Eksodosy 32:22 - DIEM PROTESTANTA

²² Fa novaliany hoe: –Aza tezitra ianao, tompoko. Fantatrao ihany fa mailaka hanao ratsy ity vahoaka ity.

Baiboly Protestanta Malagasy 2011

²² Dia hoy i Arona: Aoka tsy hirehitra ny fahatezeran’ny tompoko, fa ianao mahalala ny toetry ny olona fa mpanao ratsy izy;

Dikateny Iombonana Eto Madagasikara

²² Fa novaliany hoe: –Aza tezitra ianao, tompoko. Fantatrao ihany fa mailaka hanao ratsy ity vahoaka ity.

Baiboly Katolika

²² Hoy i Aarôna namaly azy: «Aoka re mba tsy hirehitra ny fahatezeran’ny tompoko. Fa na ny tenanao aza dia mahalala fa mitongilana amin’ny ratsy ity vahoaka ity.

Baiboly Protestanta Malagasy

²² Fa hoy kosa Arona: Aoka tsy hirehitra ny fahatezeranao, tompoko, fa hianao mahalala ny toetry ny olona, fa mpanao ratsy izy;

Malagasy Bible

²² Fa hoy kosa Arona: Aoka tsy hirehitra ny fahatezeranao, tompoko, fa ianao mahalala ny toetry ny olona, fa mpanao ratsy izy;

La Bible en Malgache

²² Dia hoy i Arona: Aoka tsy hirehitra ny fahatezeran’ny tompoko, fa ianao mahalala ny toetry ny olona fa mpanao ratsy izy;

Eksodosy 32:22 Rohy Ifampitohizana

Genesisy 44:18

Fa nanatona azy i Joda ka nanao hoe: –Tompokolahy ô, ianao no mitovy amin’ny Farao. Koa azafady, tompoko, raha mba hiteny kely aminao aho ary aoka tsy ho tezitra ianao.

Salamo 36:4

Izay teny lazainy dia heloka sy fitaka; nofy azy mihitsy ny hoe hanao ny tsara.

Eksodosy 14:11

sady niteny tamin’i Mosesy hoe: –Moa tsy nisy fasana ve tany Ejipta no nentinao ho faty atỳ an-taniefitra izahay? Izao ve no namoahanao anay hiala tany Ejipta?

Eksodosy 15:24

Dia nimonomonona tamin’i Mosesy ny vahoaka nanao hoe: Inona no hosotroinay?

Eksodosy 16:20

Nisy ihany anefa olona tsy nankatò an’i Mosesy ka namela sisa ho tra-maraina, saingy nivoaka olitra ireny ka maimbo; koa tezitra tamin’ireo i Mosesy.

Eksodosy 16:28

Ka hoy ny TOMPO tamin’i Mosesy: –Mandra-pahoviana no handavanareo tsy hitandrina ny didiko sy ny lalànako?

Eksodosy 32:1

Nony hitan’ny vahoaka israelita fa tara ny fidinan’i Mosesy avy any an-tendrombohitra, dia nivory teo amin’i Aharôna izy, ka nanao taminy hoe: –Ndeha anaovy andriamanitra iray izahay handeha eo alohanay, satria tsy fantatray izay nanjo an’i Mosesy, ilay lehilahy namoaka anay hiala tany Ejipta.

Eksodosy 32:21

Ary nanontany an’i Aharôna izy hoe: –Nanao inona anao ity vahoaka ity no dia nentinao amin’izao heloka bevava izao?

Ohabolana 4:16

Tsy matory ireny raha tsy efa nanao ratsy ary tsy mahita tory raha tsy efa nanafintohina olona.

Deoteronomia 31:27

Fantatro fa maditra sy mafy hatoka ireo; izao ankehitriny mbola velona eto aminy izao aza aho, dia efa nikomy tamin’ny TOMPO ireo, ka mainka rehefa maty aho.

Deoteronomia 9:24

Eny, hatramin’ny andro nahalalako anareo no ho mankatỳ, dia niodina tamin’ny TOMPO hatrany ianareo.

Deoteronomia 9:7

Tsarovy ny nampahatezeranareo ny TOMPO Andriamanitrareo; aza hadinoinareo mihitsy izany! Hatreo amin’ny andro nialanareo tany Ejipta ka hatramin’izao nahatongavanareo teto amin’ity toerana ity izao, dia tsy nitsahatra niodina tamin’ny TOMPO ianareo.

1Samoela 15:15

Ka hoy ny navalin’i Saoly: –Nentin’ny miaramila avy tany amin’ny Hamalekita izany; satria ny biby tsara tsy mba nokasihiny fa hatao sorona ho an’ny TOMPO Andriamanitrao. Ny sisa rehetra kosa dia naringany avokoa.

1Samoela 15:21

fa ny miaramila kosa, raha nanavaka ireo biby izay tsara indrindra tokony ho naringana, dia ny hanolorana azy ho sorona ho an’ny TOMPO Andriamanitrao eto Gilgàla.

1Samoela 15:24

Ka hoy ny navalin’i Saoly azy: –Efa nanota tokoa aho, satria nandika ny didin’ny TOMPO sy ny teninao. Natahotra ny miaramila manko aho, ka nanaraka ny teniny.