Eksodosy 5:18 - DIEM PROTESTANTA

¹⁸ Koa ankehitriny, ndeha miasa fa tsy homena mololo intsony ianareo, nefa ny isam-biriky anjaranareo tsy maintsy homenareo ihany.

Baiboly Protestanta Malagasy 2011

¹⁸ Ankehitriny, mandehana, tanteraho ny fanompoanareo, fa tsy hisy mololo homena anareo, nefa ny anjara birikinareo dia mbola hovitainareo ihany.

Dikateny Iombonana Eto Madagasikara

¹⁸ Koa ankehitriny, ndeha miasa fa tsy homena mololo intsony ianareo, nefa ny isam-biriky anjaranareo tsy maintsy homenareo ihany.

Baiboly Katolika

¹⁸ Ka mandehana miasa amin’izao tsy omena mololo ianareo; ary ny isan’ny biriky hatolotrareo dia tsy ovana akory.»

Baiboly Protestanta Malagasy

¹⁸ Ary ankehitriny, mandehana, ataovy izay fanompoanareo, fa tsy hisy mololo homena anareo; nefa ny anjara-birikinareo dia mbola hatolotrareo ihany.

Malagasy Bible

¹⁸ Ary ankehitriny, mandehana, ataovy izay fanompoanareo, fa tsy hisy mololo homena anareo; nefa ny anjara-birikinareo dia mbola hatolotrareo ihany.

La Bible en Malgache

¹⁸ Ankehitriny, mandehana, tanteraho ny fanompoanareo, fa tsy hisy mololo homena anareo, nefa ny anjara birikinareo dia mbola hovitainareo ihany.

Eksodosy 5:18 Rohy Ifampitohizana

2Tantara 10:11

Raha nampitondra zioga mavesatra anareo ny raiko, izaho kosa vao mainka hanampy trotraka izany; karavasy tsotra no namaizan-draiko anareo, fa karavasy misy faraingo kosa no hamaizako anareo.»

Eksodosy 5:17

Fa novalian’ny Farao hoe: –Olona tena kamo mihitsy ianareo! Izany no antony nilazanareo hoe: «Handeha hanao sorona ho an’ny TOMPO izahay.»

Eksodosy 5:19

Hitan’ireo mpitandrin-draharaha israelita fa tafalatsaka amin’ny kizo izy raha nilazana hoe: «Tsy hahenanareo ny isam-birikinareo, fa ny anjara fanao isan’andro ihany.»

Mpitoriteny 4:1

Hitako koa ny tsy rariny rehetra atao eto ambonin’ny tany. Miantsoantso ireo voan’ny tsindry hazo lena, fa tsy mba misy afa-manampy azy. Eo am-pelatanan’ny mpamoritra manko ny fahefana, hany ka tsy mba misy afa-manampy azy.

Ezekiela 18:18

Ny rainy izay nampahory sy nangalatra ary nampijaly ny vahoaka nanodidina azy ihany no ho faty noho ny fahadisoana nataony.