an-tanan’ny olon-dratsy ny tany iray, dia tapenan’Andriamanitra ny mason’ny mpitsara. Fa raha tsy Izy no manao izany, dia mba ho iza kosa àry?

1Samoela 3:15

Dia nandry mandra-maraina i Samoela; ary novohany avy eo ireo varavaran’ny tranon’ny TOMPO, nefa dia natahotra ny hilaza amin’i Helỳ ny fahitàny i Samoela;