Eksodosy 4:24 - DIEM PROTESTANTA

²⁴ Nony teny an-dalana, indray alina tao an-tranombahiny, dia nanatona an’i Mosesy ny TOMPO ka nitady hamono hahafaty azy.

Baiboly Protestanta Malagasy 2011

²⁴ Nony tany an-dalana, tao amin’ny fandriam-bahiny i Mosesy, dia nitsena azy NY TOMPO ka nitady hamono azy.

Dikateny Iombonana Eto Madagasikara

²⁴ Nony teny an-dalana, indray alina tao an-tranombahiny, dia nanatona an’i Mosesy ny TOMPO ka nitady hamono hahafaty azy.

Baiboly Katolika

²⁴ Teny an-dalana, teo amin’ny toerana anankiray nandrian’i Môizy, tamy nitsena azy i Iaveh, nitady hahafaty azy.

Baiboly Protestanta Malagasy

²⁴ Ary nony tany an-dàlana tao amin’ny fandriam-bahiny izy, dia nitsena azy Jehovah ka nitady hamono azy.

Malagasy Bible

²⁴ Ary nony tany an-dalana tao amin'ny fandriam-bahiny izy, dia nitsena azy Jehovah ka nitady hamono azy.

La Bible en Malgache

²⁴ Nony tany an-dalana, tao amin’ny fandriam-bahiny i Mosesy, dia nitsena azy NY TOMPO ka nitady hamono azy.

Eksodosy 4:24 Rohy Ifampitohizana

Genesisy 17:14

Fa izay lehilahy tsy voafora eo amin’ny nofony dia hoesorina tsy ho eo amin’ny fireneny, satria tsy nanaja ny fanekempihavanako.

Genesisy 42:27

Ary nony mby teo amin’ny toerana handriany hariva izy ireo, dia nosokafan’ny anankiray ny kitapony mba hanomezany sakafo ho an’ny borikiny, nefa indro ny volany hitany teo am-bavan’ny kitapo.

1Mpanjaka 13:24

Kanjo nony nandeha izy, dia sendra liona teny an-dalana ka matin’izany; ary ny fatiny dia niampatra teo amin’ny lalana, fa ny boriky sy ny liona kosa nijanona teo an-daniny sy an-kilany.

1Tantara 21:16

Nony natopin’i Davida ny masony, dia ilay anjelin’ny TOMPO no hitany nitsangana teo anelanelan’ny tany sy ny lanitra sady nitana sabatra voatsoaka izay natondrony manandrify an’i Jerosalema. Dia niankohoka i Davida sy ny loholona, izay efa samy nitafy lamba fisaonana rahateo.

Eksodosy 3:18

Hihaino anao ireo Israelita; koa mandehàna ianao sy ny loholon’i Israely mankany amin’ny mpanjakan’i Ejipta, ka lazaonareo aminy hoe: «Niseho taminay ny TOMPO Andriamanitry ny Hebreo, ilay Andriamanitray, koa mba avelao izahay handeha lalana telo andro ho any an-taniefitra hanolotra sorona ho AZY.»

Hosea 13:8

Toy ny famelin’ny orsa very zanaka no amelezako anareo, ka rotehiko ny tratranareo. Toy ny fandrapaky ny liom-bavy no andrapahako anareo; ny bibidia no hamiravira ny fatinareo.

Levitikosy 10:3

Dia hoy i Mosesy tamin’i Aharôna: –Efa voalazan’ny TOMPO izany, fony Izy nanao hoe: «Izay hanakaiky Ahy dia tiako hanaja ny fahamasinako, ary hanome voninahitra Ahy eo anatrehan’ny vahoaka rehetra.» Dia nanao hiram-pisaonana i Aharôna.