Eksodosy 39:3 - DIEM PROTESTANTA

³ Nohetezana tamin’ny takela-bolamena nofisahina ny kofehy volamena madinika, dia nafangaron’ireo mpanao peta-kofehy tamin’ny volon’ondry miloko volomparasy sy mena ary jaky niampy kiran-drongony mafy.

Baiboly Protestanta Malagasy 2011

³ Ary namisaka ny volamena ho takelaka manify izy dia nandidididy azy ho kofehy volamena ka nataony tady miaraka amin’ny kofehy manga, volomparasy, jaky ary ny lamba rongony fotsy madinika, asan’ny mpanenona mahay.

Dikateny Iombonana Eto Madagasikara

³ Nohetezana tamin’ny takela-bolamena nofisahina ny kofehy volamena madinika, dia nafangaron’ireo mpanao peta-kofehy tamin’ny volon’ondry miloko volomparasy sy mena ary jaky niampy kiran-drongony mafy.

Baiboly Katolika

³ Nofisahina ho takelany manify ny volamena, dia nohetezana ho kofehy, vao nafehy tamin’ny rongony madinika, tenona misoratsoratra.

Baiboly Protestanta Malagasy

³ Ary namisaka ny volamena ho takelaka manify izy, dia nandidididy azy ho kofehy volamena, hahasiny amin’ny manga sy ny volomparasy sy ny mena ary ny rongony fotsy madinika, dia asan’ny mpanenona mahay.

Malagasy Bible

³ Ary namisaka ny volamena ho takelaka manify izy, dia nandidididy azy ho kofehy volamena, hahasiny amin'ny manga sy ny volomparasy sy ny mena ary ny rongony fotsy madinika, dia asan'ny mpanenona mahay.

La Bible en Malgache

³ Ary namisaka ny volamena ho takelaka manify izy dia nandidididy azy ho kofehy volamena ka nataony tady miaraka amin’ny kofehy manga, volomparasy, jaky ary ny lamba rongony fotsy madinika, asan’ny mpanenona mahay.

Eksodosy 39:3 Rohy Ifampitohizana

Salamo 45:13

Ny mpanefoefo avy any Tiro sy ny mpanankarena amin’ny vahoaka dia samy hitondra fanatitra hahazoana sitraka aminao.

Eksodosy 25:4

volon’ondry miloko volomparasy na mena na jaky, rongony madinika, volon’osy,

Eksodosy 26:1

«Ary momba ny fonena-masina, dia lamba temitra folo vita amin’ny kiran-drongony mafy mifangaro volon’ondry miloko volomparasy sy mena ary jaky no hanaovana azy, ravahana kerobima vita peta-kofehy tsara.

Eksodosy 36:8

Dia nanamboatra ny fonena-masina ny mpahay taozavatra mahay indrindra; lamba temitra folo vita amin’ny kiran-drongony mafy, mifangaro volon’ondry miloko volomparasy sy mena ary jaky, no nanaovany azy, ka noravahany kerobima vita peta-kofehy tsara.

Eksodosy 39:2

Kiran-dongony mafy, mifangaro volon’ondry miloko volomparasy sy mena ary jaky, no nanaovana ny efôda, sady nasiana peta-kofehy volamena.

Eksodosy 39:4

Beritelo nozairina tamin’ny sisiny roa no nitondrana ny efôda.