Estera 4:16 - DIEM PROTESTANTA

¹⁶ «Ndeha vorio àry ny Jiosy rehetra eto Sosany; dia manaova fifadian-kanina noho ny amiko ianareo, ka aza mihinana na misotro mandritra ny telo andro sy telo alina. Hifady hanina toy izany koa ny tenako sy ireo mpanompovaviko; avy eo dia hankao amin’ny amperôra aho, na dia tsy ara-dalàna aza izany. Koa raha tsy maintsy ho faty aho, dia ho faty!»

Baiboly Protestanta Malagasy 2011

¹⁶ Mandehana ary ka vorio ny Jiosy rehetra izay hita eto Sosana. Mifadia hanina noho ny amiko ka aza mihinana na misotro mandritra ny hateloana na andro na alina. Izaho sy ny mpanompovaviko koa dia hifady toy izany ary amin’izany no hidirako ao amin’ny mpanjaka na dia tsy araka ny lalàna aza. Koa raha toa ka maty aho dia maty!

Dikateny Iombonana Eto Madagasikara

¹⁶ «Ndeha vorio àry ny Jiosy rehetra eto Sosany; dia manaova fifadian-kanina noho ny amiko ianareo, ka aza mihinana na misotro mandritra ny telo andro sy telo alina. Hifady hanina toy izany koa ny tenako sy ireo mpanompovaviko; avy eo dia hankao amin’ny amperôra aho, na dia tsy ara-dalàna aza izany. Koa raha tsy maintsy ho faty aho, dia ho faty!»

Baiboly Protestanta Malagasy

¹⁶ Mandehana ary, vorio ny Jiosy rehetra izay hita ato Sosana, ary mifadia hanina noho ny amiko, ka aza mihinana na misotro hateloana na andro na alina; ary izaho sy ny ankizivaviko hifady toy izany koa, ary amin’izany no hidirako ao amin’ny mpanjaka, na dia tsy araka ny lalàna aza; koa raha tàhiny maty aho, dia maty.

Malagasy Bible

¹⁶ Mandehana ary, vorio ny Jiosy rehetra izay mba ato Sosana ary mifadia hanina noho ny amiko, ka aza mihinana na misotro hateloana na andro na alina; ary izaho sy ny ankizivaviko hifady toy izany koa, ary amin'izany no hidirako ao amin'ny mpanjaka, na dia tsy araka ny lalàna aza; koa raha tàhiny maty aho, dia maty.

La Bible en Malgache

¹⁶ Mandehana ary ka vorio ny Jiosy rehetra izay hita eto Sosana. Mifadia hanina noho ny amiko ka aza mihinana na misotro mandritra ny hateloana na andro na alina. Izaho sy ny mpanompovaviko koa dia hifady toy izany ary amin’izany no hidirako ao amin’ny mpanjaka na dia tsy araka ny lalàna aza. Koa raha toa ka maty aho dia maty!

Estera 4:16 Rohy Ifampitohizana

Genesisy 18:19

Nofidîko izy mba handidiany ireo zanany sy ny taranany hitandrina ny didiko ka hanao ny rariny sy ny hitsiny mba hotanterahiko amin’i Abrahama izay rehetra efa nampanantenaiko momba azy.»

Genesisy 43:14

Andriamanitra Tsitoha anie hahatonga azy hamindra fo aminareo ka hamela an’i Benjamîna sy i Simehôna hiverina hiaraka aminareo! Fa izao dia tsy hombàn-janaka aho tahaka ny tsy nanan-janaka mihitsy.

2Samoela 10:12

Mahereza ianao, ary aoka isika hahery miady ho an’ny firenentsika sy ireo tanànan’Andriamanitsika. Ary aoka ny TOMPO hanao izay heveriny ho tsara.

2Mpanjaka 7:4

Raha tapa-kevitra hankao an-tanàna isika, dia ho faty satria misy mosary ao; kanefa raha hijanona eto isika, dia ho faty ihany koa! Koa andeha isika hankany amin’ny tobin’ny Sirianina hitolo-batana aminy. Raha avelany ho velona aina isika, dia ho velona; fa raha vonoiny ho faty isika, dia tsy maintsy ho faty!

2Tantara 20:3

Dia natahotra i Jôsafata ka nanapa-kevitra hanontany ny TOMPO sady niantso andro fifadian-kanina manerana an’i Joda manontolo.

Ezra 8:21

Teo amoron’io lakan-dranon’i Ahavà io, dia nanainga anay rehetra hanao fifadian-kanina aho mba hietrenay tena eo anatrehan’Andriamanitray sy hangatahanay Azy hahatsara dia anay sy ny vady aman-janakay ombàn’ny fanananay rehetra.

Estera 4:15

Izao kosa no nasain’i Estera navaly an’i Môrdôkay:

Estera 4:17

Dia lasa i Môrdôkay nanao araka izay rehetra nandidian’i Estera azy.

Estera 4:3

Tany amin’ny faritany rehetra nahatongavan’ny baiko aman-didin’ny amperôra, dia nalahelo mafy koa ny Jiosy ka nifady hanina sy nitomany ary nidradradradra, sady maro no nitafy gony sy nandry teo ambony lavenona.

Estera 5:1

Rehefa tapitra ny andro fahatelo nifadian-kanina, dia nitafy ny fanamiana maha mpanjakavavy azy i Estera ka niseho teo amin’ny kianja anatin’ny lapa, teo anoloan’ny efitranon’ny amperôra. Tamin’izay ny amperôra dia tao an-dapa sady nipetraka teo amin’ny sezafiandrianany, tandrifin’ny varavarana fidirana.

Estera 9:31

ary ireo andro Porîma ireo, miaraka amin’ny fifadian-kanina sy fidradradradràna momba azy, no asainy ankalazaina amin’ny fotoana voatendry, araka izay fanamafisana nataon’i Môrdôkay ilay Jiosy sy i Estera mpanjakavavy; nohamafisin’izy mianaka izany ho an’ny Jiosy ary koa ho an’ny taranany.

Isaia 22:12

Tamin’izany andro izany dia niantso anareo ny Tompo ANDRIAMANITR’izao rehetra izao mba hitomany sy hitoloko, hanaratra volon-doha sy hitondra lamba fisaonana.

Jeremia 36:9

Tamin’ny volana fahasivy, taona fahadimy nanjakàn’i Jôiakima, zanakalahin’i Josià sady mpanjakan’i Joda, no nisehoan’izany, raha nantsoina hanao fifadian-kanina teo anatrehan’ny TOMPO ny mponina rehetra tao Jerosalema sy ny olona rehetra avy amin’ireo tanànan’i Joda.

Daniela 2:18

ary nangatahiny izy telo lahy mba hitalaho ny famindrampon’ilay Andriamanitry ny lanitra momba ity zava-miafina ity, ka mba tsy haringana miaraka amin’ireo olon-kendrin’i Babilôna sisa i Daniela sy ny namany.

Matio 12:40

Nitoetra telo andro sy telo alina tao an-kibon’ny trozona i Jônà; toy izany koa, hitoetra telo andro sy telo alina ao an-kibon’ny tany ny Zanak’olona.

Lioka 9:24

Fa izay te hamonjy ny ainy no hahavery azy; ary izay hahafoy ny ainy noho ny fitiavany Ahy kosa no hahavonjy azy.

Jaona 19:22

Fa novalian’i Pilato hoe: –Izay voasoratro dia voasoratro!

Asan’ny Apostoly 10:7

Rehefa lasa ilay anjely niteny taminy teo, dia nantsoin’i Kôrnely ny roa lahy tamin’ny mpanompony sy ny miaramila anankiray mpivavaka, anisan’ireo mpanotrona azy.

Asan’ny Apostoly 20:24

Kanefa tsy ataoko ho zavatra ny aiko mba hahatontosako hatramin’ny farany ilay hazakazaka imasoako sy hahatomombana ilay fanompoana nankinin’i Jesoa Tompo tamiko, dia ny ho vavolombelona hanambara ny Vaovao Mahafaly momba ny fahasoavan’Andriamanitra.

Asan’ny Apostoly 21:13

Kanefa dia novaliany hoe: –Nahoana no mitomany ianareo, ka mitady hanakivy ahy. Izaho dia tsy vonon-kifatotra ihany, fa vonon-ko faty koa any Jerosalema mba ho voninahitr’i Jesoa Tompo.

Asan’ny Apostoly 27:33

Rehefa hadiva haraina ny andro, dia niangavian’i Paoly izy rehetra mba hihinan-kanina ka nataony hoe: –Faha-14 andro niandrasanareo anio ary niaritra hanoanana tsy nihinan-kanina mihitsy ianareo.

Asan’ny Apostoly 9:9

Tsy nahita izy nandritra ny telo andro sady tsy nihinana no tsy nisotro.

Romana 16:4

Nanao vy very ny ainy hamonjena ahy izy mivady, ary tsy izaho ihany no misaotra azy roa fa ny Fiangonana rehetra any amin’ny hafa firenena koa.

Filipiana 2:30

fa ny asan’i Kristy no saika nahafaty azy: nanao vy very ny ainy izy hanatanteraka izay tsy azonareo natao, dia ny fitondrana ilay fanampianareo hatratỳ amiko.

Josoa 24:15

Nefa raha tàhiny tsy sitrakareo ny hanompo ny TOMPO, dia fidio anio izay hotompoinareo, na ny andriamanitra izay notompoin’ny razanareo tany ampitan’i Eofrata na ny andriamanitry ny Amôrita izay mponina teto amin’ny tany onenanareo; fa izaho sy ny ankohonako kosa dia hanompo ny TOMPO izahay.

1Samoela 19:5

Nivarotra aina mihitsy izy namono nahafaty an’i Gôliata ilay Filistinina, ka dia fandresena lehibe ho an’i Israely no azo avy amin’ny TOMPO, ary faly erỳ ianao raha nahita izany. Koa nahoana ankehitriny no hanisy ratsy olona tsy manan-tsiny ianao ka hahafaty an’i Davida tsy amin’antony?